ISRO ਦੇ ਹੱਥ ਲੱਗੀ ਇੱਕ ਹੋਰ ਵੱਡੀ ਕਾਮਯਾਬੀ , PSLVC-47 ਨੂੰ ਕੀਤਾ ਲਾਂਚ

ISRO ਦੇ ਹੱਥ ਇੱਕ ਹੋਰ ਵੱਡੀ ਸਫ਼ਲਤਾ ਲੱਗ ਗਈ ਹੈ। ISRO ਨੇ ਅੱਜ ਸਵੇਰੇ 9:28 ਵਜੇ PSLVC-47 ਨੂੰ ਲਾਂਚ ਕਰ ਦਿੱਤਾ ਹੈ। ਜ਼ਮੀਨ ਦੀ ਨਿਗਰਾਨੀ ਤੇ ਮੈਪ ਸੈਟੇਲਾਈਟ ਕਾਰਟੋਸੈੱਟ-3 ਦੇ ਨਾਲ 13 ਅਮਰੀਕੀ ਨੈਨੋ ਸੈਟੇਲਾਈਟਸ ਨੂੰ ਪੀ. ਐੱਸ. ਐੱਲ. ਵੀ. ਸੀ-47 ਨਾਲ ਲਾਂਚ ਕਰ ਦਿੱਤਾ ਹੈ। ਚੰਦਰਯਾਨ-2 ਤੋਂ ਬਾਅਦ ISRO ਦਾ ਇਹ ਪਹਿਲਾ ਵੱਡਾ ਮਿਸ਼ਨ ਹੈ। ਬੁੱਧਵਾਰ ਨੂੰ ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਹਰੀਕੋਟਾ ਤੋਂ ਸਵੇਰੇ 9.28 ਵਜੇ ਇਹ 14 ਉਪਗ੍ਰਹਿ ਇਕੋ ਸਮੇਂ ਲਾਂਚ ਕੀਤੇ ਗਏ। ਇਹ ਪੀ. ਐੱਸ. ਐੱਲ. ਵੀ. ਸੀ-47 ਦੀ 49ਵੀਂ ਉਡਾਣ ਰਹੀ।

ਇਹ ਵੀ ਪੜ੍ਹੋ: Chandrayaan2 ਦੁਆਰਾ ਖਿੱਚੀਆਂ ਗਈਆਂ ਧਰਤੀ ਦੀਆਂ ਖ਼ੂਬਸੂਰਤ ਤਸਵੀਰਾਂ, ISRO ਨੇ ਕੀਤੀਆਂ ਜਾਰੀ

ਕਾਰਟੋਸੈੱਟ-3 ਸੈਟੇਲਾਈਟ ਜ਼ਰੀਏ ਸਰਹੱਦਾਂ ‘ਤੇ ਨਜ਼ਰ ਰੱਖੀ ਜਾਵੇਗੀ। ਇਹ ਤੀਜੀ ਪੀੜ੍ਹੀ ਦਾ ਉਪਗ੍ਰਹਿ ਹੈ, ਜਿਸ ‘ਚ ਉੱਚ ਗੁਣਵੱਤਾ ਦੀ ਫੋਟੋ ਲੈਣ ਦੀ ਸਮਰੱਥਾ ਹੈ। ਇਹ ਉਪਗ੍ਰਹਿ ਧਰਤੀ ਤੋਂ 509 ਕਿਲੋਮੀਟਰ ਦੀ ਉੱਚੀ ਕਲਾਸ ‘ਚ ਹੋਵੇਗਾ ਤੇ ਉੱਥੋਂ ਭਾਰਤੀ ਸਰਹੱਦਾਂ ਦੀ ਨਿਗਰਾਨੀ ਕਰੇਗਾ। ਕਾਰਟੋਸੈੱਟ-3 ਉਪਗ੍ਰਹਿ ਕਿਸੇ ਵੀ ਮੌਸਮ ‘ਚ ਧਰਤੀ ਦੀਆਂ ਤਸਵੀਰਾਂ ਲੈ ਸਕਦਾ ਹੈ। ਇਸ ਜ਼ਰੀਏ ਦਿਨ ਤੇ ਰਾਤ ਸਮੇਂ ਅਸਮਾਨ ਤੋਂ ਸਾਫ ਤਸਵੀਰ ਖਿੱਚੀ ਜਾ ਸਕਦੀ ਹੈ। ਮਾਹਰਾਂ ਦਾ ਦਾਅਵਾ ਹੈ ਕਿ ਇੰਨੀ ਸਟੀਕਤਾ ਵਾਲਾ ਸੈਟੇਲਾਈਟ ਕੈਮੇਰਾ ਕਿਸੇ ਦੇਸ਼ ਨੇ ਲਾਂਚ ਨਹੀਂ ਕੀਤਾ ਹੈ।

(Punjabi News ਨਾਲ ਜੁੜੀਆਂ ਸਾਰੀਆਂ ਖ਼ਬਰਾਂ ਪੜ੍ਹਨ ਲਈ RAISINGVOICE ਨੂੰ FACEBOOK ਤੇ LIKE ਅਤੇ TWITTER ਤੇ FOLLOW ਕਰੋ)