Corona in America: ਅਮਰੀਕਾ ਵਿਚ Coronavirus ਨੇ ਮਹਾਮਾਰੀ ਦਾ ਰੂਪ ਲੈ ਲਿਆ ਹੈ। ਇੱਥੇ ਇਸ ਖਤਰਨਾਕ ਵਾਇਰਸ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਲਗਾਤਾਰ ਵੱਧਦੀ ਜਾ ਰਹੀ ਹੈ। ਲਗਾਤਾਰ ਦੂਜੇ ਦਿਨ ਪਿਛਲੇ 24 ਘੰਟਿਆਂ ਦੌਰਾਨ Coronavirus ਨਾਲ 1,500 ਤੋਂ ਵਧੇਰੇ ਲੋਕਾਂ ਦੀ ਮੌਤ ਹੋ ਗਈ। ਇਸ ਦੇ ਨਾਲ ਦੇਸ਼ ਵਿਚ ਮਰਨ ਵਾਲਿਆਂ ਦਾ ਅੰਕੜਾ 23 ਹਜ਼ਾਰ ਦੇ ਪਾਰ ਹੋ ਗਿਆ ਹੈ। Coronavirus ਇਨਫੈਕਸ਼ਨ ‘ਤੇ ਨਜ਼ਰ ਰੱਖਣ ਵਾਲੀ ਸੰਸਥਾ ਜੌਨ ਹਾਪਕਿਨਜ਼ ਯੂਨੀਵਰਸਿਟੀ ਵੱਲੋਂ ਜਾਰੀ ਅੰਕੜਿਆਂ ਮੁਤਾਬਕ ਅਮਰੀਕਾ ਵਿਚ ਹੁਣ ਤੱਕ 23,804 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਸੋਮਵਾਰ ਤੱਕ ਇੱਥੇ 22,0738 ਲੋਕਾਂ ਦੀ ਮੌਤ ਹੋਈ ਸੀ।
ਇਹ ਵੀ ਪੜ੍ਹੋ: Corona WorldWide Updates: ਦੁਨੀਆਂ ਵਿੱਚ ਨਹੀਂ ਘੱਟ ਰਿਹਾ Corona ਦਾ ਕਹਿਰ, ਇਨਫੈਕਟਡ ਲੋਕਾਂ ਦੀ ਗਿਣਤੀ 18 ਲੱਖ 46 ਹਜ਼ਾਰ ਤੋਂ ਪਾਰ
ਅਮਰੀਕਾ ਵਿਚ ਸਭ ਤੋਂ ਜ਼ਿਆਦਾ ਮੌਤਾਂ ਇਕੱਲੇ ਨਿਊਯਾਰਕ ਵਿਚ ਹੋਈਆਂ ਜਿੱਥੇ ਹੁਣ ਤੱਕ 10,058 ਲੋਕ ਮਰ ਚੁੱਕੇ ਹਨ। ਨਿਊ ਜਰਸੀ ਵਿਚ 2,443 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਨਿਊਯਾਰਕ ਦੇ ਨਿਊਯਾਰਕ ਸਿਟੀ ਵਿਚ ਇਕੱਲੇ ਹੁਣ ਤੱਕ 7,349 ਲੋਕ ਮਰ ਚੁੱਕੇ ਹਨ। ਸੋਮਵਾਰ ਤੱਕ ਇੱਥੇ 6,898 ਲੋਕ ਮਰੇ ਸਨ ਅਤੇ 24 ਘੰਟਿਆਂ ਵਿਚ 451 ਲੋਕਾਂ ਦੀ ਮੌਤ ਇਕੱਲੇ ਇਸ ਸ਼ਹਿਰ ਵਿਚ ਹੋਈ ਹੈ। ਅਮਰੀਕਾ ਦੁਨੀਆ ਦਾ ਇਕੋਇਕ ਅਜਿਹਾ ਦੇਸ਼ ਹੈ ਜਿੱਥੇ ਸਿਰਫ ਇਕ ਦਿਨ ਦੇ ਅੰਦਰ 2 ਹਜ਼ਾਰ ਤੋਂ ਵਧੇਰੇ ਲੋਕਾਂ ਦੀ ਮੌਤ ਹੋਈ। 3 ਦਿਨ ਪਹਿਲਾਂ ਅਮਰੀਕਾ ਵਿਚ 24 ਘੰਟਿਆਂ ਵਿਚ 2,108 ਲੋਕਾਂ ਦੀ ਮੌਤ ਹੋਈ ਸੀ।
