Ludhiana Robbery News: ਨੌਕਰ 14 ਲੱਖ ਦੀ ਨਕਦੀ ਅਤੇ ਲਾਇਸੈਂਸ ਰਿਵਾਲਵਰ ਸਮੇਤ ਫਰਾਰ, ਘਟਨਾ CCTV ਵਿੱਚ ਕੈਦ

Ludhiana Robbery News: ਸੋਮਵਾਰ ਸ਼ਾਮ ਨੂੰ ਇੱਕ ਨੌਕਰ ਮੋਚਪੁਰਾ ਬਾਜ਼ਾਰ ਵਿੱਚ ਲੱਖਾਂ ਰੁਪਏ ਦੀ ਨਕਦੀ ਨਾਲ ਭਰਿਆ ਬੈਗ ਲੈ ਕੇ ਫਰਾਰ ਹੋ ਗਿਆ। ਬੈਗ ਵਿਚ ਨਕਦੀ ਤੋਂ ਇਲਾਵਾ ਵਪਾਰੀ ਦਾ ਲਾਇਸੈਂਸ ਰਿਵਾਲਵਰ ਵੀ ਸੀ। ਸੋਮਵਾਰ ਸਵੇਰੇ, ਲੁਧਿਆਣਾ ਅੰਮ੍ਰਿਤਸਰ ਦੇ ਵਪਾਰੀ ਨੌਕਰ ਨਾਲ ਖਰੀਦਦਾਰੀ ਕਰਨ ਲਈ ਮੋਚਪੁਰਾ ਬਾਜ਼ਾਰ ਆਇਆ। ਜਦੋਂ ਕਾਰੋਬਾਰੀ ਪਿਸ਼ਾਬ ਕਰਨ ਗਿਆ ਤਾਂ 2 ਮਿੰਟਾਂ ਵਿੱਚ ਨੌਕਰ ਨਕਦੀ ਨਾਲ ਭਰਿਆ ਬੈਗ ਲੈ ਕੇ ਫਰਾਰ ਹੋ ਗਿਆ। ਲੋਕਾਂ ਨੇ ਨੌਕਰ ਲੱਭਣ ਦੀ ਹਰ ਕੋਸ਼ਿਸ਼ ਕੀਤੀ।

ਇਹ ਵੀ ਪੜ੍ਹੋ: Ludhiana Road Accident: ਸੜਕ ਹਾਦਸੇ ਵਿੱਚ ਸਾਇਕਲ ਸਵਾਰ ਦੀ ਹੋਈ ਮੌਤ

ਜਿਸ ਤੋਂ ਬਾਅਦ ਕਾਰੋਬਾਰੀ ਨੇ ਥਾਣਾ ਸਦਰ ਦੀ ਪੁਲਿਸ ਨੂੰ ਸੂਚਿਤ ਕੀਤਾ। ਇਸ ਤੋਂ ਬਾਅਦ ਥਾਣਾ ਸਿਟੀ ਇੰਚਾਰਜ ਰਾਜਵੰਤ ਸਿੰਘ ਪੁਲਿਸ ਪਾਰਟੀ ਸਮੇਤ ਮੌਕੇ ‘ਤੇ ਪਹੁੰਚ ਗਏ। ਕਾਰੋਬਾਰੀ ਅਨਿਲ ਕਪੂਰ ਨੇ ਦੱਸਿਆ ਕਿ ਉਸ ਦੀ ਅੰਮ੍ਰਿਤਸਰ ਵਿਚ ਸਰਦੀਆਂ ਦੇ ਮਾਲ ਦੀ ਵਿਕਰੀ ਦੀ ਦੁਕਾਨ ਹੈ। ਸੋਮਵਾਰ ਨੂੰ ਉਹ ਆਪਣੇ ਨੌਕਰ ਤਰੁਣ ਨਾਲ ਕਾਰ ਵਿਚ ਖਰੀਦਦਾਰੀ ਕਰਨ ਲਈ ਲੁਧਿਆਣਾ ਆਇਆ ਸੀ। ਸ਼ਾਮ ਕਰੀਬ 7 ਵਜੇ ਉਸਨੇ ਪੈਸਿਆਂ ਨਾਲ ਭਰਿਆ ਬੈਗ ਨੌਕਰ ਨੂੰ ਦੇ ਕੇ ਪਿਸ਼ਾਬ ਕਰਨ ਚਲਾ ਗਿਆ। 2 ਮਿੰਟਾਂ ਬਾਅਦ ਜਦ ਉਹ ਦੁਕਾਨ ‘ਤੇ ਵਾਪਸ ਆਇਆ ਅਤੇ ਦੇਖਿਆ ਕਿ ਨੌਕਰ ਦੁਕਾਨ ਤੋਂ ਗਾਇਬ ਸੀ। ਜਦੋਂ ਉਸਨੇ ਦੁਕਾਨ ਮਾਲਕ ਅਤੇ ਹੋਰਾਂ ਨੂੰ ਨੌਕਰ ਬਾਰੇ ਪੁੱਛਿਆ ਤਾਂ ਸਾਰਿਆਂ ਨੇ ਅਣਜਾਣਤਾ ਜ਼ਾਹਰ ਕੀਤੀ।

ਨੌਕਰ ਨਕਦੀ ਨਾਲ ਭਰੇ ਬੈਗ ਨੂੰ ਲੈ ਗਾਇਬ ਹੀ ਹੋ ਗਿਆ। ਵਪਾਰੀ ਨੇ ਦੱਸਿਆ ਕਿ ਬੈਗ ਵਿਚ 14 ਲੱਖ ਨਕਦ, ਇਕ ਲਾਇਸੈਂਸ ਰਿਵਾਲਵਰ ਅਤੇ ਜ਼ਰੂਰੀ ਦਸਤਾਵੇਜ਼ ਸਨ। ਨੌਕਰਾਂ ਦੀ ਦੁਕਾਨ ਵਿੱਚ ਲੱਗੇ ਸੀ.ਸੀ.ਟੀ.ਵੀ. ਕੈਮਰੇ ‘ਵਿੱਚ ਇਹ ਸਾਰੀ ਘਟਨਾ ਕੈਦ ਹੋ ਗਈ ਹੈ। ਪੁਲਿਸ ਨੇ ਨੌਕਰ ਦੀ ਫੋਟੋ ਹਾਸਲ ਕਰਨ ਤੋਂ ਬਾਅਦ ਰੈਡ ਅਲਰਟ ਜਾਰੀ ਕੀਤਾ ਹੈ। ਥਾਣਾ ਸਦਰ ਦੇ ਇੰਚਾਰਜ ਰਾਜਵੰਤ ਸਿੰਘ ਨੇ ਦੱਸਿਆ ਕਿ ਕਾਰੋਬਾਰੀ ਅਨਿਲ ਕਪੂਰ ਦੇ ਬਿਆਨ ‘ਤੇ ਨੌਕਰ ਤਰੁਣ ਖ਼ਿਲਾਫ਼ ਕੇਸ ਦਰਜ ਕਰਕੇ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ।