ਖੇਡ

KKR ਨੇ ਰਾਇਲ ਚੈਲੰਜਰ ਬੰਗਲੌਰ ਦਾ IPL ਜਿੱਤਣ ਦਾ ਸੁਪਨਾ ਤੋੜਿਆ

ਕੋਲਕਾਤਾ ਨਾਈਟ ਰਾਈਡਰਜ਼ (KKR) ਨੇ ਵਿਰਾਟ ਕੋਹਲੀ ਦੀ ਰਾਇਲ ਚੈਲੰਜਰਜ਼ ਬੰਗਲੌਰ ਦੀਆਂ ਉਮੀਦਾਂ ਨੂੰ ਝਟਕਾ ਦਿੱਤਾ ਕਿਉਂਕਿ ਉਨ੍ਹਾਂ ਨੇ ਸੋਮਵਾਰ ਨੂੰ ਸ਼ਾਰਜਾਹ ਵਿੱਚ ਇੰਡੀਅਨ ਪ੍ਰੀਮੀਅਰ ਲੀਗ (IPL) 2021 ਏਲੀਮੀਨੇਟਰ ਵਿੱਚ ਰਾਇਲ ਚੈਲੰਜਰਜ਼ ਬੰਗਲੌਰ ਨੂੰ ਚਾਰ ਵਿਕਟਾਂ ਨਾਲ ਹਰਾ ਦਿੱਤਾ। ਸੁਨੀਲ ਨਾਰਾਇਣ ਨੇ 21 ਦੌੜਾਂ ਦੇ ਕੇ ਚਾਰ ਵਿਕਟਾਂ ਲਈਆਂ ਅਤੇ ਫਿਰ ਬੱਲੇ ਨਾਲ ਵੀ ਚਮਕਿਆ, ਡੈਨੀਅਲ ਕ੍ਰਿਸਟੀਅਨ ਦੇ ਇੱਕ ਓਵਰ ਵਿੱਚ ਤਿੰਨ ਛੱਕੇ ਮਾਰ ਕੇ ਕੇਕੇਆਰ ਨੂੰ ਮੈਚ ਜਿੱਤਣ ਵਿੱਚ ਸਹਾਇਤਾ ਕੀਤੀ। ਆਰਸੀਬੀ ਨੂੰ 138/7 ਤੱਕ ਸੀਮਤ ਕਰਨ ਤੋਂ ਬਾਅਦ, ਕੇਕੇਆਰ ਨੇ ਕੁਆਲੀਫਾਇਰ 2 ਵਿੱਚ ਪਹੁੰਚਣ ਲਈ 139 ਦੌੜਾਂ ਦੇ ਟੀਚੇ ਦਾ ਪਿੱਛਾ 4 ਵਿਕਟ ਰਹਿੰਦੇ ਪੂਰਾ ਕੀਤਾ ਹੁਣ ਉਹ ਫਾਈਨਲ ਵਿੱਚ ਜਗ੍ਹਾ ਬਣਾਉਣ ਲਈ ਦਿੱਲੀ ਕੈਪੀਟਲਜ਼ ਨਾਲ ਭਿੜੇਗਾ।

ਨਾਰਾਇਣ ਨੇ ਆਪਣੇ ਚਾਰ ਓਵਰਾਂ ਦੇ ਸਪੈਲ ਦੇ ਦੌਰਾਨ, ਆਰਸੀਬੀ ਦੇ ਮੱਧ-ਕ੍ਰਮ ਨੂੰ ਆਊਟ ਕੀਤਾ ਵੈਸਟਇੰਡੀਜ਼ ਦੇ ਸਪਿਨਰ ਨੇ ਕੇਐਸ ਭਰਤ, ਵਿਰਾਟ ਕੋਹਲੀ, ਏਬੀ ਡਿਵਿਲੀਅਰਸ ਅਤੇ ਗਲੇਨ ਮੈਕਸਵੈਲ ਦੀਆਂ ਮੁੱਖ ਵਿਕਟਾਂ ਲੈ ਕੇ ਆਰਸੀਬੀ ਦੀ ਬੱਲੇਬਾਜ਼ੀ ਦੀ ਕਮਰ ਤੋੜ ਦਿੱਤੀ।

ਮੌਰਗਨ ਦੇ ਟਾਸ ਹਾਰਨ ਤੋਂ ਬਾਅਦ ਨਾਰਾਇਨ ਤੋਂ ਇਲਾਵਾ, ਲੌਕੀ ਫਰੈਗੂਸਨ ਨੇ ਕੇਕੇਆਰ ਲਈ ਦੋ ਵਿਕਟਾਂ ਲਈਆਂ ਸਨ।

ਜਿੱਤ ਲਈ 139 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਕੇਕੇਆਰ ਦੇ ਸਲਾਮੀ ਬੱਲੇਬਾਜ਼ਾਂ ਸ਼ੁਬਮਨ ਗਿੱਲ ਅਤੇ ਵੈਂਕਟੇਸ਼ ਅਈਅਰ ਨੇ ਠੋਸ ਸ਼ੁਰੂਆਤ ਕੀਤੀ ਦੋਵਾਂ ਨੇ ਪਹਿਲੇ ਪੰਜ ਓਵਰਾਂ ਵਿੱਚ 41 ਦੌੜਾਂ ਜੋੜੀਆਂ।

ਪਰਪਲ ਕੈਪ ਹੋਲਡਰ ਹਰਸ਼ਲ ਪਟੇਲ ਨੇ ਆਰਸੀਬੀ ਲਈ ਸਫਲਤਾ ਪ੍ਰਦਾਨ ਕੀਤੀ ਕਿਉਂਕਿ ਉਸਨੇ ਗਿੱਲ ਨੂੰ 29 ਦੌੜਾਂ ‘ਤੇ ਵਾਪਸ ਭੇਜਿਆ। ਯੁਜਵੇਂਦਰ ਚਾਹਲ ਨੇ ਰਾਹੁਲ ਤ੍ਰਿਪਾਠੀ ਨੂੰ ਛੇ ਦੌੜਾਂ ਤੇ ਆਊਟ ਕੀਤਾ , ਇਸ ਤੋਂ ਪਹਿਲਾਂ ਹਰਸ਼ਲ ਨੇ ਅਈਅਰ ਨੂੰ ਵਾਪਿਸ ਭੇਜਿਆ।

ਅਈਅਰ ਦੀ ਵਿਕਟ ਦੇ ਨਾਲ, ਹਰਸ਼ਾਲ ਨੇ ਆਈਪੀਐਲ ਦੇ ਇੱਕ ਸੀਜ਼ਨ ਵਿੱਚ ਸਭ ਤੋਂ ਜ਼ਿਆਦਾ ਵਿਕਟਾਂ ਲੈਣ ਦੇ ਡਵੇਨ ਬ੍ਰਾਵੋ ਦੇ 32 ਵਿਕਟਾਂ ਦੇ ਰਿਕਾਰਡ ਦੀ ਬਰਾਬਰੀ ਕੀਤੀ।

ਕੇਕੇਆਰ ਨੇ ਦਿਨੇਸ਼ ਕਾਰਤਿਕ ਤੋਂ ਪਹਿਲਾਂ ਨਰਾਇਣ ਨੂੰ ਭੇਜਣ ਦਾ ਫੈਸਲਾ ਕੀਤਾ ਅਤੇ ਇਹ ਫੈਸਲਾ ਉਹਨਾਂ ਲਈ ਸਹੀ ਸਾਬਿਤ ਹੋਇਆ ਨਰਾਇਣ ਨੇ ਤੇਜੀ ਨਾਲ ਰਨ ਬਣਾਉਂਦੇ ਹੋਏ ਇੱਕ ਓਵਰ ਵਿੱਚ 3 ਛੱਕੇ ਲਗਾ ਕੇ KKR ਦੀ ਨੀਂਹ ਪੁਖ਼ਤਾ ਕੀਤੀ । KKR ਨੇ ਆਖਰਕਾਰ ਦੋ ਗੇਂਦਾਂ ਬਾਕੀ ਰਹਿੰਦਿਆਂ ਟੀਚੇ ਦਾ ਪਿੱਛਾ ਕੀਤਾ ਅਤੇ ਦੂਜੇ ਕੁਆਲੀਫਾਇਰ ਵਿੱਚ ਜਗ੍ਹਾ ਪੱਕੀ ਕਰ ਲਈ।

ਕੁਆਲੀਫਾਇਰ 2 ਮੈਚ 13 ਅਕਤੂਬਰ ਨੂੰ ਸ਼ਾਰਜਾਹ ਕ੍ਰਿਕਟ ਮੈਦਾਨ ‘ਤੇ ਖੇਡਿਆ ਜਾਵੇਗਾ।