ਰਿਸ਼ਤੇ ਹੋਏ ਸ਼ਰਮਸਾਰ! 3 ਦਿਨ ਭਾਣਜੀ ਨਾਲ ਬਲਾਤਕਾਰ ਕਰਦਾ ਰਿਹਾ ਮਾਮਾ

girl raped by materna uncle

ਅੰਮ੍ਰਿਤਸਰ : ਪਟਿਆਲਾ ‘ਚ ਇੱਕ ਲੜਕੀ ਦਾ ਰਿਸ਼ਤੇਦਾਰੀ ਵਿੱਚ ਆਪਣੇ ਮਾਮੇ ਵਲੋਂ ਬਲਾਤਕਾਰ ਤੇ ਕੁੱਟਮਾਰ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੀੜਤਾ ਦੀ ਸ਼ਿਕਾਇਤ ਤੇ ਪੁਲਸ ਨੇ ਮੁਲਜ਼ਮ ਖਿਲਾਫ ਧਾਰਾ 376 ਤਹਿਤ ਮਾਮਲਾ ਦਰਜ ਕਰ ਕੇ ਗਿਰਫ਼ਤਾਰ ਕਰ ਲਿਆ। ਮੁਲਜ਼ਮ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਹੈ। ਮੁਲਜ਼ਮ ਜੋ ਕਿ ਰਿਸ਼ਤੇ ‘ਚ ਲੜਕੀ ਦਾ ਮਾਮਾ ਹੈ ਪਟਿਆਲਾ ਦੇ ਪੁਲਿਸ ਲਾਈਨ ਇਲਾਕੇ ਵਿੱਚ ਰਹਿੰਦਾ ਹੈ ਤੇ ਕਲਾਸਫੋਰ ਮੁਲਾਜ਼ਮ ਹੈ।

ਪੀੜਤ ਲੜਕੀ ਦੇ ਬਿਆਨ ਮੁਤਾਬਕ ਮੁਲਜ਼ਮ ਗੁਰਮੀਤ ਸਿੰਘ 17 ਅਪਰੈਲ ਨੂੰ ਲੜਕੀ ਜੋ ਅੰਮ੍ਰਿਤਸਰ ਦੀ ਰਹਿਣ ਵਾਲੀ ਹੈ, ਨੂੰ ਨੌਕਰੀ ਦਿਵਾਉਣ ਦਾ ਝਾਂਸਾ ਦੇ ਕੇ ਉਸਨੂੰ ਪਟਿਆਲਾ ਲੈ ਕੇ ਆਇਆ ਸੀ। ਮੁਲਜ਼ਮ ਨੇ ਪਟਿਆਲਾ ਪੁਲਿਸ ਲਾਈਨ ਵਿੱਚ ਪੀੜਤਾ ਨੂੰ ਆਪਣੇ ਕਮਰੇ ‘ਚ ਬੰਧਕ ਬਣਾ ਕੇ 3 ਦਿਨ ਉਸ ਨਾਲ ਬਲਾਤਕਾਰ ਤੇ ਕੁੱਟਮਾਰ ਕਰਦਾ ਰਿਹਾ। ਮਗਰੋਂ ਲੜਕੀ ਨੂੰ ਕਮਰੇ ਵਿੱਚ ਹੀ ਬੰਦ ਕਰਕੇ ਮੁਲਜ਼ਮ ਆਪ ਬਾਹਰ ਚਲਾ ਗਿਆ।

ਇਹ ਵੀ ਪੜ੍ਹੋ : ਟਿਕਟ ਕੱਟਣ ਤੇ ਸਾਂਪਲਾ ਨੇ ਜਤਾਈ ਨਾਰਾਜ਼ਗੀ, ਕਿਹਾ ‘ਬੀਜੇਪੀ ਨੇ ਗਊ ਹੱਤਿਆ ਕਰ ਦਿੱਤੀ’

21 ਤਾਰੀਖ ਨੂੰ ਲੜਕੀ ਕਮਰੇ ਵਿੱਚੋਂ ਭੱਜ ਨਿਕਲੀ ਤੇ ਪੁਲਸ ਥਾਣੇ ਆ ਕੇ ਮੁਲਜ਼ਮ ਮਾਮੇ ਖਿਲਾਫ ਸ਼ਿਕਾਇਤ ਕੀਤੀ। ਪੁਲਸ ਤੇ ਤੁਰੰਤ ਕਾਰਵਾਈ ਕਰਦਿਆਂ ਮਾਮੇ ਨੂੰ ਗਿਰਫ਼ਤਾਰ ਕਰ ਲਿਆ। ਹੁਣ ਪੁਲਸ ਮਾਮਲੇ ਦੀ ਅਗਲੀ ਕਾਰਵਾਈ ਕਰ ਰਹੀ ਹੈ।