Ludhiana Traffic: ਚਲਾਨ ਕੱਟਣ ‘ਤੇ ਨੌਜਵਾਨ ਨੇ Traffic ASI ਦੀ ਪਾੜੀ ਵਰਦੀ, ਕੇਸ ਦਰਜ

Ludhiana Traffic News: ਸਥਾਨਕ ਬੱਸ ਅੱਡੇ ਦੇ ਬਾਹਰ, ਜਦੋਂ Ludhiana Traffic ASI ਨੇ ਬਿਨਾ ਹੈਲਮਟ ਮੋਟਰਸਾਈਕਲ ਸਵਾਰ ਨੂੰ ਰੋਕਿਆ, ਤਾਂ ਨੌਜਵਾਨ ਨੇ ਟ੍ਰੈਫਿਕ ਏ.ਐੱਸ.ਆਈ ਦੀ ਵਰਦੀ ਪਾੜ ਦਿੱਤੀ। ਮਾਮਲਾ ਜਿਆਦਾ ਵਿਗੜਨ ਕਰਕੇ ਕੋਚਰ ਮਾਰਕਿਟ ਪੁਲਿਸ ਨੇ ਮੌਕੇ ਤੇ ਆ ਕੇ ਸਥਿਤੀ ਨੂੰ ਸੰਭਾਲਿਆ। ਦੇਰ ਸ਼ਾਮ ਤੱਕ ਪੁਲਿਸ ਨੇ ਮੁਲਜ਼ਮ ਖ਼ਿਲਾਫ਼ ਸਰਕਾਰੀ ਡਿਊਟੀ ਵਿੱਚ ਰੁਕਾਵਟ ਪਾਉਣ ਦੇ ਦੋਸ਼ ਵਿੱਚ ਕੇਸ ਦਰਜ ਕਰਕੇ ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ। ਕੇਸ ਦਰਜ ਹੋਣ ਤੋਂ ਬਾਅਦ ਨੌਜਵਾਨ ਨੇ ਡਿਊਟੀ ‘ਤੇ ਤਾਇਨਾਤ ਏਐਸਆਈ ਤੇ ਵੀ ਮੋਟਰ ਸਾਈਕਲ’ ਤੇ ਪਿੱਛੇ ਬੈਠੀ ਇਕ ਔਰਤ ਨਾਲ ਛੇੜਛਾੜ ਕਰਨ ਦੇ ਦੋਸ਼ ਲਗਾਏ ਗਏ ਹਨ, ਪਰ ਪੁਲਿਸ ਅਨੁਸਾਰ ਇਨ੍ਹਾਂ ਦੋਸ਼ਾਂ ਵਿਚ ਕੋਈ ਸੱਚਾਈ ਨਹੀਂ ਹੈ।

ਇਹ ਵੀ ਪੜ੍ਹੋ: Ludhiana Crime News: ਮਨੀਲਾ ਦੇ ਵਿੱਚ ਇੱਕ ਪੰਜਾਬੀ ਨੌਜਵਾਨ ਦੀ ਹੱਤਿਆ

ਇਸ ‘ਤੇ ASI ਪੁਨੀਤ ਕੁਮਾਰ ਨੇ ਦੱਸਿਆ ਕਿ ਜਦੋਂ ਉਹ ਪੁਲਿਸ ਮੁਲਾਜ਼ਮ ਬੱਸ ਅੱਡੇ ਦੇ ਬਾਹਰ ਡਿਊਟੀ ’ਤੇ ਸੀ ਤਾਂ ਉਸ ਦੇ ਕਰਮਚਾਰੀਆਂ ਨੇ ਬਿਨਾਂ ਕਿਸੇ ਹੈਲਮੇਟ ਦੇ ਇੱਕ ਸਵਾਰ ਨੂੰ ਰੋਕ ਲਿਆ ਜੋ ਉਸ ਨਾਲ ਬਹਿਸ ਕਰਨ ਲੱਗਾ। ਬਾਈਕ ਸਵਾਰ ਵਿਅਕਤੀ ਨੂੰ ਪੁਲਿਸ ਕਰਮਚਾਰੀਆਂ ਨੇ Traffic Police ਦੇ ਏ.ਐੱਸ.ਆਈ. ਕੋਲ ਲਿਆਂਦਾ ਗਿਆ ਅਤੇ ਉਸਦਾ ਬਿਨਾਂ ਹੈਲਮੇਟ ਦਾ ਚਲਾਨ ਕਰ ਦਿੱਤਾ। ਚਲਾਨ ਕੱਟੇ ਜਾਣ ‘ਤੇ ਨੌਜਵਾਨ ਗੁੱਸੇ ਵਿੱਚ ਆ ਗਿਆ ਅਤੇ ਪੁਲਿਸ ਕਰਮਚਾਰੀਆਂ ਨੂੰ ਬੁਰਾ ਭਲਾ ਕਹਿਣ ਲੱਗਾ। ਇਸ ਤੋਂ ਬਾਅਦ, ASI ਨੇ ਡਿਊਟੀ ‘ਤੇ ਵਰਦੀ ਪਾ ਕੇ ਤਾਇਨਾਤ ਪੁਲਿਸ ਮੁਲਾਜ਼ਮਾਂ ਨਾਲ ਦੁਰਵਿਵਹਾਰ ਕਰਨ ਲਈ ਉਸਦੇ ਚਲਾਨ ਵਿਚ ਇਕ ਧਾਰਾ ਹੋਰ ਜੋੜ ਦਿੱਤੀ।

ਪੁਨੀਤ ਦੇ ਅਨੁਸਾਰ ਇਸ ਤੋਂ ਬਾਅਦ ਇਹ ਨੌਜਵਾਨ ਗਾਲਾਂ ਕੱਢਣ ਲੱਗ ਗਿਆ। ਦੇਖਦਿਆਂ ਹੀ ਨੌਜਵਾਨ ਨੇ ਡਿਊਟੀ ਤੇ ਤਾਇਨਾਤ Traffic Police ਦੇ ASI ਦੀ ਵਰਦੀ ਵਾਲਾ ਕੋਟ ਪਾੜ ਦਿੱਤਾ। ਆਸ ਪਾਸ ਖੜੇ ਲੋਕਾਂ ਨੇ ਉਸਨੂੰ ਕਾਬੂ ਕੀਤਾ। ਮਾਮਲਾ ਜਿਆਦਾ ਵਿਗੜਨ ਕਰਕੇ ਕੋਚਰ ਮਾਰਕਿਟ ਪੁਲਿਸ ਨੇ ਮੌਕੇ ਤੇ ਆ ਕੇ ਸਥਿਤੀ ਨੂੰ ਸੰਭਾਲਿਆ।

Ludhiana ਨਾਲ ਜੁੜੀਆਂ ਸਾਰੀਆਂ ਖ਼ਬਰਾਂ ਪੜ੍ਹਨ ਲਈ RAISINGVOICE ਨੂੰ Facebook ਤੇ LIKE ਅਤੇ Twitter ਤੇ FOLLOW ਕਰੋ