ਕਾਂਗਰਸ ਪਾਰਟੀ ਦੇ ਲੀਡਰ ਨਵਜੋਤ ਸਿੰਘ ਸਿੱਧੂ ਨੂੰ ਮੋਹਾਲੀ ਵਿੱਚ ਲੋਕਾਂ ਦੁਆਰਾ ਇਹ ਪੁੱਛਿਆ ਜਾ ਰਿਹਾ ਹੈ ਕਿ ਉਹਨਾਂ ਨੇ ਸਿਆਸਤ ਕਦੋਂ ਛੱਡਣੀ ਹੈ। ਲੋਕਾਂ ਦੁਆਰਾ ਨਵਜੋਤ ਸਿੰਘ ਸਿੱਧੂ ਦੇ ਬਿਆਨ ਨੂੰ ਪੋਸਟਰਾਂ ਤੇ ਛਾਪ ਕੇ ਨਵਜੋਤ ਸਿੱਧੂ ਦੇ ਖਿਲਾਫ਼ ਰੋਸ ਕੀਤਾ ਜਾ ਰਿਹਾ ਹੈ। ਦੱਸ ਦੇਈਏ ਨਵਜੋਤ ਸਿੰਘ ਸਿੱਧੂ ਨੇ ਲੋਕ ਸਭਾ ਚੋਣਾਂ ਦੇ ਪ੍ਰਚਾਰ ਦੌਰਾਨ ਬਿਆਨ ਦਿੱਤਾ ਸੀ ਜੇ ਰਾਹੁਲ ਗਾਂਧੀ ਨੇ ਅਮੇਠੀ ਨੂੰ ਗੁਆ ਦਿੱਤਾ ਤਾਂ ਨਵਜੋਤ ਸਿੱਧੂ ਸਿਆਸਤ ਛੱਡ ਦੇਣਗੇ।
ਲੋਕ ਸਭਾ ਚੋਣਾਂ ਵਿੱਚ ਰਾਹੁਲ ਗਾਂਧੀ ਅਮੇਠੀ ਤੋਂ ਚੋਣ ਹਾਰ ਗਏ ਹਨ। ਪਰ ਨਵਜੋਤ ਸਿੰਘ ਸਿੱਧੂ ਹਾਲੇ ਵੀ ਆਪਣੀ ਜ਼ਿੱਦ ‘ਤੇ ਅੜੇ ਹੋਏ ਹਨ, ਦੂਜੇ ਪਾਸੇ ਨਵਜੋਤ ਸਿੰਘ ਸਿੱਧੂ ਆਪਣੇ ਮੰਤਰਾਲੇ ਨੂੰ ਲੈ ਕੇ ਕੈਪਟਨ ਅਮਰਿੰਦਰ ਸਿੰਘ ਨਾਲ ਪੂਰੀ ਤਕਰਾਰ ਕਰ ਰਹੇ ਹਨ। ਪਰ ਲੋਕ ਨਵਜੋਤ ਸਿੰਘ ਨੂੰ ਇਸ ਤਰਾਂ ਦੇ ਪੋਸਟਰ ਛਾਪ ਕੇ ਸਿੱਧੂ ਨੂੰ ਓਹਨਾ ਦਾ ਬਿਆਨ ਯਾਦ ਕਰਵਾ ਰਹੇ ਹਨ।
ਲੋਕਾਂ ਨੇ ਪੋਸਟਰ ਉੱਪਰ ਇਹ ਲਿਖ ਕੇ ਨਵਜੋਤ ਸਿੰਘ ਸਿੱਧੂ ਨੂੰ ਸਵਾਲ ਕਰ ਰਹੇ ਹਨ , ਕਿ ਉਹ ਸਿਆਸਤ ਨੂੰ ਕਦੋਂ ਛੱਡਣਗੇ ? ਲੋਕਾਂ ਦੁਆਰਾ ਪੋਸਟਰ ਉਪਰ ਲਿਖ ਕੇ ਇਹ ਸਵਾਲ ਬਾਰ – ਬਾਰ ਪੁੱਛਿਆ ਜਾ ਰਿਹਾ ਹੈ ਕੇ ਉਹਨਾਂ ਨੇ ਹਾਲੇ ਤਕ ਸਿਆਸਤ ਕਿਉਂ ਨਹੀਂ ਛੱਡੀ ? ਪੋਸਟਰਾਂ ਨੂੰ ਪੰਜਾਬ ਅਰਬਨ ਪਲਾਨਿੰਗ ਅਥਾਰਿਟੀ ਦੇ ਇੱਕ ਸਾਈਨ ਬੋਰਡ ‘ਤੇ ਲਾਇਆ ਗਿਆ ਹੈ।
