ਸ਼ਾਰਦੁਲ ਠਾਕੁਰ ਨੇ ਅਰਧ ਸੈਂਕੜੇ ਨਾਲ ਭਾਰਤੀ ਟੀਮ ਵਿੱਚ ਵਾਪਸੀ ਕੀਤੀ ਜਿਸ ਨਾਲ ਵੀਰਵਾਰ ਨੂੰ ਇੰਗਲੈਂਡ ਦੇ ਖਿਲਾਫ ਚੌਥੇ ਟੈਸਟ ਦੇ ਪਹਿਲੇ ਦਿਨ ਮਹਿਮਾਨਾਂ ਦੀ ਵਾਪਸੀ ਹੋਈ । ਸ਼ਾਰਦੁਲ ਨੇ ਸਿਰਫ 31 ਗੇਂਦਾਂ ਵਿੱਚ ਇੱਕ ਅਰਧ ਸੈਂਕੜੇ ਸਮੇਤ 57 ਦੌੜਾਂ ਬਣਾਈਆਂ ਉਸਨੇ ਭਾਰਤ ਨੂੰ 117/6 ਤੋਂ 191 ਦੇ ਕੁੱਲ ਸਕੋਰ ‘ਤੇ ਪਹੁੰਚਾਇਆ।
ਇੰਗਲੈਂਡ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਚੁਣੀ ਅਤੇ ਉਸ ਦਾ ਇਹ ਨਿਰਣਾ ਸਹੀ ਸਾਬਿਤ ਹੋਇਆ। ਇੰਗਲੈਂਡ ਦੇ ਹਰਫਨਮੌਲਾ ਕ੍ਰਿਸ ਵੋਕਸ, ਸੱਟਾਂ ਅਤੇ ਕੋਵਿਡ ਦੀਆਂ ਸਮੱਸਿਆਵਾਂ ਕਾਰਨ ਇੱਕ ਸਾਲ ਵਿੱਚ ਆਪਣਾ ਪਹਿਲਾ ਟੈਸਟ ਖੇਡ ਰਹੇ ਸਨ, ਨੇ 15 ਓਵਰਾਂ ਵਿੱਚ 55 ਦੌੜਾਂ ਦੇ 4 ਵਿਕਟਾਂ ਲਈ।
ਜਸਪ੍ਰੀਤ ਬੁਮਰਾਹ ਨੇ ਮੇਜ਼ਬਾਨ ਟੀਮ ਦੇ ਦੋਵੇਂ ਸਲਾਮੀ ਬੱਲੇਬਾਜ਼ਾਂ ਨੂੰ ਇੱਕੋ ਓਵਰ ਵਿੱਚ ਆਉਟ ਕਰ ਦਿੱਤਾ, ਇਸ ਤੋਂ ਬਾਅਦ ਉਮੇਸ਼ ਯਾਦਵ ਨੇ ਇੰਗਲੈਂਡ ਦੇ ਕਪਤਾਨ ਜੋ ਰੂਟ ਦੀ ਵਿਕਟ 21 ਦੇ ਸਕੋਰ ‘ਤੇ ਲੈ ਲਈ, ਜੋ ਰੂਟ, ਜੋ ਹੁਣ ਵਿਸ਼ਵ ਰੈਂਕਿੰਗ ਵਿੱਚ ਚੋਟੀ’ ਤੇ ਹੈ, ਨੇ ਪਹਿਲੇ ਤਿੰਨ ਟੈਸਟਾਂ ਵਿੱਚ ਸੈਂਕੜੇ ਬਣਾਏ ਸਨ।
ਸਟੰਪ ਦੇ ਸਮੇਂ, ਇੰਗਲੈਂਡ 53/3 ਸੀ , ਡੇਵਿਡ ਮਲਾਨ 26 ਦੌੜਾਂ ਬਣਾ ਕੇ ਅਤੇ ਨਾਈਟ ਵਾਚਮੈਨ ਕ੍ਰੈਗ ਓਵਰਟਨ 1 ਉੱਤੇ ਖੇਡ ਰਹੇ ਸਨ।
ਭਾਰਤ ਦੀ ਸ਼ੁਰੂਆਤ ਬਹੁਤ ਖਰਾਬ ਰਹੀ ਭਾਰਤ ਨੇ ਆਪਣੇ ਦੋਵੇਂ ਓਪਨਰ 28 ਰਨਾਂ ਤੇ ਗਵਾ ਦਿੱਤੇ। ਕੋਹਲੀ ਤੋਂ ਬਿਨਾ ਕੋਈ ਵੀ ਖਿਡਾਰੀ ਲੰਮਾ ਸਮਾਂ ਨਹੀਂ ਖੜ ਸਕਿਆ । ਕੋਹਲੀ ਨੇ 50 ਰਨ ਬਣਾਏ ਅਤੇ ਰੋਬੋਨਸਨ ਦੀ ਗੇਂਦ ਤੇ ਵਿਕਟ ਦੇ ਪਿੱਛੇ ਕੈਚ ਦੇ ਬੈਠੇ।
