ਸਰਚ ਇੰਜਨ ਗੂਗਲ (Google) ਦੀ ਈਮੇਲ ਸਰਵਿਸ ਜੀਮੇਲ(Gmail) ਸਮੇਤ ਕਈ ਹੋਰ ਸੇਵਾਵਾਂ ਮੰਗਲਵਾਰ ਨੂੰ ਖ਼ਰਾਬ ਹੋਣ ਦੀ ਖ਼ਬਰ ਮਿਲੀ ਹੈ। ਇਸ ਵੇਲੇ ਜੀਮੇਲ ਦੇ ਬਹੁਤ ਸਾਰੇ ਯੂਜਰ ਸੋਸ਼ਲ ਮੀਡੀਆ ‘ਤੇ ਇਸ ਬਾਰੇ ਸ਼ਿਕਾਇਤ ਕਰ ਰਹੇ ਹਨ। ਕੁਝ ਉਪਭੋਗਤਾਵਾਂ ਦੇ ਸਮਾਰਟਫੋਨ ਵਿੱਚ ਜੀਮੇਲ ਐਪ ਤੋਂ ਇਲਾਵਾ ਗੂਗਲ ਪਿਕਸਲ ( Google Pixel ) ਅਤੇ ਐਮਾਜ਼ਾਨ (Amazon ) ਵਰਗੇ ਕੁਝ ਹੋਰ ਐਪਸ ਵੀ ਕ੍ਰੈਸ਼ ਹੋ ਰਹੇ ਹਨ। ਜੇਕਰ ਤੁਸੀਂ Android ਸਮਾਰਟਫੋਨ ਵਰਤਦੇ ਹੋ ਅਤੇ ਐਪ ਕ੍ਰੈਸ਼ ਹੋ ਰਹੇ ਹਨ ਤਾਂ ਇਸ ਲਈ ਤੁਸੀਂ ਇਕੱਲੇ ਨਹੀਂ ਹੋ।
ਮਹੱਤਵਪੂਰਣ ਗੱਲ ਇਹ ਹੈ ਕਿ Android ਐਪ ਕ੍ਰੈਸ਼ ਹੋਣ ਦਾ ਕਾਰਨ ਐਂਡਰਾਇਡ ਸਿਸਟਮ ਵੈੱਬਵਿਊ (Android System WebView ) ਹੈ। ਦਰਅਸਲ ‘ਚ ਇਸ ਸਿਸਟਮ ਦੇ ਕਾਰਨ ਤੁਸੀਂ ਐਂਡਰਾਇਡ ਐਪਸ ਤੇ ਵੈਬ ਸਮੱਗਰੀ ਦੇਖ ਸਕਦੇ ਹੋ। ਇਸ ਵਿੱਚ ਕੁਝ ਸਮੱਸਿਆ ਆ ਗਈ ਹੈ ਅਤੇ ਐਪਸ ਕਰੈਸ਼ ਹੋ ਰਹੇ ਹਨ।
ਇਸ ਬਿਆਨ ਵਿੱਚ ਕੰਪਨੀ ਨੇ ਕਿਹਾ ਹੈ ਕਿ ਕੁਝ ਉਪਭੋਗਤਾਵਾਂ (ਯੂਜਰ ) ਲਈ ਐਪਸ ਕਰੈਸ਼ ਹੋ ਰਹੇ ਹਨ ਅਤੇ ਇਹ ਵੈੱਬਵਿਊ ( WebView ) ਦੇ ਕਾਰਨ ਹੋ ਰਿਹਾ ਹੈ। ਕੰਪਨੀ ਇਸ ਨੂੰ ਠੀਕ ਕਰ ਰਹੀ ਹੈ। ਐਂਡਰਾਇਡ ਉਪਭੋਗਤਾ ਸੋਸ਼ਲ ਮੀਡੀਆ ‘ਤੇ ਲਗਾਤਾਰ ਇਸ ਸਮੱਸਿਆ ਦੀ ਰਿਪੋਰਟ ਕਰ ਰਹੇ ਹਨ। ਲੋਕ ਸੋਸ਼ਲ ਮੀਡੀਆ ‘ਤੇ ਵੀ ਇਸ ਸਮੱਸਿਆ ਦਾ ਹੱਲ ਦੱਸ ਰਹੇ ਹਨ। ਐਪ ਕਰੈਸ਼ ਹੋਣ ਬਾਰੇ ਸੈਮਸੰਗ ਸਪੋਰਟ (ਯੂਐਸ) ਦੇ ਟਵਿੱਟਰ ਹੈਂਡਲ ‘ਤੇ ਵੀ ਟਵੀਟ ਕੀਤਾ ਗਿਆ ਹੈ।
ਇੱਥੇ WebViewਦੇ ਅਪਡੇਟ ਨੂੰ ਹਟਾਉਣ ਅਤੇ ਫੋਨ ਨੂੰ ਰੀਸਟਾਰਟ ਕਰਨ ਲਈ ਕਿਹਾ ਜਾਂਦਾ ਹੈ। ਇਸ ਪ੍ਰੇਸ਼ਾਨੀ ਨੂੰ ਅਜਿਹਾ ਕਰਨ ਨਾਲ ਹੱਲ ਕੀਤਾ ਜਾ ਸਕਦਾ ਹੈ। ਸੈਮਸੰਗ ਦੇ ਅਨੁਸਾਰ ਸਭ ਤੋਂ ਪਹਿਲਾਂ ਸੈਟਿੰਗ ਵਿੱਚ ਜਾਣਾ ਹੈ। ਇਸਦੇ ਬਾਅਦ ਐਪ ਵਿੱਚ ਜਾਓ ਅਤੇ ਤਿੰਨ ਬਿੰਦੀਆਂ ਦੇ ਆਈਕਨ ਨੂੰ ਟੈਪ ਕਰੋ। ਇੱਥੇ Show system apps ਵਿੱਚ ਜਾ ਕੇ ਐਂਡਰਾਇਡ ਸਿਸਟਮ ਵੈੱਬਵਿਊ (Android System WebView ) ਨੂੰ ਸਰਚ ਕਰਨਾ ਹੈ ਅਤੇ Unistall Updates ‘ਤੇ ਕਲਿੱਕ ਕਰਨਾ ਹੈ।
ਹਾਲਾਂਕਿ, ਇਸਦੇ ਬਾਵਜੂਦ ਕੁਝ ਲੋਕਾਂ ਦੀ ਸਮੱਸਿਆ ਬਣੀ ਹੋਈ ਹੈ। ਗੂਗਲ ਜਲਦੀ ਹੀ ਇਸ ਸੰਬੰਧੀ ਅਪਡੇਟ ਜਾਰੀ ਕਰੇਗੀ, ਜਿਸ ਤੋਂ ਬਾਅਦ ਇਹ ਸਮੱਸਿਆ ਪੂਰੀ ਤਰ੍ਹਾਂ ਠੀਕ ਹੋ ਜਾਵੇਗੀ। ਇਕ ਜੀਮੇਲ ਨੇ ਕਿਹਾ ਕਿ ਜੀਮੇਲ ਐਪ ਖੋਲ੍ਹਣ’ ਤੇ ਇਹ ਕ੍ਰੈਸ਼ ਹੋ ਜਾਂਦਾ ਹੈ ਅਤੇ ਤੁਰੰਤ ਬੰਦ ਹੋ ਜਾਂਦਾ ਹੈ। ਫੋਨ ਬੰਦ ਕਰਕੇ ਮੁੜ ਚਾਲੂ ਕਰਨ ਤੋਂ ਬਾਅਦ ਵੀ ਸਮੱਸਿਆ ਦੂਰ ਨਹੀਂ ਹੋਈ। ਅਜੇ ਤੱਕ ਇਹ ਸਮੱਸਿਆ ਕੰਪਨੀ ਦੁਆਰਾ ਹੱਲ ਨਹੀਂ ਕੀਤੀ ਗਈ।
