ਪਾਬੰਦੀ ਦੇ ਬਾਵਜੂਦ, ਜਨਤਕ ਤੌਰ ‘ਤੇ ਵੇਚੇ ਗਏ China Thread ਨੇ ਅੱਜ ਸਮਰਾਲਾ ਵਿੱਚ ਇੱਕ ਪੁਲਿਸ ਮੁਲਾਜ਼ਮ ਦਾ ਗਲਾ ਵੱਢ ਦਿੱਤਾ। ਬੁਰੀ ਤਰ੍ਹਾਂ ਜ਼ਖਮੀ ਪੁਲਿਸ ਮੁਲਾਜ਼ਮ ਨੂੰ ਤੁਰੰਤ ਨੇੜਲੇ ਸਰਜੀਕਲ ਹਸਪਤਾਲ ਪਹੁੰਚਾਇਆ ਗਿਆ।
ਜਾਣਕਾਰੀ ਅਨੁਸਾਰ, ਜਦੋਂ ਰੇਲਵੇ ਪੁਲਿਸ ਦਾ ਅਧਿਕਾਰੀ ਹਰਜੀਤ ਸਿੰਘ ਆਪਣੀ ਐਕਟਿਵਾ ‘ਤੇ ਕਮਲ ਕਲੋਨੀ ਵਿਖੇ ਆਪਣੇ ਘਰ ਜਾ ਰਿਹਾ ਸੀ ਤਾਂ ਰਸਤੇ ਵਿੱਚ China Thread ਦੀ ਲਪੇਟ ਵਿੱਚ ਆ ਗਿਆ, ਜਿਸ ਨਾਲ ਉਸਦਾ ਗਲਾ ਬੁਰੀ ਤਰ੍ਹਾਂ ਕੱਟਿਆ ਗਿਆ। ਆਸ ਪਾਸ ਦੇ ਲੋਕਾਂ ਨੇ ਉਸਨੂੰ ਲਹੂ-ਲੁਹਾਣ ਦੀ ਹਾਲਤ ਵਿੱਚ ਤੁਰੰਤ ਸਮਰਾਲਾ ਸਰਜੀਕਲ ਹਸਪਤਾਲ ਪਹੁੰਚਾਇਆ।
ਡਾਕਟਰਾਂ ਨੇ ਕਿਹਾ ਕਿ China Thread ਨੇ ਉਸ ਦੀ ਗਰਦਨ ਦੀ ਚਮੜੀ ਤੋਂ ਇਲਾਵਾ ਖੂਨ ਦੀਆਂ ਨਾੜੀਆਂ ਨੂੰ ਵੀ ਨੁਕਸਾਨ ਪਹੁੰਚਾਇਆ ਹੈ। ਇਹ ਕੱਟ ਸਾਹ ਦੀ ਨਾਲੀ ਤੱਕ ਪਹੁੰਚ ਗਿਆ ਹੈ। ਇਲਾਜ਼ ਕਰ ਰਹੇ ਡਾ: ਤੇਜਪਾਲ ਸਿੰਘ ਸਰਜਨ ਨੇ ਦੱਸਿਆ ਕਿ ਜੇ ਜ਼ਖਮੀਆਂ ਨੂੰ ਹਸਪਤਾਲ ਲਿਆਉਣ ਵਿੱਚ ਥੋੜੀ ਦੇਰੀ ਕੀਤੀ ਗਈ ਤਾਂ ਸਾਹ ਦੀ ਪਾਈਪ ਵਿੱਚ ਖੂਨ ਜਮ੍ਹਾ ਹੋਣ ਦੇ ਨਾਲ ਇਸ ਦੀ ਮੌਤ ਵੀ ਹੋ ਸਕਦੀ ਸੀ।
