Budget 2020 ਦੇ ਝਟਕੇ ਤੋਂ ਬਾਅਦ Share Market ਵਿੱਚ ਭਾਰੀ ਉਛਾਲ, ਨਿਵੇਸ਼ਕਾਂ ਨੇ ਕੀਤੀ 2 ਲੱਖ ਕਰੋੜ ਦੀ ਕਮਾਈ

ਬਿਜ਼ਨਸ ਡੈਸਕ: Budget 2020 ਦੇ ਝਟਕੇ ਤੋਂ ਬਾਅਦ Share Market ਵਿੱਚ ਭਾਰੀ ਉਛਾਲ ਦੇਖਣ ਨੂੰ ਮਿਲਿਆ। ਮਜ਼ਬੂਤ ਅੰਤਰਰਾਸ਼ਟਰੀ ਸੰਕੇਤਾਂ ਦੇ ਕਾਰਨ, ਮੰਗਲਵਾਰ ਨੂੰ ਸਟਾਕ ਮਾਰਕੀਟ ਵਿੱਚ ਹਰੇ ਨਿਸ਼ਾਨ ਵਿੱਚ ਵਪਾਰ ਸ਼ੁਰੂ ਹੋਇਆ ਅਤੇ ਸੈਂਸੈਕਸ 40 ਹਜ਼ਾਰ ਦੇ ਪੱਧਰ ਨੂੰ ਪਾਰ ਕਰ ਗਿਆ। SenSex ਅਤੇ Nifty ਦੇ ਦੋਵੇਂ ਵੱਡੇ ਬੈਂਚਮਾਰਕ ਸੂਚਕਾਂਕ, 2% ਦੀ ਤੇਜ਼ੀ ਨਾਲ ਵਧੇ ਹਨ। ਮਾਹਰ ਕਹਿੰਦੇ ਹਨ ਕਿ ਕੱਚੇ ਤੇਲ ਦੀਆਂ ਕੀਮਤਾਂ ਵਿਚ ਆਈ ਗਿਰਾਵਟ ਅਤੇ ਅੰਤਰਰਾਸ਼ਟਰੀ ਬਾਜ਼ਾਰਾਂ ਵਿਚ ਲਗਾਤਾਰ ਉਛਾਲ ਦੇ ਕਾਰਨ ਘਰੇਲੂ ਤੌਰ ‘ਤੇ ਫਾਇਦਾ ਹੋਇਆ ਹੈ।

BSE ਦਾ 30 ਸ਼ੇਅਰਾਂ ਵਾਲਾ Sensex Index(12:35 ਵਜੇ) ਮੌਜੂਦਾ ਸਮੇਂ 800 ਅੰਕ ਦੀ ਛਲਾਂਗ ਲਗਾ ਕੇ 41,630 ਦੇ ਪੱਧਰ ‘ਤੇ ਪਹੁੰਚ ਗਿਆ ਹੈ। ਇਸ ਦੇ ਨਾਲ ਹੀ NSE ਦਾ 50 ਸ਼ੇਅਰਾਂ ਵਾਲਾ ਪ੍ਰਮੁੱਖ ਇੰਡੈਕਸ NSE Nifty ਵੀ 250 ਅੰਕ ਦੀ ਤੇਜ਼ੀ ਨਾਲ ਪਹੁੰਚਿਆ ਹੈ। ਇਸ ਤੇਜ਼ੀ ਨਾਲ ਨਿਵੇਸ਼ਕਾਂ ਨੇ ਸਿਰਫ 90 ਮਿੰਟਾਂ ਵਿੱਚ 2 ਲੱਖ ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ।

Share Market ਸਵੇਰੇ 10.56 ਵਜੇ ਤਕਰੀਬਨ 670 ਅੰਕਾਂ ਦੀ ਛਲਾਂਗ ਨਾਲ 40542 ‘ਤੇ ਪਹੁੰਚ ਗਿਆ। ਇਸੇ ਤਰ੍ਹਾਂ ਨਿਫਟੀ 191.55 ਅੰਕ ਚੜ੍ਹ ਕੇ 11,899.45 ਦੇ ਪੱਧਰ ‘ਤੇ ਬੰਦ ਹੋਇਆ ਹੈ। ਕਾਰੋਬਾਰ ਸ਼ੁਰੂ ਹੋਣ ਦੇ 90 ਮਿੰਟਾਂ ਬਾਅਦ, BSC ਕੰਪਨੀਆਂ ਦੀ ਮਾਰਕੀਟ ਪੂੰਜੀਕਰਣ ਵਿੱਚ 2 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ। ਉਸ ਦੀ ਬਾਜ਼ਾਰ ਪੂੰਜੀ ਸੋਮਵਾਰ ਨੂੰ 153.72 ਲੱਖ ਕਰੋੜ ਰੁਪਏ ਸੀ, ਜਦੋਂਕਿ ਉਸ ਦੀ ਮਾਰਕੀਟ ਪੂੰਜੀ ਮੰਗਲਵਾਰ ਸਵੇਰੇ 10.45 ਵਜੇ ਦੇ ਕਰੀਬ 155.72 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਈ।