ਲੁਧਿਆਣਾ ਵਿੱਚ ਦਮੋਰੀਆ ਪੁਲ ਦੇ ਨੇੜੇ ਸਥਿਤ ਚਾਵਲਾ ਮੈਟਰਸ ਦੇ ਗੱਦਿਆਂ ਦੇ ਗੁਦਾਮ ਵਿੱਚ ਅੱਗ ਲੱਗਣ ਦੇ ਨਾਲ ਉਸ ਦੇ ਆਸੇ ਪਾਸੇ ਹਾਹਾਕਾਰ ਮੱਚ ਗਈ। ਜਿਸਦੇ ਨਾਲ ਗੁਦਾਮ ਵਿੱਚ ਪਏ ਕਾਫੀ ਗੱਦੇ ਅੱਗ ਦੇ ਵਿੱਚ ਸੜ ਕੇ ਸੁਆਹ ਹੋ ਗਏ ਹਨ। ਗੁਦਾਮ ਵਿੱਚ ਅੱਗ ਲੱਗਣ ਦੀ ਸੂਚਨਾ ਮਿਲਣ ਸਰ ਹੀ ਫ਼ਾਇਰ ਬਿਗ੍ਰੇਡ ਦੀਆਂ ਗੱਡੀਆਂ ਮੌਕੇ ਤੇ ਪਹੁੰਚ ਗਈਆਂ। ਜਿਸ ਦੇ ਨਾਲ ਗੁਦਾਮ ਦੇ ਵਿੱਚ ਲੱਗੀ ਅੱਗ ਦੇ ਉੱਪਰ ਕਾਬੂ ਪਾਇਆ ਗਿਆ।
ਤੁਹਾਨੂੰ ਦੱਸਦਾ ਦੇਈਏ ਕਿ ਗੱਦਿਆਂ ਦੇ ਗੁਦਾਮ ਦੇ ਉੱਪਰ ਪਰਿਵਾਰ ਦੀ ਰਿਹਾਇਸ਼ ਵੀ ਸੀ। ਜਦੋਂ ਉਹਨਾਂ ਨੇ ਧੂੰਆਂ ਫੈਲਦਾ ਦੇਖਿਆ ਤਾਂ ਸਾਰਾ ਪਰਿਵਾਰ ਗੁਦਾਮ ਵਿੱਚੋਂ ਬਾਹਰ ਆ ਗਿਆ। ਉਸ ਪਰਿਵਾਰ ਦੀ ਇੱਕ ਮਹਿਲਾ ਗੁਦਾਮ ਦੇ ਅੰਦਰ ਰਹਿਣ ਕਰਕੇ ਅੱਗ ਵਿੱਚ ਘਿਰ ਗਈ। ਉਸ ਔਰਤ ਨੂੰ ਫਾਇਰ ਬ੍ਰਿਗੇਡ ਦੇ ਕਰਮਚਾਰੀਆਂ ਨੇ ਗੁਦਾਮ ਦੇ ਵਿੱਚ ਲੱਗੀ ਅੱਗ ਦੀ ਲਪੇਟ ਬਾਹਰ ਕੱਢਿਆ।
ਜ਼ਰੂਰ ਪੜ੍ਹੋ: ਪੁਣੇ ਵਿੱਚ ਭਾਰੀ ਬਾਰਿਸ਼ ਦੇ ਕਾਰਨ ਹੁਣ ਤੱਕ 7 ਮੌਤਾਂ, ਸਕੂਲ-ਕਾਲਜ਼ ਰਹਿਣਗੇ ਬੰਦ
ਮਹਿਲਾ ਅੱਗ ਦੇ ਨਾਲ ਕਾਫੀ ਝੁਲਸ ਗਈ ਸੀ। ਜਿਸ ਕਰਕੇ ਉਸੁ ਤੁਰੰਤ ਹੀ ਹਸਪਤਾਲ ਦੇ ਵਿੱਚ ਦਾਖਿਲ ਕਰਵਾਇਆ ਗਿਆ। ਅੱਗ ਦੇ ਨਾਲ ਜਿਆਦਾ ਝੁਲਸਣ ਦੇ ਕਾਰਨ ਉਸ ਮਹਿਲਾ ਦੀ ਹਸਪਤਾਲ ਵਿੱਚ ਮੌਤ ਹੋ ਗਈ। ਮਹਿਲਾ ਨੂੰ ਬਚਾਉਂਦੇ ਹੋਏ ਫਾਇਰ ਵਿਭਾਗ ਦੇ 3 ਮੁਲਾਜ਼ਮ ਵੀ ਜ਼ਖਮੀ ਹੋਏ ਹਨ।
