Dr. Amar Singh News: ਹਲਕਾ ਫਤਿਹਗੜ ਸਾਹਿਬ ਦੇ ਸੰਸਦ ਮੈਂਬਰ Dr. Amar Singh ਨੂੰ ਖੇਤਰ ਦਾ ਚੰਗਾ ਵਿਕਾਸ ਕਰਨ ਲਈ Lions Bhawan ਵਿਖੇ ਹੋਏ ਸਮਾਰੋਹ ਵਿੱਚ ਸਨਮਾਨਿਤ ਕੀਤਾ ਗਿਆ। MP Amar Singh ਨੇ ਰਾਏਕੋਟ ਵਿੱਚ ਪਾਰਕ ਦੀ ਸਹੂਲਤ, ਸਾਰੀਆਂ ਬਿਜਲੀ ਦੀਆਂ ਤਾਰਾਂ ਦਾ ਸਹੀ ਪ੍ਰਬੰਧ, ਗਲੀਆਂ ਅਤੇ ਸੜਕਾਂ ਦਾ ਨਵੀਨੀਕਰਨ, ਫਾਇਰ ਬ੍ਰਿਗੇਡ ਮੁਹੱਈਆ ਕਰਵਾਉਣਾ, ਸ਼ਹਿਰ ਨੂੰ ਵੱਡੀ ਮਾਤਰਾ ਵਿੱਚ ਐਲਈਡੀ ਲਾਈਟਾਂ ਮੁਹੱਈਆ ਕਰਵਾਉਣਾ, ਸਭ ਤੋਂ ਵੱਡੀ ਸਮੱਸਿਆ ਸੀਵਰੇਜ ਅਤੇ ਪਾਣੀ ਦੀ ਨਿਕਾਸੀ, ਪਾਰਕਿੰਗ ਦੇ ਲਈ ਜਗ੍ਹਾ ਪ੍ਰਦਾਨ ਕਰਨਾ ਆਦਿ ਉਪਲਬੱਧੀਆਂ ਦਾ ਜ਼ਿਕਰ ਕੀਤਾ।
ਇਹ ਵੀ ਪੜ੍ਹੋ: Ludhiana Railway News: ਸੰਘਣੀ ਧੁੰਦ ਕਾਰਨ ਅੱਧੀ ਦਰਜਨ ਰੇਲ ਗੱਡੀਆਂ ਕਈ ਘੰਟੇ ਲੇਟ, ਯਾਤਰੀ ਹੋਏ ਪ੍ਰੇਸ਼ਾਨ
ਉਨ੍ਹਾਂ ਅੱਗੇ ਕਿਹਾ ਕਿ ਹਲਵਾਰਾ ਵਿਖੇ ਹਵਾਈ ਅੱਡੇ ਦਾ ਨਿਰਮਾਣ, ਰੇਲ ਮਾਰਗਾਂ ਬਾਰੇ ਮੰਤਰੀ ਨਾਲ ਮੁਲਾਕਾਤ ਅਤੇ ਸ਼ਹਿਰ ਵਿੱਚ ਸੀਐਨਜੀ ਪਾਈਪ ਲਾਈਨ ਲਗਾਉਣਾ, ਹੁਣ MP Amar Singh ਦਾ ਮੁੱਖ ਏਜੰਡਾ ਹੈ। ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿੱਚ ਉਹ ਰਾਏਕੋਟ ਦਾ ਇੰਨਾ ਵਿਕਾਸ ਕਰਨਗੇ ਕਿ ਉੱਦਮੀ ਲੁਧਿਆਣਾ ਵਿੱਚ ਉਦਯੋਗ ਸਥਾਪਤ ਕਰਨ ਦੀ ਬਜਾਏ ਰਾਏਕੋਟ ਆਉਣਗੇ।
ਉਨ੍ਹਾਂ ਸ਼ਹਿਰ ਦੇ ਵਿਕਾਸ ਲਈ ਸਾਰੇ ਲਾਇਨਜ਼ ਮੈਂਬਰਾਂ ਤੋਂ ਸਹਿਯੋਗ ਅਤੇ ਸੁਝਾਅ ਵੀ ਮੰਗੇ। ਕਲੱਬ ਦੀ ਤਰਫੋਂ ਪਿ੍ੰਸੀਪਲ ਡਾ: ਰਮਨਿਕ ਦਿਓਲ, ਰਾਜਿੰਦਰ ਗੋਇਲ ਅਤੇ ਕੇ ਕੇ ਸ਼ਰਮਾ ਨੇ ਸੰਸਦ ਮੈਂਬਰ ਨੂੰ ਸ਼ਹਿਰ ਦੀਆਂ ਮੁਸ਼ਕਲਾਂ ਤੋਂ ਜਾਣੂ ਕਰਵਾਇਆ। ਪ੍ਰੋਗਰਾਮ ਵਿੱਚ ਸੁਖਪਾਲ ਸਿੰਘ ਗੋਇੰਦਵਾਲ (ਚੇਅਰਮੈਨ ਮਾਰਕੀਟ ਕਮੇਟੀ), ਸਾਬਕਾ ਸਿਟੀ ਕੌਂਸਲ ਦੇ ਪ੍ਰਧਾਨ ਸੁਦਰਸ਼ਨ ਜੋਸ਼ੀ, ਅਵੰਤ ਜੈਨ, ਕਮਲ ਬੋਪਾਰਾਏ, ਜਗਨਨਾਥ ਜੱਗੀ, ਗੁਰਜੀਤ ਸਿੰਘ ਨੱਤ, ਉੱਦਮੀ ਹੀਰਾ ਲਾਲ ਬਾਂਸਲ, ਬੀਆਰ ਸ਼ਰਮਾ, ਬਿੱਟੂ, ਵਿਨੋਦ ਜੈਨ, ਕੁਲਵੰਤ ਸਿੰਘ ਆਦਿ ਮੌਜੂਦ ਰਹੇ।
