Corona Virus News : Corona Virus ਦੇ ਦੋ ਮਰੀਜ਼ ਪੰਜਾਬ ਦੇ ਅਮ੍ਰਿਤਸਰ ਵਿੱਚ ਪਾਏ ਗਏ ਹਨ। ਇਸ ਤਰ੍ਹਾਂ, ਕੋਰੋਨਾਵਾਇਰਸ ਨੇ ਦਿੱਲੀ, ਤੇਲੰਗਾਨਾ ਤੋਂ ਬਾਅਦ ਭਾਰਤ ਦੇ ਇੱਕ ਹੋਰ ਰਾਜ ਵਿੱਚ ਦਸਤਕ ਦੇ ਦਿੱਤੀ ਹੈ। ਦਿੱਲੀ ਵਿੱਚ ਹੋਏ ਇਸ ਟੈਸਟ ਵਿੱਚ ਦੋ ਨੌਜਵਾਨਾਂ ਦਾ ਟੈਸਟ ਪੋਜ਼ੀਟਿਵ ਪਾਇਆ ਗਿਆ ਹੈ। ਅੰਮ੍ਰਿਤਸਰ ਦੇ ਮੈਡੀਕਲ ਸੁਪਰਡੈਂਟ ਰਮਨ ਸ਼ਰਮਾ ਅਨੁਸਾਰ ਇਹ ਦੋਵੇਂ ਲੋਕ 3 ਮਾਰਚ ਨੂੰ ਦਿੱਲੀ ਤੋਂ ਫਲਾਈਟ ‘ਚ ਇਥੇ ਆਏ ਸਨ। ਇਹਨਾਂ ਨੂੰ ਏਅਰਪੋਰਟ ਤੋਂ ਸਿੱਧੇ ਅੰਮ੍ਰਿਤਸਰ ਦੇ ਇੱਕ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਹਸਪਤਾਲ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਹ ਦੋਵੇਂ ਨੌਜਵਾਨ ਇਟਲੀ ਤੋਂ ਭਾਰਤ ਪਹੁੰਚੇ ਸਨ।
ਇਹ ਵੀ ਪੜ੍ਹੋ : ਕੀ ਗਰਮੀਆਂ ਵਿੱਚ ਖਤਮ ਹੋ ਜਾਵੇਗਾ Corona Virus, AC ਨਾਲ ਵੱਧ ਜਾਵੇਗਾ ਇਸਦਾ ਖਤਰਾ?
Corona Virus ਤੋਂ ਪੀੜਤ ਇਹ ਦੋਵੇਂ ਨੌਜਵਾਨ ਹੁਸ਼ਿਆਰਪੁਰ ਦੇ ਰਹਿਣ ਵਾਲੇ ਹਨ। ਹਸਪਤਾਲ ਨੇ ਕਿਹਾ ਹੈ ਕਿ ਉਨ੍ਹਾਂ ਦੇ ਖੂਨ ਦੇ ਨਮੂਨੇ ਜਾਂਚ ਲਈ ਦਿੱਲੀ ਦੀ ਲੈਬ ਵਿਚ ਭੇਜੇ ਗਏ ਸਨ। ਉਸਦੀ ਰਿਪੋਰਟ ਇਥੋਂ ਸਕਾਰਾਤਮਕ ਆਈ ਹੈ। ਹੁਣ ਉਨ੍ਹਾਂ ਦੇ ਨਮੂਨੇ ਪੁਣੇ ਭੇਜ ਦਿੱਤੇ ਗਏ ਹਨ। ਪੁਣੇ ਤੋਂ ਅੱਜ ਉਨ੍ਹਾਂ ਦੀ ਰਿਪੋਰਟ ਆ ਸਕਦੀ ਹੈ।