ਪੰਜਾਬ ਵਿੱਚ ਸ਼ਨੀਵਾਰ ਨੂੰ Corona Virus ਦੇ ਪੰਜ ਹੋਰ ਮਰੀਜ਼ਾਂ ਦੀ ਪੁਸ਼ਟੀ ਹੋ ਗਈ। ਇਸ ਨਾਲ ਪੀੜਤ ਮਰੀਜ਼ਾ ਦੀ ਗਿਣਤੀ ਹੁਣ ਅੱਠ ਹੋ ਗਈ ਹੈ, ਜਿਨ੍ਹਾਂ ਵਿਚੋਂ ਇਕ ਦੀ ਮੌਤ ਹੋ ਗਈ ਹੈ।
ਅਮ੍ਰਿਤਸਰ ਵਿੱਚ ਦੂਜਾ ਪੋਜ਼ੀਟਿਵ ਕੇਸ
19 ਮਾਰਚ ਨੂੰ ਇੰਗਲੈਂਡ ਤੋਂ ਅੰਮ੍ਰਿਤਸਰ ਪਹੁੰਚੇ ਇੱਕ 36 ਸਾਲਾ ਨੌਜਵਾਨ ਕੋਰੋਨਾ ਪਾਜ਼ੀਟਿਵ ਪਾਇਆ ਗਿਆ ਹੈ। ਸਰਕਾਰੀ ਮੈਡੀਕਲ ਕਾਲਜ ਵਿਖੇ ਇਨਫਲੂਐਨਜ਼ਾ ਲੈਬ ਦੀ ਜਾਂਚ ਵਿਚ ਇਸ ਦੀ ਪੁਸ਼ਟੀ ਹੋਈ ਹੈ। ਮਰੀਜ਼ ਗੁਰੂਨਾਨਕ ਦੇਵ ਹਸਪਤਾਲ ਦੇ ਆਈਸੋਲੇਸ਼ਨ ਵਾਰਡ ਵਿਚ ਦਾਖਲ ਹੈ। ਇਸ ਦੇ ਨਾਲ ਹੀ ਅੰਮ੍ਰਿਤਸਰ ਵਿਚ ਸਕਾਰਾਤਮਕ ਮਰੀਜ਼ਾਂ ਦੀ ਗਿਣਤੀ ਦੋ ਹੋ ਗਈ ਹੈ। ਇਸ ਤੋਂ ਪਹਿਲਾਂ ਹੁਸ਼ਿਆਰਪੁਰ ਦਾ ਰਹਿਣ ਵਾਲਾ ਇਕ ਵਿਅਕਤੀ ਕੋਰੋਨਾ ਪਾਜ਼ੀਟਿਵ ਪਾਇਆ ਗਿਆ ਸੀ। ਉਸ ਦਾ ਗੁਰੂ ਨਾਨਕ ਦੇਵ ਹਸਪਤਾਲ ਵਿਖੇ ਇਲਾਜ ਚੱਲ ਰਿਹਾ ਹੈ। ਖੰਘ ਤੇ ਜ਼ੁਕਾਮ ਦੇ ਕਾਰਨ ਯੂਕੇ ਤੋਂ ਆਏ ਇਸ ਨੌਜਵਾਨ ਨੂੰ ਹਵਾਈ ਅੱਡੇ ‘ਤੇ ਸਕ੍ਰੀਨਿੰਗ ਦੌਰਾਨ ਆਈਸੋਲੇਟ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ : Corona Virus : ਪੰਜਾਬ ਵਿੱਚ ਦੋਬਾਰਾ ਬਹਾਲ ਹੋਈ ਬਸ ਸੇਵਾ, ਹੁਣ ਇਹਨਾਂ ਸ਼ਰਤਾਂ ਤਹਿਤ ਚਲਣਗੀ ਬੱਸਾਂ
ਉਸ ਦੇ ਗਲ਼ੇ ਵਿਚੋਂ ਥਰੋਟ ਸਵੈਬ ਸੈਂਪਲ ਲੈ ਕੇ ਉਸਦੀ ਇਨਫਲੂਐਨਜ਼ਾ ਲੈਬ ਵਿੱਚ ਜਾਂਚ ਕੀਤੀ ਗਈ। ਪਹਿਲੇ ਪੜਾਅ ਦੇ ਈ ਜੀਨ ਟੈਸਟ ਵਿੱਚ ਉਹ ਕੋਰੋਨਾ ਪਾਜ਼ੀਟਿਵ ਪਾਇਆ ਗਿਆ। ਓਆਰਐਫ ਵਨ ਬੀ ਅਤੇ ਆਰਟੀਆਰਪੀ ਟੈਸਟ ਦਾ ਦੂਜਾ ਪੜਾਅ ਪੁਸ਼ਟੀਕਰਣ ਲਈ ਕੀਤਾ ਗਿਆ ਸੀ, ਉਹ ਰਿਪੋਰਟ ਵੀ ਪਾਜ਼ੀਟਿਵ ਆਈ। ਗੁਰੂ ਦੇ ਵਡਾਲੀ ਖੇਤਰ ਨਾਲ ਸੰਬੰਧਤ ਇਹ ਨੌਜਵਾਨ ਅੰਮ੍ਰਿਤਸਰ ਵਿੱਚ ਕਿਸੇ ਨਾਲ ਵੀ ਸੰਪਰਕ ਵਿੱਚ ਨਹੀਂ ਆਇਆ, ਕਿਉਂਕਿ ਉਸਨੂੰ ਏਅਰਪੋਰਟ ਤੋਂ ਹੀ ਆਈਸੋਲੇਟ ਕਰ ਦਿੱਤਾ ਗਿਆ ਸੀ। ਤਾਂ ਵੀ ਸਾਵਧਾਨੀ ਦੇ ਤੌਰ ‘ਤੇ ਸਿਹਤ ਵਿਭਾਗ ਗੁਰੂ ਦੀ ਵਡਾਲੀ ਵਿੱਚ ਰਹਿੰਦੇ ਉਸਦੇ ਪਰਿਵਾਰਕ ਮੈਂਬਰਾਂ ਦੀ ਸਕ੍ਰੀਨਿੰਗ ਵੀ ਕਰੇਗਾ।