Ludhiana Local News: ਆਬਕਾਰੀ ਤੇ ਕਰ ਵਿਭਾਗ ਨੇ ਜੋਧਾਂ ਦੇ ਪਿੰਡ ਖਡੂਰ ਨੇੜੇ ਇਕ ਘਰ ਤੋਂ ਵੱਡੀ ਮਾਤਰਾ ਵਿਚ ਨਾਜਾਇਜ਼ ਸ਼ਰਾਬ ਦੀਆਂ ਪੇਟੀਆਂ ਬਰਾਮਦ ਕੀਤੀਆਂ ਹਨ। ਗੁਪਤ ਸੂਚਨਾ ਦੇ ਅਧਾਰ ‘ਤੇ ਕੀਤੀ ਗਈ ਇਸ ਕਾਰਵਾਈ ਵਿਚ ਵਿਭਾਗ ਨੇ ਸ਼ਰਾਬ ਨਾਲ ਭਰੇ 50 ਪੇਟੀਆਂ ਬਰਾਮਦ ਕੀਤੀਆਂ ਹਨ ਜਦੋਂਕਿ 138 ਪੇਟੀਆਂ ਵਿੱਚ ਨਕਲੀ ਹੋਲੋਗ੍ਰਾਮ, ਬ੍ਰਾਂਡ ਵਾਲੇ ਸ਼ਰਾਬ ਦੇ ਲੇਬਲ ਬਰਾਮਦ ਕੀਤੇ ਹਨ। ਵਿਭਾਗ ਨੇ ਗੈਰ ਕਾਨੂੰਨੀ ਸ਼ਰਾਬ ਬਣਾਉਣ ਵਾਲੇ 2 ਕਾਰਿੰਦਿਆਂ ਨੂੰ ਵੀ ਗ੍ਰਿਫਤਾਰ ਕੀਤਾ ਹੈ।
ਇਹ ਵੀ ਪੜ੍ਹੋ: Ludhiana Rape News: ਨਾਬਾਲਿਗ ਨਾਲ ਸਰੀਰਕ ਸ਼ੋਸ਼ਣ ਕਰਨ ਤੇ ਦੋਸ਼ੀ ਨੂੰ 10 ਸਾਲ ਦੀ ਕੈਦ
ਇਥੇ, ਚੰਡੀਗੜ੍ਹ ਤੋਂ ਲਿਆਂਦੀ ਗਈ ਸਸਤੀ ਸ਼ਰਾਬ ਸਕੌਚ ਬ੍ਰਾਂਡ ਬਣਾਉਣ ਲਈ ਹੋਲੋਗ੍ਰਾਮ ਅਤੇ ਲੇਬਲ ਬਣਾ ਕੇ ਹੋਰ ਬੋਤਲਾਂ ਵਿਚ ਭਰੀ ਜਾਂਦੀ ਸੀ ਅਤੇ ਫਿਰ ਇਸ ਨੂੰ ਸਸਤੇ ਭਾਅ ‘ਤੇ ਬਾਜ਼ਾਰ ਵਿਚ ਵੇਚਿਆ ਜਾਂਦਾ ਸੀ। ਪੁਲਿਸ ਨੇ ਉਥੇ ਕੈਦੀਆਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਘਰ ਨੂੰ ਸੀਲ ਕਰ ਦਿੱਤਾ ਹੈ। ਇਹ ਕਾਰਵਾਈ ਡੀ.ਈ.ਟੀ.ਸੀ. ਪਵਨ ਗਰਗ ਦੇ ਦਿਸ਼ਾ ਨਿਰਦੇਸ਼ਾਂ ਦੇ ਅਨੁਸਾਰ ਕੀਤੀ ਗਈ ਸੀ।
ਆਬਕਾਰੀ ਤੇ ਕਰ ਵਿਭਾਗ ਦਾ ਅਗਲਾ ਨਿਸ਼ਾਨਾ ਹੋ ਸਕਦਾ ਮੈਰਿਜ ਪੈਲੇਸ
ਜ਼ਿਆਦਾਤਰ ਇਹ ਸ਼ਰਾਬ ਮੈਰਿਜ ਪੈਲੇਸ ਵਾਲੇ ਖਰੀਦਦੇ ਹਨ। ਵਿਭਾਗ ਦੀ ਅਗਲੀ ਕਾਰਵਾਈ ਮੈਰਿਜ ਪੈਲੇਸਾਂ ਤੇ ਵੀ ਹੋ ਸਕਦੀ ਹੈ। AETC ਵੀ.ਪੀ. ਸਿੰਘ ਨੇ ਦੱਸਿਆ ਕਿ ਉੱਚ ਬ੍ਰਾਂਡ ਦੀਆਂ ਸ਼ਰਾਬ ਦੀਆਂ ਖਾਲੀ ਬੋਤਲਾਂ ਜਿਵੇਂ ਕਿ ਬਲੈਕ ਲੇਬਲ, ਸਿਵਾਸ ਰੀਗਲ, ਗਲੇਨ ਲਿਵਿਟ, ਲਾਗੇਵਾਲਿਨ, ਜੌਨੀ ਵਾਕਰ, ਬਲੈਕ ਡੌਗ ਵਿੱਚ ਘਟੀਆ ਸ਼ਰਾਬ ਭਰ ਕੇ ਵੇਚੀ ਜਾਂਦੀ ਹੈ। ਵਿਭਾਗ ਅਜਿਹੇ ਸ਼ਰਾਬ ਤਸਕਰਾਂ ‘ਤੇ ਆਪਣੀ ਕਾਰਵਾਈ ਤੇਜ਼ ਕਰੇਗੀ।
