ਪਾਕਿਸਤਾਨ ‘ਚ Coronavirus ਨਾਲ ਪ੍ਰਭਾਵਿਤ ਲੋਕਾਂ ਦੀ ਗਿਣਤੀ ਵਧ ਕੇ 5,837 ਹੋ ਜਾਣ ਤੋਂ ਬਾਅਦ ਮੰਗਲਵਾਰ ਨੂੰ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ Lockdown ਇਸ ਮਹੀਨੇ ਦੇ ਆਖਿਰ ਤਕ ਵਧਾ ਦਿੱਤਾ। ਇਮਰਾਨ ਖਾਨ ਨੇ ਕਿਹਾ ਕਿ ਲਾਕਡਾਊਨ ਕਾਰਣ Coronavirus ਦੇ ਕਹਿਰ ‘ਤੇ ਕਾਬੂ ਪਾਉਣ ‘ਚ ਕਾਫੀ ਮਦਦ ਮਿਲੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਫੈਸਲਾ ਲਿਆ ਗਿਆ ਹੈ ਕਿ Lockdown 30 ਅਪ੍ਰੈਲ ਤਕ ਜਾਰੀ ਰਹੇਗਾ।
ਹਾਲਾਂਕਿ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਕਾਰੋਬਾਰੀ ਗਤੀਵਿਧੀਆਂ ਨੂੰ ਸ਼ੁਰੂ ਕਰਨ ਲਈ ਕੁਝ ਪ੍ਰਮੁੱਖ ਉਦਯੋਗ ਖੋਲ੍ਹੇ ਜਾਣਗੇ। ਖਾਨ ਨੇ ਕਿਹਾ ਕਿ ਸਾਡਾ ਅਨੁਮਾਨ ਸੀ ਕਿ ਅੱਜ ਦੀ ਤਾਰਿਖ ਤਕ 190 ਲੋਕਾਂ ਦੀ ਮੌਤ ਹੋ ਜਾਵੇਗੀ ਪਰ 96 ਲੋਕਾਂ ਦੀ ਮੌਤ ਹੋਈ। ਵਾਇਰਸ ਦਾ ਕਹਿਰ ਸਾਡੇ ਅਨੁਮਾਨਾਂ ਦਾ ਸਿਰਫ 30 ਫੀਸਦੀ ਹੈ। ਉਦਯੋਗ ਮੰਤਰੀ ਅਜ਼ਹਰ ਨੇ ਕਿਹਾ ਕਿ ਨਿਰਮਾਣ, ਖੇਤਾਬਾੜੀ, ਰਸਾਇਣ, ਈ-ਕਾਮਰਸ, ਸਾਫਟਵੇਅਰ, ਕਾਗਜ਼ ਸਮੇਤ ਕਈ ਖੇਤਰਾਂ ਨੂੰ ਖੋਲ੍ਹਣ ਦੀ ਅਨੁਮਤਿ ਦਿੱਤੀ ਜਾ ਰਹੀ ਹੈ।