ਸੂਬੇ ‘ਚ ਕੋਰੋਨਾ ਪਸਾਰ ਰਿਹਾ ਪੈਰ, ਇੱਕ ਦਿਨ ‘ਚ 56 ਮੌਤਾਂ, ਜਾਣੋ ਆਪਣੇ ਜ਼ਿਲ੍ਹੇ ਦਾ ਹਾਲ

Corona spreading foot in the state, 56 deaths in one day

ਪੰਜਾਬ ਵਿੱਚ ਕੋਰੋਨਾ ਕਰਕੇ ਮਰੀਜ਼ਾਂ ਦੀ ਮੌਤ ਦੀ ਰਫਤਾਰ ਰੁਕਣ ਦਾ ਨਾਂ ਨਹੀਂ ਲੈ ਰਹੀ। ਸ਼ੁੱਕਰਵਾਰ ਨੂੰ 56 ਲੋਕਾਂ ਦੀ ਮੌਤ ਹੋ ਗਈ, ਜਦੋਂ ਕਿ 3459 ਨਵੇਂ ਪੌਜ਼ੇਟਿਵ ਕੇਸ ਸਾਹਮਣੇ ਆਏ ਹਨ। ਵੀਰਵਾਰ ਨੂੰ 56 ਲੋਕਾਂ ਦੀ ਮੌਤ ਹੋ ਗਈ। ਹਾਸਲ ਜਾਣਕਾਰੀ ਮੁਤਾਬਕ ਸੂਬੇ ‘ਚ ਕੁੱਲ 7390 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਉਧਰ ਐਕਟਿਵ ਕੇਸਾਂ ਦੀ ਗਿਣਤੀ 27,219 ‘ਤੇ ਪਹੁੰਚ ਗਈ ਹੈ।

ਅੰਮ੍ਰਿਤਸਰ ਵਿਚ 9, ਬਠਿੰਡਾ ਵਿਚ 2, ਫਰੀਦਕੋਟ ਵਿਚ 2, ਫਤਿਹਗੜ ਸਾਹਿਬ ਵਿਚ 1, ਫਾਜ਼ਿਲਕਾ ਵਿਚ 1, ਫਿਰੋਜ਼ਪੁਰ ਵਿਚ 1, ਗੁਰਦਾਸਪੁਰ ਵਿਚ 4, ਹੁਸ਼ਿਆਰਪੁਰ ਵਿਚ 6, ਜਲੰਧਰ ਵਿਚ 4, ਕਪੂਰਥਲਾ ਵਿਚ 3, ਲੁਧਿਆਣਾ ਵਿਚ 4, ਮੁਹਾਲੀ ਵਿਚ 4, ਮੁਕਤਸਰ ਵਿੱਚ 1, ਪਟਿਆਲਾ ਵਿੱਚ 6, ਰੋਪੜ ਵਿੱਚ 3, ਸੰਗਰੂਰ ਵਿੱਚ 1, ਨਵਾਂ ਸ਼ਹਿਰ ਵਿੱਚ 2 ਅਤੇ ਤਰਨਤਾਰਨ ਵਿੱਚ 2 ਕੋਰੋਨਾ ਮਰੀਜ਼ਾਂ ਨੇ ਦਮ ਤੋੜ ਦਿੱਤਾ।

ਇਸ ਦੇ ਨਾਲ ਹੀ ਪਿਛਲੇ ਦਿਨੀਂ ਮੁਹਾਲੀ ਵਿੱਚ ਵੱਧ ਤੋਂ ਵੱਧ 629 ਪੌਜ਼ੇਟਿਵ ਕੇਸ ਦਰਜ ਕੀਤੇ ਗਏ। ਇਸ ਤੋਂ ਇਲਾਵਾ ਜਲੰਧਰ ਵਿੱਚ 502, ਲੁਧਿਆਣਾ ਵਿੱਚ 438 ਅਤੇ ਅੰਮ੍ਰਿਤਸਰ ਵਿੱਚ 329 ਮਾਮਲੇ ਸਾਹਮਣੇ ਆਏ ਹਨ। ਮੋਹਾਲੀ ਵਿੱਚ ਸਭ ਤੋਂ ਵੱਧ 4643 ਐਕਟਿਵ ਕੇਸ ਹਨ। ਇਸ ਦੇ ਨਾਲ ਹੀ ਜਲੰਧਰ ਵਿਚ 3315 ਐਕਟਿਵ ਕੇਸ, ਲੁਧਿਆਣਾ ਵਿਚ 3193, ਅੰਮ੍ਰਿਤਸਰ ਵਿਚ 3119 ਅਤੇ 2482 ਪਟਿਆਲੇ ਵਿਚ ਕੇਸ ਦਰਜ ਕੀਤੇ ਗਏ ਹਨ।

ਸ਼ੁੱਕਰਵਾਰ ਨੂੰ 99,738 ਲੋਕਾਂ ਨੂੰ ਟੀਕਾ ਲਗਾਇਆ ਗਿਆ ਸੀ। ਇਹ ਅੰਕੜਾ ਵੀਰਵਾਰ ਦੇ ਮੁਕਾਬਲੇ 9930 ਵਧੇਰੇ ਹੈ। ਆਉਣ ਵਾਲੇ ਸਮੇਂ ਵਿਚ ਇੱਕ ਦਿਨ ਵਿਚ ਟੀਕੇ ਲਗਾਉਣ ਦੀ ਗਿਣਤੀ ਇੱਕ ਤੋਂ ਡੇਢ ਲੱਖ ਤਕ ਪਹੁੰਚ ਸਕਦੀ ਹੈ।

ਸਿਹਤ ਵਿਭਾਗ ਮੁਤਾਬਕ ਹੁਣ ਤੱਕ ਪੰਜਾਬ ਵਿੱਚ 7390 ਵਿਅਕਤੀਆਂ ਦੀ ਮੌਤ ਇਨਫੈਕਸ਼ਨ ਕਾਰਨ ਹੋਈ ਹੈ। ਸੂਬੇ ਵਿਚ 6270878 ਲੋਕਾਂ ਦੇ ਸੈਂਪਲ ਟੈਸਟ ਲਈ ਲਏ ਗਏ, ਜਿਨ੍ਹਾਂ ਚੋਂ 266494 ਰਿਪੋਰਟਾਂ ਪੌਜ਼ੇਟਿਵ ਆਈਆਂ। ਸੂਬੇ ਵਿੱਚ ਇਸ ਵੇਲੇ 27219 ਮਾਮਲੇ ਐਕਟਿਵ ਕੇਸ ਹਨ ਅਤੇ 231885 ਲੋਕ ਸੰਕਰਮਣ ਤੋਂ ਠੀਕ ਹੋ ਗਏ ਹਨ।

Punjabi News ਨਾਲ ਜੁੜੀਆਂ ਸਾਰੀਆਂ ਖ਼ਬਰਾਂ ਪੜ੍ਹਨ ਲਈ RAISINGVOICE ਨੂੰ FACEBOOK ਤੇ LIKE ਅਤੇ FOLLOW ਕਰੋ