ਖੇਡ

ਕੋਰੋਨਾ ਕਾਰਨ ਕ੍ਰਿਕਟਰ ਬਣਿਆ Uber Eats ਦਾ ਡਿਲੀਵਰੀ ਬੁਆਏ, ਟਵੀਟ ਕਰ ਕਹਿ ਇਹ ਇਮੋਸ਼ਨਲ ਗੱਲ

ਇਸ ਮਹਾਂਮਾਰੀ ਕਾਰਨ ਆਸਟਰੇਲੀਆ, ਇੰਗਲੈਂਡ ਅਤੇ ਭਾਰਤ ਵਰਗੇ ਵੱਡੇ ਦੇਸ਼ਾਂ ਦੇ ਕ੍ਰਿਕਟਰਾਂ ਨੂੰ ਕੋਈ ਵਿੱਤੀ ਮੁਸ਼ਕਿਲਾਂ ਦਾ ਸਾਹਮਣਾ ਨਹੀਂ ਕਰਨਾ ਪਿਆ, ਪਰ ਇਸ ਮਹਾਂਮਾਰੀ ਕਾਰਨ ਛੋਟੇ ਦੇਸ਼ਾਂ ਦੇ ਕੁਝ ਕ੍ਰਿਕਟਰ ਸੜਕਾਂ ‘ਤੇ ਉਤਰ ਆਏ। ਅੱਜ ਇਨ੍ਹਾਂ ਦੇਸ਼ਾਂ ਦੇ ਖਿਡਾਰੀ ਕ੍ਰਿਕਟ ਦੀ ਕਮੀ ਕਾਰਨ ਹੋਰ ਕੰਮ ਕਰਨ ਲਈ ਮਜਬੂਰ ਹਨ।

ਦਿਲਚਸਪ ਗੱਲ ਇਹ ਹੈ ਕਿ 2020 ਦੇ ਆਈਸੀਸੀ ਟਵੰਟੀ-20 ਵਿਸ਼ਵ ਕੱਪ ਦਾ ਫਾਈਨਲ 14 ਨਵੰਬਰ ਨੂੰ ਮੈਲਬੋਰਨ ਕ੍ਰਿਕਟ ਗਰਾਊਂਡ ਵਿਚ ਖੇਡਿਆ ਜਾਣਾ ਸੀ। ਨੀਦਰਲੈਂਡ ਨੇ ਵੀ ਇਸ ਟੂਰਨਾਮੈਂਟ ਵਿੱਚ ਹਿੱਸਾ ਲੈਣਾ ਸੀ। ਪਰ ਕੋਰੋਨਾ ਮਹਾਂਮਾਰੀ ਕਾਰਨ ਟੂਰਨਾਮੈਂਟ ਮੁਲਤਵੀ ਕਰ ਦਿੱਤਾ ਗਿਆ।

ਖਤਰਨਾਕ ਕੋਰੋਨਵਾਇਰਸ ਨੇ ਸੰਸਾਰ ਦੇ ਲਗਭਗ ਹਰ ਕੋਨੇ ਵਿੱਚ ਤਬਾਹੀ ਮਚਾ ਦਿੱਤੀ ਹੈ। ਵੈਕਸੀਨਾਂ ਦੀ ਕਮੀ ਕਰਕੇ, ਹਰ ਕੋਈ ਮਹਾਂਮਾਰੀ ਬਾਰੇ ਚਿੰਤਤ ਹੈ। ਵਾਇਰਸ ਨੂੰ ਰੋਕਣ ਲਈ ਦੁਨੀਆ ਭਰ ਨੇ ਲਾਕਡਾਊਨ ਕਰ ਦਿੱਤਾ। ਅਜਿਹੇ ਠੋਸ ਕਦਮਾਂ ਨੇ ਵਾਇਰਸ ਦੇ ਫੈਲਣ ਨੂੰ ਘੱਟ ਕਰ ਦਿੱਤਾ ਹੈ, ਪਰ ਇਸ ਨਾਲ ਬਹੁਤ ਸਾਰੇ ਲੋਕਾਂ ਦੀ ਰੋਜ਼ੀ-ਰੋਟੀ ਵੀ ਘੱਟ ਗਈ ਹੈ। ਆਮ ਲੋਕਾਂ ਵਾਂਗ ਇਸ ਮਹਾਂਮਾਰੀ ਦਾ ਵੀ ਕ੍ਰਿਕਟਰਾਂ ‘ਤੇ ਡੂੰਘਾ ਅਸਰ ਪਿਆ।

ਨੀਦਰਲੈਂਡ ਤੋਂ ਵੀ ਅਜਿਹਾ ਹੀ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ, ਨੀਦਰਲੈਂਡ ਕ੍ਰਿਕਟ ਟੀਮ ਦਾ ਇੱਕ ਮੈਂਬਰ ਕ੍ਰਿਕਟ ਬੰਦ ਹੋਣ ਕਰਕੇ ਡਿਲੀਵਰੀ ਬੁਆਏ ਬਣ ਗਿਆ ਸੀ। ਖਿਡਾਰੀ ਦਾ ਨਾਂ ਪੌਲ ਵਾਨ ਮੈਕੇਨ ਹੈ। ਖੁਦ ਪਾਲ ਨੇ ਕਿਹਾ ਹੈ ਕਿ ਉਹ ਕ੍ਰਿਕਟ ਦੇ ਬੰਦ ਹੋਣ ਕਾਰਨ ਉਬਰ ਇਟ ਕੰਪਨੀ ਵਿੱਚ ਡਿਲੀਵਰੀ ਬੁਆਏ ਵਜੋਂ ਕੰਮ ਕਰ ਰਿਹਾ ਸੀ ।

ਪਾਲ ਵੈਨ ਮੀਕੇਨ ਨੇ ਅੱਜ ਭਾਵੁਕ ਹੋਕੇ ਟਵਿੱਟਰ ‘ਤੇ ਆਪਣੀਆਂ ਭਾਵਨਾਵਾਂ ਨੂੰ ਦੁਨੀਆ ਨਾਲ ਸਾਂਝਾ ਕੀਤਾ। ਉਸ ਨੇ ਟਵਿਟ ਕੀਤਾ, “ਮੈਨੂੰ ਅੱਜ ਕ੍ਰਿਕਟ ਖੇਡਣਾ ਚਾਹੀਦਾ ਸੀ, ਹੁਣ ਮੈਂ ਇਸ ਸਰਦੀਆਂ ਉਬਰ ਇਟਸ ਵਿੱਚ ਡਿਲੀਵਰੀ ਕਰ ਰਿਹਾ ਹਾਂ। ਜਦੋਂ ਚੀਜ਼ਾਂ ਇਸ ਤਰ੍ਹਾਂ ਬਦਲ ਜਾਂਦੀਆਂ ਹਨ ਤਾਂ ਇਹ ਮਜ਼ਾਕ ਵਾਂਗ ਲੱਗਦਾ ਹੈ। ਹਸਦੇ ਰਹੋ ਸਾਥੀਓ।”