Chandigarh News: ਕਲਯੁੱਗੀ ਬੇਟੇ ਅਤੇ ਨੂੰਹ ਨੇ ਸੈਕਟਰ-35 ਸਥਿਤ ਮਕਾਨ ਤੋਂ ਮਾਤਾ ਅਤੇ ਪਿਤਾ ਨੂੰ ਧੱਕੇ ਦੇ ਕੇ ਬਾਹਰ ਕੱਢ ਦਿੱਤਾ। ਬਜ਼ੁਰਗ ਜੌੜਾ ਪੁਲਸ ਤੋਂ ਇਨਸਾਫ ਲਈ ਗੁਹਾਰ ਲਾਉਂਦੇ ਹੋਏ ਕੋਠੀ ਦੇ ਬਾਹਰ ਬੈਠ ਗਿਆ। ਸੈਕਟਰ-36 ਥਾਣਾ ਪੁਲਸ ਨੇ ਬੀ. ਬੀ. ਐੱਮ. ਬੀ. ਤੋਂ ਸੇਵਾ-ਮੁਕਤ ਜਸਪਾਲ ਸਿੰਘ ਦੀ ਸ਼ਿਕਾਇਤ ‘ਤੇ ਬੇਟੇ ਮਨਪ੍ਰੀਤ ਸਿੰਘ, ਨੂੰਹ ਵਰਿੰਦਰ ਕੌਰ, ਬੇਟੇ ਦੇ ਸਹੁਰੇ ਚੰਡੀਗੜ੍ਹ ਪੁਲਸ ਦੇ ਕਰਮੀ ਅਨੂਪ ਸਿੰਘ ਅਤੇ ਉਨ੍ਹਾਂ ਦੀ ਪਤਨੀ ਨਰਿੰਦਰ ਕੌਰ ਖਿਲਾਫ ਮਾਮਲਾ ਦਰਜ ਕਰ ਲਿਆ ਪਰ ਪੁਲਸ ਨੇ ਬਜ਼ੁਰਗ ਜੌੜੇ ਨੂੰ ਘਰ ਦੇ ਅੰਦਰ ਦਾਖਲ ਨਹੀਂ ਕਰਵਾਇਆ, ਜਿਸ ਕਾਰਨ ਬਜ਼ੁਰਗ ਜੌੜਾ ਘਰ ਦੇ ਬਾਹਰ ਹੀ ਬੈਠਾ ਰਿਹਾ।
ਸੈਕਟਰ-35 ਨਿਵਾਸੀ ਜਸਪਾਲ ਸਿੰਘ ਨੇ ਪੁਲਸ ਨੂੰ ਦਿੱਤੀ ਸ਼ਿਕਾਇਤ ‘ਚ ਦੱਸਿਆ ਕਿ ਉਹ ਸਾਲ 2017 ‘ਚ ਬੀ. ਬੀ. ਐੱਮ. ਬੀ. ਤੋਂ ਸੇਵਾ-ਮੁਕਤ ਹੋਏ ਸਨ। ਸਾਰੀ ਉਮਰ ਦੀ ਕਮਾਈ ਨਾਲ ਉਨ੍ਹਾਂ ਨੇ ਸੈਕਟਰ-35 ‘ਚ ਕੋਠੀ ਬਣਾਈ। ਗਰਾਊਂਡ ਅਤੇ ਟਾਪ ਫਲੋਰ ਉਨ੍ਹਾਂ ਕੋਲ ਸੀ, ਜਦਕਿ ਫਸਰਟ ਫਲੌਰ ‘ਤੇ ਵੱਡਾ ਪੁੱਤਰ ਮਨਪ੍ਰੀਤ ਸਿੰਘ ਅਤੇ ਨੂੰਹ ਵਰਿੰਦਰ ਕੌਰ ਰਹਿੰਦੇ ਹਨ। 2 ਜੁਲਾਈ ਨੂੰ ਉਹ ਪਤਨੀ ਨਾਲ ਗਰਾਊਂਡ ਫਲੌਰ ‘ਤੇ ਸੀ।
ਇਸ ਦੌਰਾਨ ਪੁੱਤਰ ਮਨਪ੍ਰੀਤ ਸਿੰਘ ਅਤੇ ਨੂੰਹ ਵਰਿੰਦਰ ਕੌਰ ਆਏ ਅਤੇ ਉਨ੍ਹਾਂ ਨੇ ਗਰਾਊਂਡ ਫਲੌਰ ਤੋਂ ਨਿਕਲਣ ਲਈ ਕਿਹਾ। ਦੋਵੇਂ ਉਨ੍ਹਾਂ ਨਾਲ ਮਾਰਕੁੱਟ ਕਰਨ ਲੱਗੇ ਤਾਂ ਉਹ ਪਤਨੀ ਨੂੰ ਲੈ ਕੇ ਸਰਕਾਰੀ ਮਕਾਨ ‘ਚ ਚਲੇ ਗਏ। ਅਗਲੇ ਦਿਨ ਵਾਪਸ ਘਰ ਆਏ ਅਤੇ ਘੰਟੀ ਵਜਾਈ ਤਾਂ ਗੇਟ ਨਹੀਂ ਖੋਲ੍ਹਿਆ। ਜਸਪਾਲ ਸਿੰਘ ਨੇ ਦੱਸਿਆ ਕਿ ਘਰ ‘ਚ ਮੌਜੂਦ ਮਨਪ੍ਰੀਤ ਸਿੰਘ, ਵਰਿੰਦਰ ਕੌਰ, ਬੇਟੇ ਦਾ ਸਹੁਰਾ ਅਨੂਪ ਸਿੰਘ ਅਤੇ ਉਸ ਦੀ ਪਤਨੀ ਨਰਿੰਦਰ ਕੌਰ ਜਾਨੋਂ ਮਾਰਨ ਦੀ ਧਮਕੀ ਦੇਣ ਲੱਗੇ। ਉਨ੍ਹਾਂ ਮਾਮਲੇ ਦੀ ਸੂਚਨਾ ਪੁਲਸ ਨੂੰ ਦਿੱਤੀ, ਜਿਨ੍ਹਾਂ ਜਾਂਚ ਕੀਤੀ।
ਉਨ੍ਹਾਂ ਦੱਸਿਆ ਕਿ ਬੇਟੇ ਨੇ ਕਿਹਾ ਸੀ ਕਿ ਉਹ ਪੂਰੀ ਕੋਠੀ ਆਪਣੇ ਕੋਲ ਰੱਖੇਗਾ ਅਤੇ ਇਸ ਦੇ ਬਦਲੇ ਉਹ ਸਵਾ ਕਰੋੜ ਰੁਪਏ 30 ਜੂਨ 2019 ਨੂੰ ਦੇ ਦੇਵੇਗਾ ਪਰ ਬੇਟੇ ਨੇ ਰੁਪਏ ਤਾਂ ਦਿੱਤੇ ਨਹੀਂ, ਉਲਟਾ ਉਨ੍ਹਾਂ ਨੂੰ ਹੀ ਘਰੋਂ ਬਾਹਰ ਕੱਢ ਦਿੱਤਾ। ਉਨ੍ਹਾਂ ਕੋਲ ਬੇਟੇ ਵਲੋਂ ਦਿੱਤਾ ਗਿਆ ਐਫੀਡੈਵਿਟ ਵੀ ਹੈ। ਉਥੇ ਹੀ, ਸੈਕਟਰ-36 ਥਾਣਾ ਪੁਲਸ ਨੇ ਜਸਪਾਲ ਸਿੰਘ ਦੀ ਸ਼ਿਕਾਇਤ ‘ਤੇ ਬੇਟੇ ਮਨਪ੍ਰੀਤ ਸਿੰਘ, ਨੂੰਹ ਵਰਿੰਦਰ ਕੌਰ, ਬੇਟੇ ਦੇ ਸਹੁਰੇ ਅਨੂਪ ਸਿੰਘ ਅਤੇ ਉਨ੍ਹਾਂ ਦੀ ਪਤਨੀ ਨਰਿੰਦਰ ਕੌਰ ਖਿਲਾਫ ਮਾਮਲਾ ਦਰਜ ਕਰ ਲਿਆ।
ਜਲੰਧਰ ਵਿੱਚ ਲੋਕ ਸਭਾ ਜ਼ਿਮਨੀ ਚੋਣ ਲਈ ਭਾਜਪਾ ਨੇ ਤਿਆਰੀਆਂ ਕਰ ਲਈਆਂ ਹਨ। ਕੇਂਦਰੀ ਮੰਤਰੀ…
ਪੰਜਾਬ ਦੇ ਇੱਕ 87 ਸਾਲਾ ਵਿਅਕਤੀ ਦੀ ਕੋਈ ਔਲਾਦ ਨਹੀਂ ਸੀ। ਇਸ ਕਾਰਨ ਬਜ਼ੁਰਗ ਨੇ…
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਪਤਨੀ ਦੀ ਸੁਰੱਖਿਆ ਵਧਾਉਣ ਨੂੰ ਲੈ ਕੇ ਸਿਆਸੀ…
ਫਿਲਮ ਐਕਟਰ ਸੰਨੀ ਦਿਓਲ ਨੇ ਜਦੋਂ ਸਾਲ 2019 'ਚ ਆਪਣਾ ਸਿਆਸੀ ਸਫਰ ਸ਼ੁਰੂ ਕੀਤਾ ਸੀ,…
ਭਾਰਤੀ ਸਿੱਖ ਸ਼ਰਧਾਲੂਆਂ ਦਾ ਇੱਕ ਜਥਾ ਅੱਜ ਕਰਤਾਰਪੁਰ ਲਾਂਘੇ ਰਾਹੀਂ ਗੁਰਦੁਆਰਾ ਦਰਬਾਰ ਸਾਹਿਬ ਵਿਖੇ ਮੱਥਾ…
ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੇ ਮੰਗਲਵਾਰ ਨੂੰ ਚੰਡੀਗੜ੍ਹ ਸਥਿਤ ਪਾਰਟੀ ਦੇ ਸੂਬਾ…