Ludhiana : ਖੰਨਾ ਵਿੱਚ ਪਿਆਰ ‘ਚ ਅੰਨ੍ਹੇ ਸਿਰਫਿਰੇ ਨੇ ਇੱਕ ਪ੍ਰਾਈਵੇਟ ਸਕੂਲ ਵਿੱਚ ਦਾਖਲ ਹੋ ਕੇ ਤੇਜ਼ਧਾਰ ਹਥਿਆਰ ਨਾਲ ਅੰਗ੍ਰੇਜ਼ੀ ਅਧਿਆਪਕ ‘ਤੇ ਹਮਲਾ ਕਰ ਦਿੱਤਾ। ਅਧਿਆਪਕ ਦੇ ਚਿਹਰੇ ਅਤੇ ਸਿਰ ‘ਤੇ 10 ਤੋਂ ਵੱਧ ਵਾਰ ਹੋਏ। ਹਸਪਤਾਲ ਵਿੱਚ ਦਾਖਲ ਅਧਿਆਪਕ ਨੂੰ 3 ਘੰਟਿਆਂ ਵਿੱਚ 150 ਤੋਂ ਵੱਧ ਟਾਂਕੇ ਲਗਾਏ ਗਏ ਹਨ। ਉਸਦੀ ਹਾਲਤ ਨਾਜ਼ੁਕ ਹੈ। ਦੋਸ਼ੀ ਸਿਰਫਿਰੇ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ।
ਇਹ ਵੀ ਪੜ੍ਹੋ : Ludhiana Crime News: ਸ਼ਿਵ ਸੈਨਾ ਨੇਤਾ ਅਮਿਤ ਅਰੋੜਾ ਦੇ ਘਰ ‘ਤੇ ਹੋਇਆ ਹਮਲਾ
ਹਸਪਤਾਲ ਵਿੱਚ ਦਾਖਲ ਨਵਜੋਤ ਕੌਰ ਨੇ ਦੱਸਿਆ ਕਿ ਮੁਲਜ਼ਮ ਯੁਵਰਾਜ ਸਿੰਘ ਉਸ ਦਾ ਸਾਬਕਾ ਵਿਦਿਆਰਥੀ ਸੀ। ਇਕ ਮਹੀਨਾ ਪਹਿਲਾਂ, ਉਸਨੇ ਮੋਬਾਈਲ ‘ਤੇ ਉਸ ਨਾਲ ਵਿਆਹ ਕਰਨ ਦਾ ਮੈਸੇਜ ਭੇਜਿਆ ਸੀ। ਇਸ ‘ਤੇ, ਉਸਨੇ ਉਸਨੂੰ ਸਮਝਾਇਆ ਅਤੇ ਆਪਣੇ ਪਰਿਵਾਰ ਦੇ ਲੋਕਾਂ ਨੂੰ ਵੀ ਇਸ ਬਾਰੇ ਦੱਸਿਆ। ਪਰ ਉਹ ਸਿਰਫਿਰਾ ਬਾਜ ਨਹੀਂ ਆਇਆ। ਇਸ ਤੋਂ ਬਾਅਦ ਨਵਜੋਤ ਨੇ ਉਸ ਨੂੰ ਬ੍ਲੈਕ ਲਿਸਟ ਵਿਚ ਪਾ ਦਿੱਤਾ। ਉਸਨੇ ਬੁੱਧਵਾਰ ਨੂੰ ਵੀ ਉਸਨੂੰ ਸਮਝਾਇਆ ਸੀ। ਮੁਲਜ਼ਮ ਨੇ ਕਿਹਾ ਕਿ ਨਵਜੋਤ ਕੌਰ ਨੇ ਉਸ ਨਾਲ ਧੋਖਾ ਕੀਤਾ ਅਤੇ ਉਸ ਨੂੰ ਪਾਗਲ ਕਹਿੰਦਿਆਂ ਉਸ ਨਾਲ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਇਸ ਕਾਰਨ ਉਸਨੇ ਇਸ ਘਟਨਾ ਨੂੰ ਅੰਜਾਮ ਦਿੱਤਾ।
ਅਧਿਆਪਕ ਛੁੱਟੀ ਹੋਣ ‘ਤੇ ਘਰ ਜਾ ਰਹੀ ਸੀ, ਰਾਸਤੇ ਵਿੱਚ ਹੋਇਆ ਹਮਲਾ
ਜਾਣਕਾਰੀ ਅਨੁਸਾਰ ਵੀਰਵਾਰ ਨੂੰ ਨਵਜੋਤ ਕੌਰ ਜਸਪਾਲੋਂ ਪਿੰਡ ਦੇ ਡੀ ਐਨ ਐਵਰੇਸਟ ਮਾਡਲ ਹਾਈ ਸਕੂਲ ਵਿੱਚ ਬੱਚਿਆਂ ਨੂੰ ਪੜ੍ਹਾ ਰਹੀ ਸੀ, ਉਦੋਂ ਹੀ ਦੋਸ਼ੀ ਅੰਦਰ ਆਇਆ ਅਤੇ ਅਧਿਆਪਕਾ ਨੂੰ ਅੰਜਾਮ ਭੁਗਤਣ ਦੀ ਧਮਕੀ ਦੇ ਕੇ ਚਲਾ ਗਿਆ। ਜਿਵੇਂ ਹੀ ਨਵਜੋਤ ਘਰ ਜਾਣ ਲੱਗੀ, ਉਹ ਦੁਬਾਰਾ ਅੰਦਰ ਆਇਆ ਅਤੇ ਦਾਤਰ ਨਾਲ ਉਸ ਉੱਤੇ ਹਮਲਾ ਕਰ ਦਿੱਤਾ। ਖੂਨ ਨਾਲ ਭਿੱਜੇ ਨਵਜੋਤ ਦੇ ਡਿੱਗਣ ਤੋਂ ਬਾਅਦ ਵੀ ਉਹ ਹਮਲੇ ਕਰਦਾ ਰਿਹਾ। ਬਾਅਦ ਵਿਚ ਉਥੋਂ ਫਰਾਰ ਹੋ ਗਿਆ। ਪੁਲਿਸ ਨੇ ਮੁਲਜ਼ਮ ਖਿਲਾਫ ਕੇਸ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।