Corona Virus ਦਾ ਪ੍ਰਕੋਪ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਚੀਨ ਤੋਂ ਬਾਅਦ ਹੁਣ ਇਹ ਵਾਇਰਸ ਹਾਂਗਕਾਂਗ, ਮਕਾਓ ਅਤੇ ਤਾਈਵਾਨ ਵਿੱਚ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਚੀਨੀ ਸਿਹਤ ਅਧਿਕਾਰੀਆਂ ਦੇ ਅਨੁਸਾਰ ਇਸ ਖਤਰਨਾਕ Virus ਕਾਰਨ 25 ਲੋਕ ਆਪਣੀ ਜਾਨ ਗੁਆ ਚੁੱਕੇ ਹਨ, ਜਦਕਿ 835 ਲੋਕ ਇਸ ਵਿੱਚ ਸੰਕਰਮਿਤ ਹੋਏ ਹਨ। ਹਾਂਗ ਕਾਂਗ ਵਿੱਚ ਵੀ 5 ਵਿਅਕਤੀ ਸੰਕਰਮਿਤ ਪਾਏ ਗਏ ਹਨ। ਭਾਰਤ ਸਰਕਾਰ ਵੀ Corona Virus ਤੋਂ ਸੁਚੇਤ ਹੈ। ਬੀਜਿੰਗ ਵਿੱਚ ਭਾਰਤੀ ਦੂਤਾਵਾਸ ਨੇ ਇੱਕ ਹੈਲਪਲਾਈਨ ਨੰਬਰ ਜਾਰੀ ਕੀਤਾ ਹੈ।
ਇਹ ਵੀ ਪੜ੍ਹੋ: ਕੀ ਹੈ Coronavirus ? ਸਾਊਦੀ ਅਰਬ ਤੋਂ ਬਾਅਦ ਚੀਨ ਵਿੱਚ ਮੱਚੀ ਹਾਹਾਕਾਰ
ਚੀਨ ਦੇ ਰਾਸ਼ਟਰੀ ਸਿਹਤ ਕਮਿਸ਼ਨ ਨੇ ਕਿਹਾ ਕਿ Corona Virus ਕਾਰਨ ਹੁਣ ਤੱਕ 25 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਕੱਲੇ ਕੇਂਦਰੀ ਚੀਨ ਦੇ ਹੁਬੇਈ ਸੂਬੇ ਵਿਚ 24 ਮੌਤਾਂ ਹੋਈਆਂ ਹਨ। ਚੀਨ ਦੇ 20 ਸੂਬਾਈ ਪੱਧਰੀ ਖੇਤਰਾਂ ਵਿੱਚ ਕੁੱਲ 1,072 ਸ਼ੱਕੀ ਮਾਮਲੇ ਸਾਹਮਣੇ ਆਏ ਹਨ। ਵੁਹਾਨ ਸਣੇ ਪੰਜ ਸ਼ਹਿਰਾਂ ਨੂੰ Corona Virus ਕਾਰਨ ਬੰਦ ਕਰ ਦਿੱਤੋ ਗਿਆ ਹੈ। ਉਡਾਣਾਂ ਦੇ ਨਾਲ ਰੇਲਵੇ ਸਟੇਸ਼ਨ ਵੀ ਬੰਦ ਕਰ ਦਿੱਤੇ ਗਏ ਹਨ।
ਅਧਿਕਾਰਤ ਸੂਤਰਾਂ ਨੇ ਦੱਸਿਆ ਕਿ ਵੀਰਵਾਰ ਦੀ ਸ਼ਾਮ ਚੀਨੀ ਅਧਿਕਾਰੀਆਂ ਨੇ ਹੁਬੇਈ ਪ੍ਰਾਂਤ ਦੇ ਪੰਜ ਸ਼ਹਿਰਾਂ- ਹੁਆਂਗਗਾਂਗ, ਇਜ਼ੂ, ਜ਼ੇਜਿਆਂਗ, ਕਿਿਆਨਜਿਆਂਗ ਅਤੇ ਵੁਹਾਨ ਵਿੱਚ ਜਨਤਕ ਆਵਾਜਾਈ ਨੂੰ ਰੋਕ ਦਿੱਤਾ। Corona Virus 11 ਲੱਖ ਦੀ ਆਬਾਦੀ ਦੇ ਨਾਲ ਵੁਹਾਨ ਤੋਂ ਸ਼ੁਰੂ ਹੋਇਆ ਹੈ। ਫਿਲਹਾਲ, ਸ਼ਹਿਰ ਜਾਣ ਵਾਲੀਆਂ ਉਡਾਣਾਂ ਅਤੇ ਰੇਲ ਗੱਡੀਆਂ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। Corona Virus ਕਾਰਨ ਜਿੰਨ੍ਹਾਂ ਦੀ ਮੌਤ ਹੋਈ ਹੈ ਉਹਨਾਂ ਦੇ ਵਿੱਚ ਔਸਤਨ ਉਮਰ 73 ਸੀ ਸਭ ਤੋਂ ਉਮਰ 89 ਸਾਲ ਅਤੇ ਸਭ ਤੋਂ ਛੋਟੀ 48 ਸਾਲ ਦੀ ਸੀ।
