ਯੂਜੀਸੀ ਨੈੱਟ ਨਤੀਜਾ 2020 ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਇਸ ਪ੍ਰੀਖਿਆ ਵਿੱਚ 5 ਲੱਖ ਤੋਂ ਵੱਧ ਵਿਦਿਆਰਥੀਆਂ ਨੇ ਭਾਗ ਲਿਆ। ਨਤੀਜਾ NTA ਦੀ ਵੈੱਬਸਾਈਟ nta.ac.in ‘ਤੇ ਉਪਲਬਧ ਹੈ।
ਐਨ.ਟੀ.ਏ. ਨੇ 24 ਸਤੰਬਰ ਤੋਂ 13 ਨਵੰਬਰ ਦੇ ਵਿਚਕਾਰ ਯੂਜੀਸੀ ਨੈੱਟ ਜੂਨ 2020 ਦੀ ਪ੍ਰੀਖਿਆ ਲਈ ਸੀ। 8,60,976 ਰਜਿਸਟਰਡ ਉਮੀਦਵਾਰਾਂ ਵਿੱਚੋਂ ਸਿਰਫ਼ 5, 26,707 ਨੇ ਹੀ ਪ੍ਰੀਖਿਆ ਦਿੱਤੀ।
ਇਹ ਪ੍ਰੀਖਿਆ ਕੰਪਿਊਟਰ ਅਧਾਰਤ ਟੈਸਟ (ਸੀਬੀਟੀ) ਮੋਡ ‘ਚ ਆਯੋਜਿਤ ਕੀਤੀ ਗਈ ਸੀ, ਜਿਸ ‘ਚ 12 ਪ੍ਰੀਖਿਆ ਦਿਨਾਂ ‘ਚ 81 ਪ੍ਰੀਖਿਆਵਾਂ ਸ਼ਾਮਲ ਸੀ, ਹਰੇਕ ਪ੍ਰੀਖਿਆ ਦੋ ਸ਼ਿਫਟਾਂ ‘ਚ ਲਈ ਜਾ ਰਹੀ ਸੀ। ਇਸ ਵਾਰ ਐਨਟੀਏ ਨੇ ਇਹ ਟੈਸਟ ਕੰਪਿਊਟਰ ਅਧਾਰਤ ਰੱਖਿਆ ਸੀ। ਸਾਰੇ ਵੱਡੇ ਵਿਸ਼ਿਆਂ ਲਈ ਫਾਈਨਲ ਕਟ ਆਫ ਜਾਰੀ ਕੀਤੀ ਗਈ ਹੈ। ਤੁਸੀਂ ਅਧਿਕਾਰਤ ਵੈੱਬਸਾਈਟ – nta.ac.in ‘ਤੇ ਜਾ ਕੇ ਆਪਣੀ ਕਟੌਫ ਨੂੰ ਵੀ ਦੇਖ ਸਕਦੇ ਹੋ।
ਯੂਜੀਸੀ ਨੈੱਟ ਇੱਕ ਰਾਸ਼ਟਰੀ ਪੱਧਰ ਦਾ ਐਪਟੀਚਿਊਡ ਟੈਸਟ ਹੈ, ਪਰ ਇਸ ਦੇ ਦੋ ਮਹੱਤਵਪੂਰਨ ਕਾਰਜ ਹਨ। ਇਸ ਨਾਲ ਯੂਨੀਵਰਸਿਟੀ ਵਿਚ ਪੀ.ਐਚ.ਡੀ. ਦਾਖਲ ਲੈਣ ਵਿਚ ਮਦਦ ਮਿਲਦੀ ਹੈ। ਕਿਸੇ ਹੋਰ ਯੂਨੀਵਰਸਿਟੀ ਵਿੱਚ ਸਹਾਇਕ ਪ੍ਰੋਫੈਸਰ ਬਣਨ ਲਈ ਯੋਗਤਾ ਜ਼ਰੂਰੀ ਹੈ। ਇਸ ਤੋਂ ਬਿਨਾਂ, ਪ੍ਰੋਫੈਸਰ ਬਣਨ ਦਾ ਸੁਪਨਾ ਸੱਚ ਨਹੀਂ ਹੋ ਸਕਦਾ।