Shashi Tharoor vs Sachin: ਸਚਿਨ ਤੇਂਦੁਲਕਰ ਹਮੇਸ਼ਾ ਕ੍ਰਿਕਟਰਾਂ ਲਈ ਰੋਲ ਮਾਡਲ ਰਹੇ ਹਨ। ਉਨ੍ਹਾਂ ਨੇ ਉਹ ਸਭ ਕੁਝ ਹਾਸਲ ਕੀਤਾ ਹੈ ਜਿਸ ਦਾ ਇਕ ਬੱਲੇਬਾਜ਼ ਸੁਪਨਾ ਦੇਖ ਸਕਦਾ ਹੈ। ਪਰ ਉਹ ਕਪਤਾਨ ਵਜੋਂ ਸਫਲ ਨਹੀਂ ਹੋ ਸਕੇ। ਇਹ ਸਭ ਕਹਿੰਦਿਆਂ ਭਾਰਤੀ ਰਾਜਨੇਤਾ ਸ਼ਸ਼ੀ ਥਰੂਰ ਨੇ ਕਿਹਾ ਕਿ ਤੇਂਦੁਲਕਰ ਨੂੰ ਬੱਲੇਬਾਜ਼ੀ ‘ਚ ਵੀ ਆਪਣੇ ਆਪ ਨੂੰ ਸਾਬਤ ਕਰਨਾ ਸੀ, ਇਸ ਲਈ ਉਹ ਕਪਤਾਨੀ ‘ਚ ਬਿਹਤਰ ਪ੍ਰਦਰਸ਼ਨ ਨਹੀਂ ਕਰ ਸਕੇ। ਥਰੂਰ ਨੇ ਇਹ ਵੀ ਕਿਹਾ ਕਿ ਤੇਂਦੁਲਕਰ ਭੂਮਿਕਾ ਨਿਭਾਉਣ ਤੋਂ ਪਹਿਲਾਂ ਸਭ ਤੋਂ ਵਧੀਆ ਸੰਭਾਵਿਤ ਕਪਤਾਨ ਵਾਂਗ ਦਿਖਾਈ ਦਿੰਦੇ ਸੀ ਕਿਉਂਕਿ ਉਹ ਮੈਦਾਨ ‘ਚ ਹਮੇਸ਼ਾ ਐਕਟਿਵ ਰਹਿੰਦੇ ਸੀ, ਫੀਲਡਰਾਂ ਨੂੰ ਨਿਰਦੇਸ਼ ਦਿੰਦੇ ਸੀ ਅਤੇ ਫੀਲਡਿੰਗ ਸਥਾਪਤ ਕਰਨ ‘ਚ ਸਹਾਇਤਾ ਕਰਦੇ ਸੀ।
ਇਹ ਵੀ ਪੜ੍ਹੋ: IPL 2020 Updates: CSK ਨੂੰ ਲੱਗਾ ਇਕ ਹੋਰ ਵੱਡਾ ਝਟਕਾ, ਹੁਣ ਇਕ ਹੋਰ ਵੱਡਾ ਖਿਡਾਰੀ ਹੋਇਆ IPL-2020 ਤੋਂ ਬਾਹਰ
ਹਾਲਾਂਕਿ ਉਨ੍ਹਾਂ ਨੇ ਕਿਹਾ ਕਿ ਇਹ ਉਨ੍ਹਾਂ ਲਈ ਕਾਰਗਰ ਨਹੀਂ ਰਹੇ, ਪਰ ਤੇਂਦੁਲਕਰ ਕੋਲ ਚੰਗੀ ਟੀਮ ਨਹੀਂ ਸੀ ਅਤੇ ਨਾ ਹੀ ਉਹ ਕਪਤਾਨ ਵਜੋਂ ਪ੍ਰੇਰਣਾਦਾਇਕ ਸੀ। ਥਰੂਰ ਨੇ ਅੱਗੇ ਕਿਹਾ ਕਿ, ਸਚਿਨ ਕੋਲ ਉਸ ਸਮੇਂ ਮਜ਼ਬੂਤ ਟੀਮ ਨਹੀਂ ਸੀ ਅਤੇ ਉਹ ਆਪਣੀ ਬੱਲੇਬਾਜ਼ੀ ‘ਤੇ ਧਿਆਨ ਕੇਂਦਰਤ ਕਰਨਾ ਚਾਹੁੰਦਾ ਸੀ, ਜਿਸ ਕਾਰਨ ਉਹ ਕਪਤਾਨੀ ‘ਚ ਅਸਫਲ ਰਿਹਾ। ਅਜਿਹੀ ਸਥਿਤੀ ਵਿੱਚ, ਉਹ ਖ਼ੁਦ ਸਵੀਕਾਰ ਕਰੇਗਾ ਕਿ ਉਹ ਸਭ ਤੋਂ ਵੱਧ ਪ੍ਰੇਰਣਾਦਾਇਕ ਕਪਤਾਨ ਨਹੀਂ ਸੀ, ਅੰਤ ਵਿੱਚ ਉਸ ਨੇ ਖੁਸ਼ੀ ਨਾਲ ਕਪਤਾਨੀ ਛੱਡ ਦਿੱਤੀ ਅਤੇ ਬਾਅਦ ਵਿੱਚ ਦੁਬਾਰਾ ਪੇਸ਼ਕਸ਼ ਕਰਨ ਵੇਲੇ ਇਸ ਨੂੰ ਸੰਭਾਲਣ ਤੋਂ ਇਨਕਾਰ ਕਰ ਦਿੱਤਾ।
