ਹਰ ਧਰਮ ਵਿੱਚ ਲੋਕਾਂ ਦੇ ਸੰਸਕਾਰ ਦੇ ਵੱਖੋ ਵੱਖਰੇ ਨਿਯਮ ਹਨ। ਪਰ ਮਰਨ ਵਾਲੇ ਦੀ ਆਖਰੀ ਇੱਛਾ ਪਰਿਵਾਰ ਲਈ ਬਹੁਤ ਜਰੂਰੀ ਹੁੰਦੀ ਹੈ। ਇਹ ਵਿਸ਼ਵਾਸ ਕੀਤਾ ਜਾਂਦਾ ਹੈ ਕਿ ਇਸ ਨਾਲ ਮਰਨ ਵਾਲੇ ਦੀ ਆਤਮਾ ਨੂੰ ਸ਼ਾਂਤੀ ਮਿਲਦੀ ਹੈ। ਦੱਖਣੀ ਅਫਰੀਕਾ ਤੋਂ ਇਕ ਵੱਖਰਾ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਇਕ ਨੇਤਾ ਨੂੰ ਤਾਬੂਤ ਦੀ ਥਾਂ ਆਪਣੀ ਮਨਪਸੰਦ ਕਾਰ ਵਿਚ ਦਫ਼ਨਾਇਆ ਗਿਆ ਸੀ।
ਇਹ ਮਾਮਲਾ ਦੱਖਣੀ ਅਫਰੀਕਾ ਦੇ ਜੋਹਾਨਸਬਰਗ ਦਾ ਹੈ। ਜਿਥੇ ਯੂਨਾਈਟਿਡ ਡੈਮੋਕਰੇਟਿਕ ਮੂਵਮੈਂਟ ਦੇ ਨੇਤਾ ਸ਼ਕੇਡੇ ਪਿਟਸੋ ਦੀ ਮੌਤ ਹੋ ਗਈ। ਜਿਸ ਤੋਂ ਬਾਅਦ ਉਸ ਦੀ ਆਖਰੀ ਇੱਛਾ ਦੇ ਅਨੁਸਾਰ ਉਸਨੂੰ ਇੱਕ ਤਾਬੂਤ ਦੀ ਬਜਾਏ ਆਪਣੀ ਮਨਪਸੰਦ ਕਾਰ ਈ -500 ਮਰਸਡੀਜ਼ ਵਿੱਚ ਦਫ਼ਨਾ ਦਿੱਤਾ ਗਿਆ। ਦਫ਼ਨਾਉਣ ਸਮੇਂ ਲੀਡਰ ਸ਼ਕੇਡੇ ਨੂੰ ਡਰਾਈਵਿੰਗ ਸੀਟ ਤੇ ਬਿਠਾਇਆ ਗਿਆ ਸੀ। ਇਸ ਦੌਰਾਨ ਉਸ ਦੇ ਹੱਥ ਸਟੇਅਰਿੰਗ ਤੇ ਰੱਖੇ ਗਏ। ਨੇਤਾ ਸ਼ਕੇਡੇ ਦੀ ਧੀ ਕਹਿੰਦੀ ਹੈ ਕਿ ਇਹ ਪਿਤਾ ਦੀ ਪਸੰਦੀਦਾ ਕਾਰ ਸੀ। ਉਹਨਾ ਨੂੰ ਇਹ ਬਹੁਤ ਪਸੰਦ ਸੀ। ਪਿਤਾ ਜੀ ਨੇ ਇਹ ਕਾਰ 62,240 ਡਾਲਰ ਤਕਰੀਬਨ 47 ਲੱਖ ਰੁਪਏ ਵਿਚ ਖਰੀਦੀ ਸੀ।
ਇਹ ਵੀ ਪੜ੍ਹੋ : Lockdown ਵਿੱਚ ਘਰੋਂ ਬਾਹਰ ਜਾ ਰਹੇ ਪਿਤਾ ਖਿਲਾਫ ਬੇਟੇ ਨੇ ਕਰਵਾ ਦਿੱਤੀ FIR
ਉਨ੍ਹਾਂ ਦੀ ਧੀ ਨੇ ਕਿਹਾ ਕਿ ਉਸ ਦੇ ਪਿਤਾ ਕਿਸੇ ਸਮੇਂ ਇੱਕ ਅਮੀਰ ਕਾਰੋਬਾਰੀ ਸਨ। ਉਸ ਸਮੇਂ ਉਸ ਕੋਲ ਬਹੁਤ ਸਾਰੀਆਂ ਮਰਸਡੀਜ਼ ਕਾਰਾਂ ਸਨ। ਪਰ ਕੁਝ ਸਮੇਂ ਬਾਅਦ ਉਨ੍ਹਾਂ ਦੇ ਕਾਰੋਬਾਰ ਵਿਚ ਭਾਰੀ ਨੁਕਸਾਨ ਹੋਇਆ ਅਤੇ ਸਾਰੀਆਂ ਕਾਰਾਂ ਵਿਕ ਗਈਆਂ। ਜਿਸਦੇ ਬਾਅਦ ਉਨ੍ਹਾਂ ਨੇ ਸੈਕਿੰਡ ਹੈਂਡ ਮਰਸਡੀਜ਼ ਬੈਂਜ ਖਰੀਦੀ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਇਸ ਸਮੇਂ ਦੱਖਣੀ ਅਫਰੀਕਾ ਵਿਚ ਇਕ ਲਾਕਡਾਊਨ ਲੱਗਾ ਹੈ ਪਰ ਫਿJohannesburgਰ ਵੀ ਬਹੁਤ ਸਾਰੇ ਲੋਕ ਇਸ ਅਨੌਖੇ ਸੰਸਕਾਰ ਨੂੰ ਵੇਖਣ ਲਈ ਇਕੱਠੇ ਹੋਏ। ਇਸ ਅੰਤਮ ਸੰਸਕਾਰ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ।