Redmi 8A Dual ਦਾ ਨਵਾਂ ਵੇਰੀਐਂਟ ਹੋਇਆ ਲਾਂਚ, 15 ਜੂਨ ਤੋਂ ਹੋਵੇਗੀ ਬਿਕਰੀ, ਜਾਣੋ ਇਸਦੇ Features

Redmi 8A Dual ਦਾ ਨਵਾਂ 64GB ਵੇਰੀਐਂਟ ਭਾਰਤ ‘ਚ ਲਾਂਚ ਹੋ ਗਿਆ ਹੈ। ਇਹ ਫੋਨ ਪਹਿਲਾਂ ਹੀ 2GB/ 3GB ਰੈਮ ਅਤੇ 32GB ਸਟੋਰੇਜ ਵਿਕਲਪ ਵਿੱਚ ਆਇਆ ਹੈ। Redmi 8A Dual ਦਾ ਮੁਕਾਬਲਾ Realme C3 ਅਤੇ Infinix Hot 8 ਨਾਲ ਭਾਰਤੀ ਬਾਜ਼ਾਰ ਵਿਚ ਹੋ ਰਿਹਾ ਹੈ। ਹਾਲਾਂਕਿ, ਹੁਣ ਨਵਾਂ ਵੇਰੀਐਂਟ ਦਾ ਮੁਕਾਬਲਾ ਆਪਣੇ ਪ੍ਰਾਈਸ ਸੈਗਮੇਂਟ ਵਿੱਚ Realme Narzo 10A ਦੇ ਨਾਲ ਵੀ ਰਹੇਗਾ।

Redmi 8A Dual ਦੇ ਨਵੇਂ 3GB ਰੈਮ + 64GB ਸਟੋਰੇਜ ਵੇਰੀਐਂਟ ਦੀ ਕੀਮਤ 8,999 ਰੁਪਏ ਰੱਖੀ ਗਈ ਹੈ। ਇਸ ਨਵੇਂ ਵੇਰੀਐਂਟ ਦੀ ਵਿਕਰੀ ਦੇਸ਼ ਵਿੱਚ ਸੋਮਵਾਰ 15 ਜੂਨ ਤੋਂ ਸ਼ੁਰੂ ਹੋਵੇਗੀ। ਗਾਹਕ ਇਸ ਨੂੰ ਐਮਾਜ਼ਾਨ, ਸ਼ੀਓਮੀ ਦੀ ਵੈਬਸਾਈਟ ਅਤੇ ਵੱਖ ਵੱਖ ਰਿਟੇਲ ਆਉਟਲੈਟਾਂ ਤੋਂ ਖਰੀਦ ਸਕਣਗੇ। ਤੁਹਾਨੂੰ ਦੱਸ ਦੇਈਏ ਕਿ Redmi 8A Dual 2GB ਰੈਮ + 32GB ਸਟੋਰੇਜ ਅਤੇ 3GB ਰੈਮ + 32GB ਸਟੋਰੇਜ ਵੇਰੀਐਂਟ ‘ਚ ਵੀ ਆਉਂਦਾ ਹੈ। ਇਨ੍ਹਾਂ ਵੇਰੀਐਂਟ ਦੀ ਕੀਮਤ ਕ੍ਰਮਵਾਰ 7,499 ਰੁਪਏ ਅਤੇ 7,999 ਰੁਪਏ ਹੈ।

ਇਹ ਵੀ ਪੜ੍ਹੋ : XIAOMI ਨੇ ਭਾਰਤ ਵਿਚ ਲਾਂਚ ਕੀਤਾ ਆਪਣਾ ਪਹਿਲਾ ਲੈਪਟਾਪ, ਜਾਣੋ ਕਿ ਹੈ ਖਾਸੀਅਤ

ਸ਼ੀਓਮੀ ਨੇ Redmi 8A Dual ਨੂੰ ਫਰਵਰੀ ਵਿਚ Redmi 8A ਦੇ ਅਪਗ੍ਰੇਡ ਵਜੋਂ ਲਾਂਚ ਕੀਤਾ ਸੀ। ਇਹ ਸਮਾਰਟਫੋਨ ਗਾਹਕਾਂ ਲਈ ਤਿੰਨ ਕਲਰ ਆਪਸ਼ਨ ਵਿਚ ਉਪਲੱਬਧ ਹੈ- ਮਿਡਨਾਈਟ ਗ੍ਰੇ, ਸੀ ਬਲੂ ਅਤੇ ਸਕਾਈ ਵ੍ਹਾਈਟ।

Redmi 8A Dual ਦੀਆਂ ਵਿਸ਼ੇਸ਼ਤਾਵਾਂ

ਡਿਊਲ ਸਿਮ (ਨੈਨੋ) ਸਪੋਰਟ ਵਾਲਾ ਇਹ ਸਮਾਰਟਫੋਨ ਐਂਡਰਾਇਡ 9 ਪਾਈ ਬੇਸਡ MIUI 11 ‘ਤੇ ਚੱਲਦਾ ਹੈ ਅਤੇ ਇਸ ਵਿਚ 6.22 ਇੰਚ ਦੀ HD + (720×1520 ਪਿਕਸਲ) ਡਿਸਪਲੇਅ ਹੈ ਜੋ ਕਿ ਕੋਰਨਿੰਗ ਗੋਰਿਲਾ ਗਲਾਸ 5 ਪ੍ਰੋਟੈਕਸ਼ਨ ਦੇ ਨਾਲ ਹੈ। ਇਸ ਵਿਚ ਇਕ ਆਕਟਾ-ਕੋਰ ਕੁਆਲਕਾਮ ਸਨੈਪਡ੍ਰੈਗਨ 439 ਪ੍ਰੋਸੈਸਰ ਹੈ, ਜਿਸ ਵਿਚ 3 ਜੀ.ਬੀ. ਰੈਮ ਹੈ.

ਫੋਟੋਗ੍ਰਾਫੀ ਲਈ ਇਸ ਦੇ ਪਿਛਲੇ ਹਿੱਸੇ ਵਿੱਚ ਡਿਊਲ ਕੈਮਰਾ ਸੈਟਅਪ ਉਪਲਬਧ ਹੈ। ਇਸਦਾ ਪ੍ਰਾਇਮਰੀ ਕੈਮਰਾ 13MP ਅਤੇ ਸੈਕੰਡਰੀ ਕੈਮਰਾ 2MP ਦਾ ਹੈ। ਸੈਲਫੀ ਲਈ ਇਸ ਦੇ ਫਰੰਟ ਤੇ 8MP ਕੈਮਰਾ ਹੈ। ਇਸ ਦੀ ਇੰਟਰਨਲ ਮੈਮੋਰੀ 64GB ਤੱਕ ਹੈ, ਜਿਸ ਨੂੰ ਕਾਰਡ ਦੀ ਮਦਦ ਨਾਲ 512GB ਤੱਕ ਵਧਾਇਆ ਜਾ ਸਕਦਾ ਹੈ। Redmi 8A Dual ਦੀ ਬੈਟਰੀ 5,000mAh ਦੀ ਹੈ ਅਤੇ ਇਥੇ 18W ਫਾਸਟ ਚਾਰਜਿੰਗ ਲਈ ਸਪੋਰਟ ਵੀ ਮਿਲਦਾ ਹੈ।