ਲੌਕਡਾਉਨ ਕਾਰਨ ਫਿਲਮ ਅਤੇ ਟੀਵੀ ਇੰਡਸਟਰੀ ਦਾ ਕੰਮ ਠੱਪ ਹੋ ਗਿਆ ਹੈ, ਸ਼ੂਟਿੰਗ ਨਹੀਂ ਹੋ ਰਹੀ ਹੈ। ਇਸ ਦੇ ਨਾਲ ਹੀ ਸਲਮਾਨ ਖਾਨ ਨੇ ਘਰ ‘ਤੇ ਬੋਰ ਹੋਏ ਪ੍ਰਸ਼ੰਸਕਾਂ ਨੂੰ ਇਕ ਵਧੀਆ ਤੋਹਫਾ ਦਿੱਤਾ ਹੈ। ਸਲਮਾਨ ਖਾਨ ਨੇ ਰੋਮਾਂਟਿਕ ਟਰੈਕ ਤੇਰੇ ਬੀਨਾ ਨੂੰ ਲੌਕਡਾਉਨ ਦੇ ਵਿਚ ਰਿਲੀਜ਼ ਕੀਤਾ ਹੈ। ਇਹ ਸਾਰਿਆਂ ਦੇ ਮਨਪਸੰਦ ਭਾਈਜਾਨ ਦੁਆਰਾ ਗਾਇਆ ਗਿਆ ਹੈ। ਗਾਣੇ ਵਿੱਚ ਸਲਮਾਨ ਖਾਨ ਦੇ ਨਾਲ ਜੈਕਲੀਨ ਫਰਨਾਂਡਿਸ ਨਜ਼ਰ ਆ ਰਹੀ ਹੈ।
ਸਲਮਾਨ ਖਾਨ ਦੇ ਇਸ ਰੋਮਾਂਟਿਕ ਗਾਣੇ ਨੂੰ ਅਜੈ ਭਾਟੀਆ ਨੇ ਕੰਪੋਜ਼ ਕੀਤਾ ਹੈ। ਗਾਣੇ ਦੇ ਬੋਲ ਸ਼ਬੀਰ ਅਹਿਮਦ ਨੇ ਲਿਖੇ ਹਨ। ਗਾਣੇ ਤੋਂ ਇਲਾਵਾ ਸਲਮਾਨ ਖਾਨ ਨੇ ਇਸ ਵੀਡੀਓ ਦਾ ਨਿਰਦੇਸ਼ਨ ਵੀ ਕੀਤਾ ਹੈ। ਸਲਮਾਨ ਖਾਨ ਦੇ ਇਸ ਪੂਰੇ ਗਾਣੇ ਦੀ ਸ਼ੂਟਿੰਗ ਪਨਵੇਲ ਵਿੱਚ ਉਨ੍ਹਾਂ ਦੇ ਫਾਰਮ ਹਾਊਸ ਵਿੱਚ ਕੀਤੀ ਗਈ ਹੈ। ਤੁਹਾਨੂੰ ਦੱਸ ਦਈਏ ਕਿ ਸਲਮਾਨ ਖਾਨ ਲੌਕਡਾਉਨ ਕਾਰਨ ਆਪਣੇ ਪਨਵੇਲ ਫਾਰਮ ਹਾਊਸ ‘ਤੇ ਹਨ। ਜੈਕਲੀਨ ਸਲਮਾਨ ਖਾਨ ਦੇ ਨਾਲ ਹੀ ਮੌਜੂਦ ਹੈ।
ਇਹ ਵੀ ਪੜ੍ਹੋ : ਸਲਮਾਨ ਖਾਨ ਨੇ #BEINGHAANGRRY ਨਾਂ ਦੀ ਸ਼ੁਰੂ ਕੀਤੀ ਪਹਿਲ, ਲੋੜਵੰਦਾਂ ਦੇ ਘਰਾਂ ਵਿੱਚ ਪਹੁੰਚਾਇਆ ਰਾਸ਼ਨ
ਸਲਮਾਨ ਖਾਨ ਨੇ ਇਹ ਮਿਊਜ਼ਿਕ ਵੀਡੀਓ ਪਨਵੇਲ ਦੇ ਫਾਰਮ ਹਾਊਸ ‘ਤੇ ਸ਼ੂਟ ਕੀਤਾ ਹੈ। ਸਲਮਾਨ ਖਾਨ ਅਤੇ ਜੈਕਲੀਨ ਦੀ ਰੋਮਾਂਟਿਕ ਕੈਮਿਸਟਰੀ ਨੂੰ ਲੋਕ ਬਹੁਤ ਪਸੰਦ ਕਰ ਰਹੇ ਹਨ। ਇਸ ਗਾਣੇ ਨੂੰ ਸਲਮਾਨ ਖਾਨ ਦੇ ਪ੍ਰਸ਼ੰਸਕਾਂ ਵੱਲੋਂ ਜ਼ਬਰਦਸਤ ਹੁੰਗਾਰਾ ਮਿਲ ਰਿਹਾ ਹੈ। ਸਲਮਾਨ ਖਾਨ ਦੀ ਲੁੱਕ, ਜੈਕਲੀਨ ਦੇ ਨਾਲ-ਨਾਲ ਸਲਮਾਨ ਦੀ ਗਾਇਕੀ ਹਰ ਚੀਜ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਰਹੀ ਹੈ।
ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਸਮੇਂ ਸਲਮਾਨ ਨੇ ਇੰਸਟਾ ‘ਤੇ ਲਿਖਿਆ – ਮੈਂ ਤੁਹਾਡੇ ਲਈ ਇਹ ਗਾਣਾ ਤਿਆਰ ਕੀਤਾ, ਗਾਇਆ, ਸ਼ੂਟ ਕੀਤਾ ਅਤੇ ਪੋਸਟ ਕੀਤਾ, ਹੁਣ ਇਸ ਗਾਣੇ ਨੂੰ ਸੁਣੋ, ਗਾਓ ਅਤੇ ਘਰ’ ਤੇ ਆਪਣੀ ਸਵੈਗ ਵਿਚ ਸ਼ੂਟ ਕਰੋ, ਪੋਸਟ, ਸ਼ੇਅਰ, ਟੈਗ ਕਰੋ ਅਤੇ ਅਨੰਦ ਲਓ।
ਵੀਡੀਓ ਵਿੱਚ ਸਲਮਾਨ-ਜੈਕਲੀਨ ਘੁੜਸਵਾਰੀ, ਬਾਈਕ ਰਾਈਡ, ਤੈਰਾਕੀ ਕਰਦੇ ਦਿਖਾਈ ਦਿੱਤੇ। ਸਲਮਾਨ ਖਾਨ ਦੀ ਇਸ ਵੀਡੀਓ ਨੂੰ ਸਿਰਫ 4 ਦਿਨਾਂ ਵਿੱਚ ਸ਼ੂਟ ਕੀਤਾ ਗਿਆ ਹੈ। ਸਲਮਾਨ ਨੇ ਖੁਲਾਸਾ ਕੀਤਾ ਕਿ ਇਹ ਉਸ ਦਾ ਹੁਣ ਤੱਕ ਦਾ ਸਭ ਤੋਂ ਸਸਤਾ ਪ੍ਰੋਡਕਸ਼ਨ ਹੈ। ਇਸ ਦੇ ਨਾਲ ਹੀ ਜੈਕਲੀਨ ਨੇ ਕਿਹਾ ਕਿ ਪੂਰੀ ਵੀਡੀਓ ਸਿਰਫ 3 ਲੋਕਾਂ ਦੀ ਮਦਦ ਨਾਲ ਸ਼ੂਟ ਕੀਤੀ ਗਈ ਹੈ। ਜੋ ਸਲਮਾਨ, ਜੈਕਲੀਨ ਅਤੇ DOP ਸੀ।