Indian Railway News: ਹੁਣ ਭਾਰਤੀ ਰੇਲਾਂ ਦੀ ਨਿਗਰਾਨੀ ਕਰਨ ਦਾ ਜੁੰਮੇਵਾਰੀ ਹੁਣ ISRO ਦੇ ਮੋਢਿਆਂ ‘ਤੇ

Indian Railway News: ਰੇਲ ਯਾਤਰੀਆਂ ਲਈ ਇਕ ਬਹੁਤ ਚੰਗੀ ਖ਼ਬਰ ਹੈ ਕਿ ਹੁਣ ਉਨ੍ਹਾਂ ਨੂੰ ਟ੍ਰੇਨ ਦੀ ਸਥਿਤੀ ਦੀ ਜਾਣਕਾਰੀ ਆਸਾਨੀ ਨਾਲ ਮਿਲ ਜਾਵੇਗੀ। ਦਰਅਸਲ ਭਾਰਤੀ ਰੇਲਵੇ ਨੇ ਆਪਣੇ ਇੰਜਣਾਂ ਨੂੰ ਇਸਰੋ ਦੇ ਉਪਗ੍ਰਹਾਂ ਨਾਲ ਜੋੜਿਆ ਹੈ। ਇਸ ਤੋਂ ਬਾਅਦ ਉਪਗ੍ਰਹਾਂ ਤੋਂ ਮਿਲੀ ਜਾਣਕਾਰੀ ਨਾਲ ਟ੍ਰੇਨ ਦੀ ਸਹੀ ਲੋਕੇਸ਼ਨ ਬਾਰੇ ਪਤਾ ਲਗਾਉਣਾ, ਉਸਦੀ ਰਵਾਨਗੀ ਅਤੇ ਸਟੇਸ਼ਨ ‘ਤੇ ਆਮਦ ਦੇ ਸਮੇਂ ਦਾ ਪਤਾ ਲਗਾਉਣਾ ਆਸਾਨ ਹੋ ਜਾਵੇਗਾ। ਹੁਣ ਇਸ ਦੀ ਆਮਦ ਅਤੇ ਰਵਾਨਗੀ ਆਪਣੇ ਆਪ ਦਰਜ ਹੋ ਜਾਵੇਗੀ।

ਇਹ ਵੀ ਪੜ੍ਹੋ: Natonal News: ਬਿਹਾਰ ਵਿੱਚ ਫਟਿਆ ਰਸੋਈ ਗੈਸ ਸਿਲੰਡਰ, 6 ਲੋਕਾਂ ਦੀ ਹੋਈ ਮੌਤ

ਰੇਲਵੇ ਬੋਰਡ ਦੇ ਚੇਅਰਮੈਨ ਵੀ ਕੇ ਯਾਦਵ ਨੇ ਕਿਹਾ ਕਿ ਰੇਲਵੇ ਨੇ ਇਸਰੋ ਯਾਨੀ ਭਾਰਤੀ ਪੁਲਾੜ ਖੋਜ ਇੰਸਟੀਚਿਊਟ(ਇਸਰੋ) ਨਾਲ ਸਮਝੌਤੇ ਦੇ ਦਸਤਖਤ ਕੀਤੇ ਹਨ ਜਿਸ ਦੇ ਤਹਿਤ ਸੈਟੇਲਾਈਟ ਰਾਹੀਂ ਰੇਲ ਗੱਡੀਆਂ ਦੀ ਨਿਗਰਾਨੀ ਕੀਤੀ ਜਾ ਸਕੇਗੀ। ਤੁਹਾਨੂੰ ਦੱਸ ਦੇਈਏ ਕਿ ਦੇਸ਼ ਭਰ ਵਿਚ ਰੇਲਵੇ ਦੇ 350 ਸੈਕਸ਼ਨ ਕੰਟਰੋਲ ਹਨ, ਜਿਸ ਵਿਚ ਅਧਿਕਾਰੀ ਰੇਲ ਨੂੰ ਚਲਾਉਣ ਦੇ ਫੈਸਲੇ ਲੈਂਦੇ ਹਨ। ਇਸਰੋ ਦਾ ਗਗਨ ਇਸ ਕੰਮ ਵਿਚ ਉਨ੍ਹਾਂ ਦੀ ਮਦਦ ਕਰ ਰਿਹਾ ਹੈ।

ਅਸਲ ਵਿਚ ਇੱਕ ਜੀਪੀਐਸ ਸਹਾਇਤਾ ਪ੍ਰਾਪਤ ਜੀਈਓ ਐਗਮੈਂਟਡ ਸਿਸਟਮ ਹੈ। ਪਹਿਲਾਂ ਇਸ ਨੂੰ ਹਵਾਈ ਖੇਤਰ ਲਈ ਵਿਕਸਤ ਕੀਤਾ ਗਿਆ ਸੀ, ਪਰ ਹੁਣ ਇਹ ਹਰ 30 ਸਕਿੰਟ ਵਿਚ ਰੇਲ ਦੀ ਗਤੀ ਅਤੇ ਸਥਿਤੀ ਬਾਰੇ ਜਾਣਕਾਰੀ ਸਾਂਝੀ ਕਰਦਾ ਹੈ।ਜਾਣਕਾਰੀ ਅਤੇ ਤਰਕ ਦੀ ਵਰਤੋਂ ‘ਤੇ ਅਧਾਰਤ ਉਪਕਰਣ ਰੇਲ ਗੱਡੀਆਂ ਦੀ ਆਮਦ ਅਤੇ ਰਵਾਨਗੀ, ਤੈਅ ਕੀਤੀ ਗਈ ਦੂਰੀ, ਨਿਰਧਾਰਤ ਰੁਕਣ ਅਤੇ ਹੋਰ ਸਬੰਧਤ ਜਾਣਕਾਰੀ ਪਹੁੰਚਾ ਰਿਹਾ ਹੈ। ਇਹ ਇਸਰੋ ਦੇ ਐਸ-ਬੈਂਡ ਮੋਬਾਈਲ ਸੈਟੇਲਾਈਟ ਸਰਵਿਸ ਰਾਹੀਂ ਸੀਆਰਆਈਐਸ ਡਾਟਾ ਸੈਂਟਰ ਰਾਹੀਂ ਸੈਂਟਰਲ ਲੋਕੇਸ਼ਨ ਸਰਵਰ ਤੱਕ ਲਿਆ ਰਿਹਾ ਹੈ।