ਦਹਿਸ਼ਤ ਦੇ ਮਾਹੌਲ ਵਿੱਚ Viral ਹੋਇਆ Corona ਤੇ ਬਣਿਆ ਇਹ ਪੰਜਾਬੀ ਗਾਣਾ

ਕੋਰੋਨਾ ਦੇ ਦਹਿਸ਼ਤ ਦੇ ਮਾਹੌਲ ਵਿੱਚ ਚਿੰਤਾ ਦੀਆਂ ਲਕੀਰਾਂ ਹਰ ਕਿਸੇ ਦੇ ਚਿਹਰੇ ‘ਤੇ ਸਾਫ ਵੇਖੀਆਂ ਜਾ ਸਕਦੀਆਂ ਹਨ। ਲੋਕ ਇਸ ਖਤਰਨਾਕ ਵਾਇਰਸ ਤੋਂ ਆਪਣੇ ਆਪ ਨੂੰ ਬਚਾਉਣ ਲਈ ਹਰ ਤਰ੍ਹਾਂ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪਰ ਇਸ ਵਾਇਰਸ ਦੇ ਕਾਰਨ, ਹਰ ਕੋਈ ਆਪਣੇ ਘਰ ਵਿੱਚ ਕੈਦ ਹੈ। ਹੁਣ ਲੋਕਾਂ ਦੇ ਮਨੋਰੰਜਨ ਲਈ ਕੋਰੋਨਾ ‘ਤੇ ਗਾਣੇ ਵੀ ਬਣਨੇ ਸ਼ੁਰੂ ਹੋ ਗਏ ਹਨ।

ਭਾਰਤ ਵਿਚ ਸੰਕਟ ਦਾ ਸਮਾਂ ਹੈ, ਪਰ ਲੋਕਾਂ ਦੀ ਕ੍ਰੀਏਟਿਵਿਟੀ ਅਜੇ ਵੀ ਸਾਹਮਣੇ ਆ ਰਹੀ ਹੈ। ਕੋਰੋਨਾ ‘ਤੇ ਬਹੁਤ ਸਾਰੇ ਗਾਣੇ ਬਣ ਚੁੱਕੇ ਹਨ, ਭਾਸ਼ਾ ਕੋਈ ਵੀ ਹੋਵੇ, ਕੋਈ ਵੀ ਗਾਇਕ ਹੋਵੇ, ਕੋਰੋਨਾ ‘ਤੇ ਬਣ ਰਹੇ ਹਰ ਗਾਣੇ ਨੂੰ ਲੋਕ ਪਸੰਦ ਕਰ ਰਹੇ ਹਨ ਅਤੇ ਟ੍ਰੈਂਡਿੰਗ ਵੀ ਕਰ ਰਹੇ ਹਨ।

ਹੁਣ ਕੋਰੋਨਾ ‘ਤੇ ਇਕ ਹੋਰ ਗਾਣਾ ਯੂਟਿਊਬ ਤੇ ਵਾਇਰਲ ਹੋ ਰਿਹਾ ਹੈ। ਗਾਇਕ ਯਸ਼ ਵਡਾਲੀ ਨੇ ਕੋਰੋਨਾ ਦੇ ਨਾਮ ਦਾ ਇੱਕ ਗਾਣਾ ਗਾਇਆ ਹੈ। ਇਸ ਦੇ ਮਿਊਜ਼ਿਕ ਵੀਡੀਓ ਵਿੱਚ ਇਹ ਦਿਖਾਇਆ ਗਿਆ ਹੈ ਕਿ ਕੋਰੋਨਾ ਦੇ ਕਾਰਨ ਦੋ ਪਿਆਰ ਕਰਨ ਵਾਲੇ ਇੱਕ ਦੂਜੇ ਨੂੰ ਕਿਵੇਂ ਮਿਲ ਨਹੀਂ ਪਾ ਰਹੇ ਹਨ। ਗਾਣੇ ਦੇ ਬੋਲ ਬਹੁਤ ਦਿਲਚਸਪ ਹਨ, ਇਸ ਤੋਂ ਇਲਾਵਾ ਗਾਣੇ ਦੀਆਂ ਬੀਟਸ ਨੂੰ ਵੀ ਪਸੰਦ ਕੀਤਾ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ : Corona Virus ਦੇ ਕਹਿਰ ਨੂੰ ਦੇਖਦੇ ਬੱਬੂ ਮਾਨ ਨੇ ਚੁੱਕਿਆ ਵੱਡਾ ਕਦਮ

ਵੈਸੇ, ਇਸ ਤੋਂ ਪਹਿਲਾਂ ਕੋਰੋਨਾ ਦੇ ਬਹੁਤ ਸਾਰੇ ਗਾਣੇ ਵਾਇਰਲ ਹੋ ਚੁੱਕੇ ਹਨ। ਖੇਸਾਰੀ ਲਾਲ ਯਾਦਵ ਦਾ ਭੋਜਪੁਰੀ ਗਾਣਾ ਹੋਵੇ ਜਾਂ ਕੋਰੋਨਾ ‘ਤੇ ਨਰਿੰਦਰ ਚੰਚਲ ਦਾ ਭਜਨ, ਲੋਕ ਇਸ ਮੁਸ਼ਕਲ ਸਮੇਂ ਵਿਚ ਇਹ ਸਾਰੇ ਗਾਣੇ ਸੁਣ ਰਹੇ ਹਨ ਅਤੇ ਉਨ੍ਹਾਂ ਦੇ ਮਨ ਨੂੰ ਇਹ ਗਾਣੇ ਭਾਅ ਵੀ ਰਹੇ ਹਨ। ਦੱਸ ਦੇਈਏ ਕਿ ਕੋਰੋਨਾ ‘ਤੇ ਸਿਰਫ ਗਾਣੇ ਹੀ ਨਹੀਂ ਬਲਕਿ ਫਿਲਮਾਂ ਵੀ ਬਣਨ ਜਾ ਰਹੀਆਂ ਹਨ। ਬਾਲੀਵੁੱਡ ਦੇ ਕਈ ਫਿਲਮ ਨਿਰਮਾਤਾਵਾਂ ਨੇ ਇਸ ਮੁੱਦੇ ‘ਤੇ ਫਿਲਮਾਂ ਬਣਾਉਣ ਵਿਚ ਦਿਲਚਸਪੀ ਦਿਖਾਈ ਹੈ। ਫਿਲਮਾਂ ਦੇ ਟਾਈਟਲ ਜਿਵੇਂ ਕਿ ਕੋਰੋਨਾ ਪਿਆਰ ਹੈ ਇਸ ਸਮੇਂ ਵਾਇਰਲ ਹੋ ਰਹੇ ਹਨ।