ਸਿੰਗਰ-ਰੈਪਰ ਬਾਦਸ਼ਾਹ ਦਾ ਹਾਲ ਹੀ ਵਿੱਚ ਰਿਲੀਜ਼ ਹੋਇਆ ਗਾਣਾ ਗੇਂਦਾ ਫੂਲ ਲਿਰਿਕਸ ਚੋਰੀ ਦੇ ਦੋਸ਼ਾਂ ਕਾਰਨ ਵਿਵਾਦਾਂ ਵਿੱਚ ਹੈ। ਇਹ ਗਾਣਾ ਆਨ ਲਾਈਨ ਹਿੱਟ ਹੋਇਆ ਪਰ ਬਾਦਸ਼ਾਹ ਉੱਤੇ ਬੰਗਲਾ ਰਾਈਟਰ ਦੀ ਲਾਈਨ ਚੋਰੀ ਕਰਨ ਅਤੇ ਉਸਨੂੰ ਕਰੈਡਿਟ ਨਾ ਦੇਣ ਦਾ ਇਲਜ਼ਾਮ ਲਗਾਇਆ ਗਿਆ। ਇਸ ਦੌਰਾਨ ਖ਼ਬਰ ਇਹ ਹੈ ਕਿ ਬਾਦਸ਼ਾਹ ਨੇ ਅਸਲ ਲੇਖਕ ਨੂੰ ਪੰਜ ਲੱਖ ਰੁਪਏ ਦਿੱਤੇ ਹਨ। ਦੱਸ ਦਈਏ ਕਿ ਬਾਦਸ਼ਾਹ ਨੇ ਥੋੜ੍ਹੇ ਦਿਨ ਪਹਿਲਾ ਵਾਅਦਾ ਕੀਤਾ ਸੀ ਕਿ ਉਹ ਆਪਣੇ ਵਲੋਂ ਕੁੱਝ ਕਰਨਗੇ।
ਗੇਂਦਾ ਫੂਲ ਗਾਣੇ ਵਿਚ ਇਕ ਲਾਈਨ ਹੈ – ਬੜੋ ਲੋਕੇਰ ਬੇਟੀ ਲੋ, ਲੋਂਬਾ-ਲੋਂਬਾ ਚੂਲ, ਇਹ ਲਾਈਨ ਬੰਗਾਲੀ ਲੋਕਗੀਤ ਦੀ ਹੈ। ਇਸ ਨੂੰ ਮਿਲਾਕੇ ਬਾਦਸ਼ਾਹ ਨੇ ਗੇਂਦਾ ਫੂਲ ਦੇ ਗਾਣੇ ਦੀਆਂ ਲਾਈਨਾਂ ਲਿਖੀਆਂ ਹਨ ਅਤੇ ਪਾਇਲ ਦੇਵ ਨਾਲ ਗਾਇਆ ਹੈ। ਜਦੋਂ ਗਾਣਾ ਹਿੱਟ ਹੋਇਆ ਤਾਂ ਵਿਵਾਦ ਹੋ ਗਿਆ ਕਿ ਇਹ ਗਾਣਾ ਬੰਗਲਾ ਗੀਤਕਾਰ ਰਤਨ ਕਹਾਰ ਨੇ 1972 ਵਿਚ ਲਿਖਿਆ ਸੀ। ਉਸਨੂੰ ਇਸ ਗਾਣੇ ਦਾ ਕਰੈਡਿਟ ਨਹੀਂ ਮਿਲਿਆ।
ਵਿਵਾਦ ਤੋਂ ਬਾਅਦ ਬਾਦਸ਼ਾਹ ਨੇ ਇਸ ਮਾਮਲੇ ‘ਤੇ ਸਪੱਸ਼ਟੀਕਰਨ ਦਿੱਤਾ। ਉਸਨੇ ਇਹ ਵੀ ਕਿਹਾ ਕਿ ਹੁਣ ਲਾਕਡਾਊਨ ਲੱਗਿਆ ਹੋਇਆ ਹੈ, ਪਰ ਉਹ ਰਤਨ ਕਹਾਰ ਦੀ ਮਦਦ ਕਰਨਗੇ। ਇੱਕ ਰਿਪੋਰਟ ਦੇ ਅਨੁਸਾਰ ਬਾਦਸ਼ਾਹ ਦੀ ਟੀਮ ਨੇ ਰਤਨ ਕਹਾਰ ਦੇ ਖਾਤੇ ਵਿੱਚ ਪੰਜ ਲੱਖ ਰੁਪਏ ਆਨਲਾਈਨ ਟਰਾਂਸਫਰ ਕੀਤੇ ਹਨ। ਦੱਸ ਦਈਏ ਕਿ ਰਤਨ ਕਹਾਰ ਬੰਗਾਲ ਦੇ ਇੱਕ ਪਿੰਡ ਵਿੱਚ ਰਹਿੰਦਾ ਹੈ ਅਤੇ ਗਰੀਬੀ ਵਿੱਚ ਰਹਿਣ ਲਈ ਮਜਬੂਰ ਹੈ।
ਇਸ ਦੌਰਾਨ ਇਹ ਜਾਣਕਾਰੀ ਵੀ ਹੈ ਕਿ ਪੈਸੇ ਦੇ ਟ੍ਰਾਂਸਫਰ ਹੋਣ ਤੋਂ ਬਾਅਦ ਬਾਦਸ਼ਾਹ ਅਤੇ ਰਤਨ ਕਹਾਰ ਦੀ ਫੋਨ ਤੇ ਗੱਲਬਾਤ ਵੀ ਹੋਈ ਹੈ। ਰਤਨ ਕਹਾਰ ਨੇ ਰੈਪਰ ਦਾ ਧੰਨਵਾਦ ਵੀ ਕੀਤਾ ਹੈ। ਉਸਨੇ ਲਾਕਡਾਊਨ ਖਤਮ ਹੋਣ ਤੋਂ ਬਾਅਦ ਬਾਦਸ਼ਾਹ ਨੂੰ ਆਪਣੇ ਪਿੰਡ ਬੁਲਾਇਆ ਹੈ।
ਰਤਨ ਕਹਾਰ ਨੇ ਇਹ ਬੰਗਾਲੀ ਲੋਕ ਗੀਤ 1972 ਵਿੱਚ ਲਿਖਿਆ ਸੀ। ਰਤਨ ਕਲਕੱਤਾ ਅਕਾਸ਼ਵਾਨੀ ਵਿਚ ਗਾਉਂਦੇ ਸੀ। ਕਿਹਾ ਜਾਂਦਾ ਹੈ ਕਿ ਇਹ ਗਾਣਾ ਉਸ ਤੋਂ ਉਸੇ ਵੇਲੇ ਲਿਆ ਗਿਆ ਸੀ। ਬਾਅਦ ਵਿੱਚ ਇਹ ਗਾਣਾ ਸਵਪਨਾ ਚੱਕਰਵਰਤੀ ਦੀ ਆਵਾਜ਼ ਵਿੱਚ ਜਾਰੀ ਕੀਤਾ ਗਿਆ ਸੀ। ਜਾਣਕਾਰੀ ਅਨੁਸਾਰ ਉਸ ਸਮੇਂ ਦੌਰਾਨ ਵੀ ਰਤਨ ਨੂੰ ਆਪਣਾ ਨਾਮ ਨਹੀਂ ਮਿਲਿਆ ਸੀ ਅਤੇ ਗਾਣੇ ਵਿਚ ਸਿਰਫ ਬੰਗਲਾ ਲੋਕ ਗੀਤ ਲਿਖੇ ਗਏ ਸਨ। ਬਾਦਸ਼ਾਹ ਨੇ ਇਹ ਵੀ ਕਿਹਾ ਕਿ ਉਸਨੂੰ ਕਿਸੇ ਲੇਖਕ ਦਾ ਨਾਮ ਨਹੀਂ ਮਿਲਿਆ ਜਿਸ ਕਰਕੇ ਉਹ ਕਰੈਡਿਟ ਨਹੀਂ ਦੇ ਸਕੇ। ਪਰ ਉਸਨੇ ਮਦਦ ਦਾ ਵਾਅਦਾ ਕੀਤਾ ਸੀ।
ਜਲੰਧਰ ਵਿੱਚ ਲੋਕ ਸਭਾ ਜ਼ਿਮਨੀ ਚੋਣ ਲਈ ਭਾਜਪਾ ਨੇ ਤਿਆਰੀਆਂ ਕਰ ਲਈਆਂ ਹਨ। ਕੇਂਦਰੀ ਮੰਤਰੀ…
ਪੰਜਾਬ ਦੇ ਇੱਕ 87 ਸਾਲਾ ਵਿਅਕਤੀ ਦੀ ਕੋਈ ਔਲਾਦ ਨਹੀਂ ਸੀ। ਇਸ ਕਾਰਨ ਬਜ਼ੁਰਗ ਨੇ…
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਪਤਨੀ ਦੀ ਸੁਰੱਖਿਆ ਵਧਾਉਣ ਨੂੰ ਲੈ ਕੇ ਸਿਆਸੀ…
ਫਿਲਮ ਐਕਟਰ ਸੰਨੀ ਦਿਓਲ ਨੇ ਜਦੋਂ ਸਾਲ 2019 'ਚ ਆਪਣਾ ਸਿਆਸੀ ਸਫਰ ਸ਼ੁਰੂ ਕੀਤਾ ਸੀ,…
ਭਾਰਤੀ ਸਿੱਖ ਸ਼ਰਧਾਲੂਆਂ ਦਾ ਇੱਕ ਜਥਾ ਅੱਜ ਕਰਤਾਰਪੁਰ ਲਾਂਘੇ ਰਾਹੀਂ ਗੁਰਦੁਆਰਾ ਦਰਬਾਰ ਸਾਹਿਬ ਵਿਖੇ ਮੱਥਾ…
ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੇ ਮੰਗਲਵਾਰ ਨੂੰ ਚੰਡੀਗੜ੍ਹ ਸਥਿਤ ਪਾਰਟੀ ਦੇ ਸੂਬਾ…