ਪੈਰਾ ਓਲਿੰਪਿਕ 2021 ਵਿਚ ਭਾਰਤ ਲਈ ਇੱਕ ਸੁਨਹਿਰੇ ਯੁੱਗ ਦੀ ਸ਼ੁਰੂਆਤ ਹੋਈ । ਭਾਰਤ ਨੇ 5 ਸੋਨੇ ਦੇ ਤਮਗਿਆਂ ਨਾਲ ਕੁੱਲ 19 ਤਮਗੇ ਜਿੱਤੇ ਜੋ ਹੁਣ ਤੱਕ ਦੀ ਓਲਿੰਪਿਕ ਖੇਡਾਂ ਵਿੱਚ ਭਾਰਤ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਹੈ । 19 ਤਮਗਿਆਂ ਨਾਲ ਭਾਰਤ 24ਵੇਂ ਸਥਾਨ ਤੇ ਰਿਹਾ । ਇਸ ਸੂਚੀ ਵਿੱਚ ਅੱਠ ਚਾਂਦੀ ਅਤੇ ਛੇ ਕਾਂਸੀ ਦੇ ਤਗਮੇ ਵੀ ਸ਼ਾਮਲ ਸਨ।
ਰੀਓ ਡੀ ਜਨੇਰੀਓ ਵਿੱਚ 2016 ਦੀਆਂ ਖੇਡਾਂ ਵਿੱਚ ਭਾਰਤ ਚਾਰ ਤਗਮੇ ਜਿੱਤਿਆ ਸੀ ।
ਭਾਰਤ ਨੇ ਖੇਡਾਂ ਦਾ ਆਪਣਾ ਪਹਿਲਾ ਤਮਗਾ ਭਾਵਿਨਾਬੇਨ ਪਟੇਲ ਦੇ ਜ਼ਰੀਏ ਜਿੱਤਿਆ, ਜਿਸਨੇ ਟੇਬਲ ਟੈਨਿਸ ਮਹਿਲਾ ਸਿੰਗਲਸ (ਕਲਾਸ 4) ਵਿੱਚ ਚਾਂਦੀ ਦਾ ਤਮਗਾ ਜਿੱਤਿਆ, ਜਦੋਂ ਕਿ ਕ੍ਰਿਸ਼ਨਾ ਨਗਰ ਨੇ ਬੈਡਮਿੰਟਨ ਪੁਰਸ਼ ਸਿੰਗਲਜ਼ (ਐਸਐਚ 6) ਵਿੱਚ ਸੋਨ ਤਮਗਾ ਜਿੱਤ ਕੇ ਭਾਰਤ ਅੰਤਿਮ ਦਿਨ ਵਧੀਆ ਅੰਦਾਜ਼ ਵਿੱਚ ਸਮਾਪਤ ਕੀਤਾ।
ਭਾਰਤੀ ਨਿਸ਼ਾਨੇਬਾਜ਼ਾਂ ਨੇ ਦੋ ਸੋਨ ਤਗਮੇ ਅਤੇ ਕੁੱਲ ਪੰਜ ਤਮਗੇ ਆਪਣੇ ਨਾਂ ਕੀਤੇ। ਅਵਨੀ ਲੇਖੜਾ ਅਤੇ ਸਿੰਘਰਾਜ ਅਡਾਨਾ ਨੇ ਦੋ -ਦੋ ਮੈਡਲ ਜਿੱਤੇ।
ਅਥਲੈਟਿਕਸ ਵਿੱਚ ਵੀ ਭਾਰਤ ਚਮਕਿਆ, ਉੱਚੀ ਛਾਲ ਵਿੱਚ ਚਾਰ ਤਮਗੇ, ਜੈਵਲਿਨ ਥ੍ਰੋ ਵਿੱਚ ਤਿੰਨ ਅਤੇ ਡਿਸਕਸ ਥ੍ਰੋ ਵਿੱਚ ਇੱਕ ਮੈਡਲ ਜਿੱਤਿਆ ।
ਪ੍ਰਮੋਦ ਭਗਤ ਅਤੇ ਕ੍ਰਿਸ਼ਨਾ ਨਗਰ ਦੋਵਾਂ ਨੇ ਸੋਨੇ ਦਾ ਤਗਮਾ ਜਿੱਤਿਆ ਭਾਰਤੀ ਸ਼ਟਲਰਾਂ ਨੇ ਕੁੱਲ ਮਿਲਾ ਕੇ ਚਾਰ ਤਮਗੇ ਜਿੱਤੇ।
