ਲਾਰਡਸ ਵਿਖੇ ਦੂਜੇ ਟੈਸਟ ਦੇ ਚੌਥੇ ਦਿਨ ਇੰਗਲੈਂਡ ਦੇ ਮਾਰਕ ਵੁਡ ਨੇ ਚੇਤੇਸ਼ਵਰ ਪੁਜਾਰਾ ਨੂੰ 45 ਦੌੜਾਂ ‘ਤੇ ਆਊਟ ਕਰ ਦਿੱਤਾ ਜਦੋਂ ਰਹਾਣੇ ਅਤੇ ਪੁਜਾਰਾ ਦੋਵਾਂ ਨੇ ਚੌਥੀ ਵਿਕਟ ਲਈ 100 ਅਹਿਮ ਦੌੜਾਂ ਜੋੜੀਆਂ ਅਤੇ ਤਿੰਨ ਸ਼ੁਰੂਆਤੀ ਵਿਕਟਾਂ ਦੇ ਬਾਅਦ ਭਾਰਤ ਨੂੰ ਸਥਿਰ ਕੀਤਾ।
ਦਿਨ ਦੀ ਖੇਡ ਖਤਮ ਹੋਣ ‘ਤੇ ਭਾਰਤ ਦੀ ਟੀਮ 82 ਓਵਰਾਂ ਦੇ ਬਾਅਦ 151 ਦੌੜਾਂ ਦੀ ਲੀਡ ਨਾਲ 181/6 ਦੇ ਸਕੋਰ’ ਤੇ ਸੀ। ਇਸ ਤੋਂ ਪਹਿਲਾਂ, ਇੰਗਲੈਂਡ ਦੀ ਸ਼ਾਨਦਾਰ ਸ਼ੁਰੂਆਤ ਹੋਈ ਜਦੋਂ ਵੁਡ ਨੇ ਸਲਾਮੀ ਬੱਲੇਬਾਜ਼ਾਂ ਕੇਐਲ ਰਾਹੁਲ ਅਤੇ ਰੋਹਿਤ ਸ਼ਰਮਾ ਨੂੰ ਆਊਟ ਕੀਤਾ।
ਵੁਡ ਨੇ ਰਾਹੁਲ ਨੂੰ 5 ਦੋੜਾਂ ਤੇ ਜਦੋਂ ਕਿ ਰੋਹਿਤ ਨੂੰ ਵੁਡ ਦੀ ਗੇਂਦ ‘ਤੇ ਮੋਈਨ ਅਲੀ ਨੇ ਕੈਚ ਕੀਤਾ, ਜਿਸ ਨੇ ਸਵੇਰ ਦੀ ਦੂਜੀ ਵਿਕਟ ਹਾਸਲ ਕੀਤੀ। ਓਵਰ ਵਿੱਚ ਪਹਿਲਾਂ ਛੱਕਾ ਮਾਰਨ ਵਾਲੇ ਰੋਹਿਤ ਨੇ ਆਪਣੇ ਸ਼ਾਟ ਨੂੰ ਦੁਹਰਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਆਉਟ ਹੋ ਗਏ ਉਸ ਨੇ 36 ਗੇਂਦਾਂ ਵਿੱਚ 21 ਦੌੜਾਂ ਬਣਾਈਆਂ।
ਸੈਮ ਕੁਰਾਨ ਨੂੰ ਲੰਚ ਤੋਂ ਠੀਕ ਪਹਿਲਾਂ ਵਿਰਾਟ ਕੋਹਲੀ ਦੀ ਸਭ ਤੋਂ ਮਹੱਤਵਪੂਰਨ ਸਫਲਤਾ ਮਿਲੀ। ਕੋਹਲੀ ਨੇ 20 ਦੋੜਾਂ ਦਾ ਯੋਗਦਾਨ ਦਿੱਤਾ ਚੌਥੇ ਦਿਨ ਦੇ ਅੰਤ ਤਕ ਭਾਰਤ ਨੇ ਤਿੰਨ ਵਿਕਟਾਂ ਹੋਰ ਗਵਾ ਦਿੱਤੀਆਂ । ਪੁਜਾਰਾ ਅਤੇ ਰਹਾਣੇ ਨੇ ਕੁਝ ਦੇਰ ਪਾਰੀ ਨੂੰ ਸੰਭਾਲਿਆ ਪਰ ਅੰਤ ਵਿਚ ਉਹ ਵੀ ਕ੍ਰਮਵਾਰ 45 ਅਤੇ 61 ਤੇ ਆਉਟ ਹੋ ਗਏ। ਚੌਥੇ ਦਿਨ ਦੇ ਅੰਤ ਤੱਕ ਭਾਰਤ ਦਾ ਸਕੋਰ 181 ਤੇ 6 ਆਉਟ ਸੀ।
