ਕੈਨੇਡਾ ਦੇ ਮੈਨੀਟੋਬਾ ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਦੋ ਪੰਜਾਬੀਆਂ ਨੇ ਮਾਰੀ ਬਾਜ਼ੀ

ਕੈਨੇਡਾ/ਮੈਨੀਟੋਬਾ- ਕੈਨੇਡਾ ਦੇ ਮਸ਼ਹੂਰ ਸੂਬੇ ਮੈਨੀਟੋਬਾ ਵਿੱਚ 42ਵੀਂ ਵਿਧਾਨ ਸਭਾ ਚੋਣਾਂ ਹੋਈਆਂ। ਜਿੱਥੇ ਪੰਜਾਬ ਦੇ ਦੋ ਪੰਜਾਬੀਆਂ ਨੇ ਬਾਜ਼ੀ ਮਾਰ ਲਈ ਹੈ। ਇਹਨਾਂ ਵਿੱਚੋਂ ਦਿਲਜੀਤ ਪਾਲ ਸਿੰਘ ਜੋ ਕਿ ਪੰਜਾਬ ਦੇ ਮੁਕਤਸਰ ਦੇ ਰਹਿਣ ਵਾਲੇ ਹਨ। ਦੂਜੇ ਪਾਸੇ ਮਿੰਟੂ ਸੰਧੂ ਜੋ ਕਿ ਬਰਨਾਲਾ ਦੇ ਧਨੇਰ ਪਿੰਡ ਦੇ ਰਹਿਣ ਵਾਲੇ ਹਨ। ਮੈਨੀਟੋਬਾ ਵਿੱਚ 57 ਸੀਟਾਂ ਤੇ ਵਿਧਾਨ ਸਭਾ ਦੀਆਂ ਚੋਣਾਂ ਲੜੀਆਂ ਗਈਆਂ। ਜਿੰਨ੍ਹਾਂ ਵਿੱਚੋਂ ਕੰਜ਼ਰਵੇਟਿਵ ਪਾਰਟੀ ਦੀ ਝੋਲੀ 36 ਸੀਟਾਂ ਪਈਆਂ ਤੇ ਇਹ ਮੁੜ ਸੱਤਾ ‘ਚ ਕਾਬਜ਼ ਹੋ ਗਈ।

ਦਿਲਜੀਤ ਪਾਲ ਸਿੰਘ ਅਤੇ ਮਿੰਟੂ ਸੰਧੂ ਐੱਨ. ਡੀ. ਪੀ. ਭਾਵ ਨਿਊ ਡੈਮੋਕ੍ਰੇਟਿਕ ਪਾਰਟੀ ਦੇ ਨਾਲ ਸੰਬੰਧ ਰੱਖਦੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਦਿਲਜੀਤ ਪਾਲ ਸਿੰਘ ਬਰਾੜ ਵਿਨੀਪੈਗ ਦੀ ਬ੍ਰੋਜ ਸੀਟ ਤੋਂ ਵਿਧਾਇਕ ਚੁਣੇ ਗਏ ਹਨ। ਉਹਨਾਂ ਨੇ ਆਪਣੇ ਵਿਰੋਧੀ ਉਮੀਦਵਾਰ ਜੈਸਮੀਨ ਬਰਾੜ ਨੂੰ 400 ਤੋਂ ਜਿਆਦਾ ਵੋਟਾਂ ਨਾਲ ਹਰਾਇਆ। ਦਿਲਜੀਤ ਪਾਲ ਸਿੰਘ ਬਰਾੜ ਨੇ ਕੁੱਲ 2536 ਦੇ ਕਰੀਬ ਵੋਟਾਂ ਹਾਸਿਲ ਕੀਤੀਆਂ।

ਜ਼ਰੂਰ ਪੜ੍ਹੋ: ਪਤਨੀ ਨੇ ਪ੍ਰੇਮੀ ਨਾਲ ਮਿਲ ਕੇ ਕੀਤੀ ਆਪਣੇ ਹੀ ਪਤੀ ਦੀ ਹੱਤਿਆ

ਦੂਜੇ ਪਾਸੇ ਮਿੰਟੂ ਸੰਧੂ ਮੈਪਲਜ਼ ਹਲਕੇ ਤੋਂ ਵਿਧਾਇਕ ਚੁਣੇ ਗਏ ਹਨ। ਮਿੰਟੂ ਸੰਧੂ ਨੇ ਇਹਨਾਂ ਵਿਧਾਨ ਸਭਾ ਚੋਣਾਂ ਵਿੱਚ ਕੁੱਲ 2744 ਵੋਟਾਂ ਹਾਸਿਲ ਕਰਕੇ ਆਪਣੇ ਵਿਰੋਧੀ ਉਮੀਦਵਾਰਾਂ ਦੀਪ ਬਰਾੜ (ਲਿਬਰਲ), ਅਮਨ ਸੰਧੂ (ਪੀ.ਸੀ.) ਅਤੇ ਕਿਰਨ ਗਿੱਲ (ਗ੍ਰੀਨ ਪਾਰਟੀ) ਨੂੰ ਹਰਾਇਆ। ਤੁਹਾਨੂੰ ਦੱਸ ਦੇਈਏ ਕਿ ਮਿੰਟੂ ਸੰਧੂ ਪਿਛਲੇ 30 ਸਾਲਾਂ ਤੋਂ ਮੈਪਲਜ਼ ‘ਚ ਰਹਿ ਰਹੇ ਹਨ।