Ludhiana Suicide News: ਅਰਬਨ ਅਸਟੇਟ ਦੁੱਗਰੀ ਦੀ ਇਕ LIC Female Agent ਨੇ ਸੋਮਵਾਰ ਰਾਤ ਨੂੰ ਪੱਖੇ ਨਾਲ ਲਟਕ ਕੇ ਖੁਦਕੁਸ਼ੀ ਕਰ ਲਈ। ਮ੍ਰਿਤਕ ਦੀ ਪਛਾਣ ਜੋਤੀ ਸੂਦ (34) ਵਜੋਂ ਹੋਈ ਹੈ, ਜੋ ਅਰਬਨ ਅਸਟੇਟ ਦੁੱਗਰੀ ਦੀ ਵਸਨੀਕ ਹੈ। ਜੋਤੀ ਅਤੇ ਉਸ ਦਾ ਪਤੀ ਨਰਿੰਦਰ ਸੂਦ LIC ਵਿਚ ਬੀਮਾ ਏਜੰਟ ਵਜੋਂ ਕੰਮ ਕਰਦੇ ਸਨ। ਜੋਤੀ ਕੁਝ ਦਿਨਾਂ ਤੋਂ ਪਰੇਸ਼ਾਨ ਸੀ।
ਇਹ ਵੀ ਪੜ੍ਹੋ: Ludhiana Police ਨੇ ਦੇਹ ਵਪਾਰ ਦੇ ਅੱਡੇ ਨੂੰ ਕੀਤਾ ਬੇ-ਨਕਾਬ, 6 ਦੋਸ਼ੀਆਂ ਨੂੰ ਕੀਤਾ ਗਿਰਫ਼ਤਾਰ
ਉਹ ਸੋਮਵਾਰ ਸ਼ਾਮ ਨੂੰ ਆਪਣੇ ਘਰ ਵਿੱਚ ਇਕੱਲੀ ਸੀ। ਉਸੇ ਸਮੇਂ, ਪੱਖੇ ਨਾਲ ਆਪਣੀ ਚੁੰਨੀ ਨਾਲ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਦੇਰ ਸ਼ਾਮ ਜਦੋਂ ਉਸ ਦਾ ਪਤੀ ਨਰਿੰਦਰ ਘਰ ਪਰਤਿਆ ਤਾਂ ਉਸਨੇ ਦਰਵਾਜ਼ਾ ਖੜਕਾਇਆ। ਪਰ ਕਾਫੀ ਦੇਰ ਤੱਕ ਖੜਕਾਉਣ ਦੇ ਬਾਅਦ ਵੀ, ਜਦੋਂ ਅੰਦਰ ਤੋਂ ਕੋਈ ਹਰਕਤ ਨਹੀਂ ਹੋਈ ਤਾਂ ਕਾਰਪੇਂਟਰ ਨੂੰ ਮੌਕੇ ‘ਤੇ ਬੁਲਾ ਕੇ ਦਰਵਾਜ਼ਾ ਤੋੜ ਦਿੱਤਾ ਗਿਆ। ਕਮਰੇ ਵਿਚ ਉਸ ਦਾ ਸਰੀਰ ਚੁੰਨੀ ਦੀ ਮਦਦ ਨਾਲ ਝੂਲ ਰਿਹਾ ਸੀ। ਜੋਤੀ ਨੂੰ ਤੁਰੰਤ Global Heart Hospital ਲਿਜਾਇਆ ਗਿਆ ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ।