Corona Virus : ਵਿੱਤ ਮੰਤਰੀ ਨੇ ਕੀਤੇ ਕਈ ਵੱਡੇ ਐਲਾਨ, Tax Return ਤੋਂ ਲੈਕੇ ਆਧਾਰ-ਪੈਨ ਦੀ ਡੇਡਲਾਈਨ ਵਧਾਈ, ਹੋਰ ਵੀ ਵੱਡੇ ਐਲਾਨ

ਕੋਰੋਨਾ ਦੇ ਸੰਬੰਧ ਵਿੱਚ ਲੋਕਾਂ ਅਤੇ ਕਾਰੋਬਾਰ ਜਗਤ ਨੂੰ ਰਾਹਤ ਦੇਣ ਲਈ ਸਰਕਾਰ ਜਲਦੀ ਹੀ ਰਾਹਤ ਪੈਕੇਜ ਦੇਵੇਗੀ। ਸਰਕਾਰ ਨੇ ਟੈਕਸ ਨਾਲ ਜੁੜੇ ਕਈ ਮੁੱਦਿਆਂ ਦੀ ਪਾਲਣਾ ਲਈ ਸਮਾਂ 31 ਮਾਰਚ ਤੋਂ ਵਧਾ ਕੇ ਜੂਨ ਦੇ ਅੰਤ ਤੱਕ ਕਰ ਦਿੱਤੀ ਹੈ। ਆਧਾਰ-ਪੈਨ ਲਿੰਕ ਦਾ ਸਮਾਂ ਵੀ 30 ਜੂਨ ਕਰ ਦਿੱਤਾ ਗਿਆ ਹੈ।

ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਮੰਗਲਵਾਰ ਨੂੰ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਇਹ ਜਾਣਕਾਰੀ ਦਿੱਤੀ ਹੈ। ਵਿੱਤੀ ਸਾਲ 2018-19 ਲਈ ਆਈ ​​ਟੀ ਰਿਟਰਨ ਦੀ ਸੀਮਾ ਵਧਾ ਕੇ 30 ਜੂਨ ਕਰ ਦਿੱਤੀ ਗਈ ਹੈ। ਇਸ ‘ਤੇ ਵਿਆਜ ਦਰ ਚ ਵੀ ਘਟਾ ਕੀਤਾ ਗਿਆ ਹੈ। ਛੋਟੇ ਅਤੇ ਦਰਮਿਆਨੇ ਵਪਾਰੀਆਂ ਨੂੰ ਰਾਹਤ ਪ੍ਰਦਾਨ ਕਰਨ ਲਈ ਜੀਐਸਟੀ ਦੀ ਤਰੀਕ ਵੀ 30 ਜੂਨ ਤੱਕ ਵਧਾ ਦਿੱਤੀ ਗਈ ਸੀ। ਇਸੇ ਤਰ੍ਹਾਂ ਟਰੱਸਟ ਸਕੀਮ ਦਾ ਸਮਾਂ ਵੀ ਜੂਨ ਤੱਕ ਵਧਾ ਦਿੱਤਾ ਗਿਆ ਹੈ।

ਵਿੱਤ ਮੰਤਰੀ ਦੇ ਵੱਡੇ ਐਲਾਨ ਇਸ ਪ੍ਰਕਾਰ ਹਨ:

ਵਿਵਾਦ ਤੋਂ ਵਿਸ਼ਵਾਸ ਤੱਕ ਦੀ ਸਕੀਮ 30 ਜੂਨ ਤੱਕ ਵਧਾਈ ਗਈ ਸੀ।

TDS ‘ਤੇ ਵਿਆਜ 18 ਪ੍ਰਤੀਸ਼ਤ ਦੀ ਬਜਾਏ 9 ਪ੍ਰਤੀਸ਼ਤ ਹੋਵੇਗਾ।

ਮਾਰਚ, ਅਪ੍ਰੈਲ, ਮਈ ਲਈ ਜੀਐਸਟੀ ਰਿਟਰਨ ਭਰਨ ਦੀ ਤਰੀਕ ਵੀ 30 ਜੂਨ ਤੱਕ ਵਧਾ ਦਿੱਤੀ ਗਈ ਸੀ।

ਆਧਾਰ-ਪੈਨ ਲਿੰਕ ਦੀ ਆਖ਼ਰੀ ਤਰੀਕ 30 ਜੂਨ 2020 ਤੱਕ ਹੋ ਗਈ ਸੀ, ਇਹ ਵੀ ਪਹਿਲਾਂ 31 ਮਾਰਚ ਤੱਕ ਸੀ।

ਇਹ ਵੀ ਪੜ੍ਹੋ : ਅੱਜ ਰਾਤ 8 ਬਜੇ ਇੱਕ ਵਾਰ ਫਿਰ PM Modi ਦੇਸ਼ ਨੂੰ ਕਰਨਗੇ ਸੰਬੋਧਿਤ, ਕੋਰੋਨਾ ਨੂੰ ਲੈਕੇ ਹੋ ਸਕਦਾ ਵੱਡਾ ਐਲਾਨ

ਇਨਕਮ ਟੈਕਸ ਰਿਟਰਨ ਦੀ ਤਰੀਕ (2018-19) 30 ਜੂਨ ਤੱਕ ਵਧਾ ਦਿੱਤੀ ਗਈ ਹੈ।

ਰਿਟਰਨ ਵਿਚ ਦੇਰੀ ਲਈ 12 ਦੀ ਥਾਂ ‘ਤੇ 9 ਪ੍ਰਤੀਸ਼ਤ ਚਾਰਜ।

ਸੀਐਸਆਰ ਦੇ ਫੰਡ ਹੁਣ ਕੋਰੋਨਾ ਵਾਇਰਸ ਨਾਲ ਸਬੰਧਤ ਕੰਮਾਂ ਵਿੱਚ ਦਿੱਤੇ ਜਾ ਸਕਦੇ ਹਨ, ਇਸਦਾ ਮਤਲਬ ਹੈ ਕਿ ਇਹ ਫੰਡ ਹੁਣ ਕੋਰੋਨਾ ਵਾਇਰਸ ਦੇ ਵਿਰੁੱਧ ਲੜਨ ਲਈ ਵਰਤੇ ਜਾਣਗੇ।

ਕਾਰਪੋਰੇਟ ਨੂੰ ਰਾਹਤ ਦਿੰਦੇ ਹੋਏ ਕਿਹਾ ਗਿਆ ਕਿ ਬੋਰਡ ਦੀ ਬੈਠਕ 60 ਦਿਨਾਂ ਲਈ ਮੁਲਤਵੀ ਕੀਤੀ ਜਾ ਸਕਦੀ ਹੈ। ਇਹ ਰਾਹਤ ਫਿਲਹਾਲ ਅਗਲੇ ਦੋ ਤਿਮਾਹੀਆਂ ਲਈ ਹੈ।

5 ਕਰੋੜ ਰੁਪਏ ਦੇ ਟਰਨਓਵਰ ਵਾਲੀਆਂ ਕੰਪਨੀਆਂ ਲਈ ਜੀਐਸਟੀ ਰਿਟਰਨ ਦਾਖਲ ਕਰਨ ਵਿਚ ਦੇਰੀ ਲਈ ਫਿਲਹਾਲ ਕੋਈ ਜ਼ੁਰਮਾਨਾ ਨਹੀਂ ਹੈ।

ਦੇਖਣ ਵਾਲੀ ਗੱਲ ਇਹ ਹੈ ਕਿ ਕੋਰੋਨਾ ਵਾਇਰਸ ਦੇ ਫੈਲਣ ਕਾਰਨ ਬਹੁਤ ਸਾਰੇ ਸੂਬਿਆਂ ਨੇ ਲਾਕਦਾਊਂ ਅਤੇ ਕਰਫਿਊ ਲਗਾ ਦਿੱਤਾ ਹੈ, ਜਿਸ ਨਾਲ ਕਾਰੋਬਾਰ ਅਤੇ ਹੋਰ ਗਤੀਵਿਧੀਆਂ ਰੁਕੀਆਂ ਹੋਈਆਂ ਹਨ। ਇਸਦਾ ਵੱਡਾ ਨੁਕਸਾਨ ਕੰਪਨੀਆਂ ਅਤੇ ਆਰਥਿਕਤਾ ਨੂੰ ਹੋਇਆ ਹੈ। ਅਜਿਹੀ ਸਥਿਤੀ ਵਿੱਚ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਟਵੀਟ ਕੀਤਾ ਹੈ ਕਿ ਉਹ ਕੰਪਨੀਆਂ ਲਈ ਰਾਹਤ ਪੈਕੇਜ ਦੀ ਘੋਸ਼ਣਾ ਕਰੇਗੀ।

National News ਨਾਲ ਜੁੜੀਆਂ ਸਾਰੀਆਂ ਖ਼ਬਰਾਂ ਪੜ੍ਹਨ ਲਈ RAISINGVOICE ਨੂੰ FACEBOOK ਤੇ LIKE ਅਤੇ TWITTER ਤੇ FOLLOW ਕਰੋ