ਫੇਸਬੁੱਕ ਨੇ ਭਾਰਤੀ ਯੂਜ਼ਰਸ ਲਈ ਇੱਕ ਨਵਾਂ ਸੇਫਟੀ ਫ਼ੀਚਰ ਲਾਂਚ ਕੀਤਾ ਹੈ। ਇਸਦੇ ਤਹਿਤ, ਫੇਸਬੁੱਕ ਯੂਜ਼ਰਸ ਆਪਣੀ ਪ੍ਰੋਫਾਈਲ ਨੂੰ ਲਾਕ ਕਰ ਸਕਦੇ ਹਨ। ਫੇਸਬੁੱਕ ਨੇ ਕਿਹਾ ਹੈ ਕਿ ਇਹ ਵਿਸ਼ੇਸ਼ਤਾ ਭਾਰਤੀ ਲੋਕਾਂ ਅਤੇ ਖ਼ਾਸਕਰ ਉਨ੍ਹਾਂ ਔਰਤਾਂ ਲਈ ਹੈ ਜੋ ਫੇਸਬੁੱਕ ਐਕਸਪੀਰੀਅੰਸ ਉੱਤੇ ਵਧੇਰੇ ਕੰਟਰੋਲ ਚਾਹੁੰਦੀਆਂ ਹਨ।
ਫੇਸਬੁੱਕ ਇੰਡੀਆ ਪਬਲਿਕ ਪਾਲਿਸੀ ਡਾਇਰੈਕਟਰ ਨੇ ਕਿਹਾ ਹੈ, ‘ਅਸੀਂ ਲੋਕਾਂ ਨੂੰ ਆਪਣੇ ਵਿਚਾਰ ਪ੍ਰਗਟ ਕਰਨ ਲਈ ਸੁਰੱਖਿਅਤ ਪਲੇਟਫਾਰਮ ਮੁਹੱਈਆ ਕਰਾਉਣ ਲਈ ਵਚਨਬੱਧ ਹਾਂ। ਅਸੀਂ ਭਾਰਤ ਦੇ ਲੋਕਾਂ ਦੀਆਂ ਚਿੰਤਾਵਾਂ ਤੋਂ ਜਾਣੂ ਹਾਂ, ਖ਼ਾਸਕਰ ਔਰਤਾਂ ਦੀ ਜੋ ਕਿ ਪ੍ਰੋਫਾਈਲ ਪ੍ਰੋਟੈਕਟ ਕਰਨ ਨੂੰ ਲੈਕੇ ਹੈ। ਇਸ ਲਈ ਅੱਜ ਅਸੀਂ ਇਕ ਵਿਸ਼ੇਸ਼ਤਾ ਦੀ ਘੋਸ਼ਣਾ ਕਰ ਰਹੇ ਹਾਂ ਜੋ ਲੋਕਾਂ ਨੂੰ ਉਨ੍ਹਾਂ ਦੀ ਨਿੱਜਤਾ ਨੂੰ ਯਕੀਨੀ ਬਣਾਉਣ ਅਤੇ ਔਨਲਾਈਨ ਸੇਫ ਅਤੇ ਸੁਰੱਖਿਅਤ ਰਹਿਣ ਵਿਚ ਸਹਾਇਤਾ ਕਰੇਗੀ’।
ਪ੍ਰੋਫਾਈਲ ਲੌਕ ਫ਼ੀਚਰ ਦਾ ਕੀ ਲਾਭ ਹੋਵੇਗਾ?
ਫੇਸਬੁੱਕ ਨੇ ਕਿਹਾ ਹੈ ਕਿ ਪ੍ਰੋਫਾਈਲ ਨੂੰ ਲਾਕ ਕਰਕੇ ਬਹੁਤ ਸਾਰੀਆਂ ਮੌਜੂਦਾ ਪ੍ਰਾਈਵੇਸੀ ਸੈਟਿੰਗਜ਼ ਅਪਲਾਈ ਹੋ ਜਾਂਦੀਆਂ ਹਨ ਅਤੇ ਪ੍ਰੋਫਾਈਲ ਵਿੱਚ ਕੁਝ ਨਵੇਂ ਫ਼ੀਚਰ ਵੀ ਪ੍ਰੋਫਾਈਲ ਵਿੱਚ ਸ਼ਾਮਲ ਕੀਤੀਆਂ ਜਾਂਦੀਆਂ ਹਨ।
ਇਹ ਵੀ ਪੜ੍ਹੋ : INSTAGRAM ਵਿੱਚ ਆਏ ਨਵੇਂ ਫੀਚਰ, YOUTUBE ਵਰਗਾ ਇਕ ਖ਼ਾਸ ਫੀਚਰ ਵੀ ਆਇਆ
ਫੇਸਬੁੱਕ ਪ੍ਰੋਫਾਈਲ ਨੂੰ ਲਾਕ ਕਰਨ ਨਾਲ, ਉਹ ਜਿਹੜੇ ਤੁਹਾਡੀ ਫਰੈਂਡ ਲਿਸਟ ਵਿੱਚ ਨਹੀਂ ਹਨ ਉਹ ਯੂਜ਼ਰਸ ਦੀ ਪ੍ਰੋਫਾਈਲ ਫੋਟੋ ਨੂੰ ਜ਼ੂਮ ਨਹੀਂ ਕਰ ਸਕਣਗੇ, ਇਸ ਨੂੰ ਸਾਂਝਾ ਨਹੀਂ ਕਰ ਸਕਣਗੇ ਅਤੇ ਨਾ ਹੀ ਉਹ ਫੁਲ ਸਾਈਜ਼ ਕਵਰ ਜਾਂ ਪ੍ਰੋਫਾਈਲ ਫੋਟੋ ਨੂੰ ਡਾਊਨਲੋਡ ਕਰਨ ਦੇ ਯੋਗ ਹੋਣਗੇ।
ਇਸ ਤੋਂ ਇਲਾਵਾ ਜਿਹੜੇ ਫੇਸਬੁੱਕ ਫਰੈਂਡ ਨਹੀਂ ਹਨ, ਉਹ ਟਾਈਮਲਾਈਨ ‘ਤੇ ਕਿਸੇ ਵੀ ਕਿਸਮ ਦੀ ਨਵੀਂ ਜਾਂ ਪੁਰਾਣੀ ਦੀ ਕੋਈ ਫੋਟੋ ਅਤੇ ਪੋਸਟ ਨਹੀਂ ਵੇਖ ਸਕਣਗੇ। ਪ੍ਰੋਫਾਈਲ ਨੂੰ ਲੋਕ ਕਰੇ ਜਾਣ ਤੇ ਯੂਜ਼ਰਸ ਦੇ ਪ੍ਰੋਫਾਈਲ ਪੇਜ ਤੇ ਇੱਕ ਇੰਡੀਕੇਟਰ ਦਿਖਾਇਆ ਜਾਵੇਗਾ ਜਿਸ ਨਾਲ ਇਹ ਪਤਾ ਚਲੇਗਾ ਕਿ ਇਹ ਪ੍ਰੋਫਾਈਲ ਲੌਕ ਹੈ।
ਫੇਸਬੁੱਕ ਐਪ ਵਿਚ ਆਪਣੀ ਪ੍ਰੋਫਾਈਲ ‘ਤੇ ਜਾਓ, ਨਾਮ ਦੇ ਕੋਲ ਤਿੰਨ ਬਿੰਦੀਆਂ ਹੋਣਗੀਆਂ ਉਥੇ ਟੈਪ ਕਰਨ ਹੈ। ਪ੍ਰੋਫਾਈਲ ਸੈਟਿੰਗਜ਼ ਦੀ ਲਿਸਟ ਵਿੱਚ Lock Profile ਦਾ ਵਿਕਲਪ ਦਿਖਾਈ ਦੇਵੇਗਾ। ਲਾਕ ਪ੍ਰੋਫਾਈਲ ਤੇ ਟੈਪ ਕਰੋ ਅਤੇ ਕਨਫਰਮ ਕਰੋ।
