ਸੈਮਸੰਗ ਇੰਡੀਆ ਨੇ Covid-19 ਨਾਲ ਲੜਨ ਲਈ 20 ਕਰੋੜ ਰੁਪਏ ਦਾਨ ਕਰਨ ਦਾ ਐਲਾਨ ਕੀਤਾ ਹੈ। ਸੈਮਸੰਗ ਨੇ ਕਿਹਾ ਹੈ ਕਿ ਕੋਵਿਡ -19 ਵਿਰੁੱਧ ਲੜਾਈ ਵਿਚ ਸਹਾਇਤਾ ਲਈ ਕੰਪਨੀ ਕੇਂਦਰ ਅਤੇ ਰਾਜ ਸਰਕਾਰ ਨੂੰ 20 ਕਰੋੜ ਰੁਪਏ ਦਾ ਯੋਗਦਾਨ ਦੇਵੇਗੀ।
ਪੀਐਮ ਮੋਦੀ ਨੇ ਇੱਕ ਟਵੀਟ ਵਿੱਚ ਕਿਹਾ ਹੈ, ‘ਵੱਡੀਆਂ ਕੰਪਨੀਆਂ Covid-19 ਨਾਲ ਲੜਨ ਲਈ ਅੱਗੇ ਆ ਰਹੀਆਂ ਹਨ। ਸੈਮਸੰਗ ਇੰਡੀਆ ਵਲੋਂ ਵਧੀਆ ਜੇਸਚਰ।’
ਸੈਮਸੰਗ ਦੇ ਮੁਤਾਬਕ ਸੈਮਸੰਗ ਇੰਡੀਆ ਦੀ ਟੀਮ ਪਿਛਲੇ ਕੁਝ ਹਫਤਿਆਂ ਤੋਂ Covid-19 ਨਾਲ ਲੜਨ ਲਈ ਸਰਕਾਰ, ਸਥਾਨਕ ਅਧਿਕਾਰੀਆਂ ਅਤੇ ਹੈਲਥ ਕੇਅਰ ਪ੍ਰੋਫੈਸ਼ਨਲਜ਼ ਨਾਲ ਮਿਲ ਕੇ ਕੰਮ ਕਰ ਰਹੀ ਹੈ।
ਇਹ ਵੀ ਪੜ੍ਹੋ : ਤਿੰਨ ਜ਼ੋਨਾਂ ਵਿੱਚ ਵੰਡੇ ਜਾਣਗੇ ਦੇਸ਼ ਦੇ ਸਾਰੇ ਜ਼ਿਲ੍ਹੇ, ਕੁਲ 170 ਹੌਟਸਪੌਟਸ : ਸਿਹਤ ਮੰਤਰਾਲੇ
ਕੰਪਨੀ ਨੇ ਇੱਕ ਪ੍ਰੈਸ ਬਿਆਨ ਵਿੱਚ ਕਿਹਾ ਹੈ ਕਿ ਨੋਇਡਾ ਵਿੱਚ ਸਥਾਨਕ ਪ੍ਰਸ਼ਾਸਨ ਅਤੇ ਕਮਿਯੂਨਿਟੀ ਦੇ ਸਮਰਥਨ ਵਿੱਚ ਕਦਮ ਚੁੱਕੇ ਗਏ ਹਨ। ਸੈਮਸੰਗ ਦੇ ਮੁਤਾਬਕ ਹਸਪਤਾਲਾਂ ਵਿੱਚ ਡਾਕਟਰੀ ਉਪਕਰਣ ਅਤੇ ਬਚਾਅ ਮੁਹਿੰਮਾਂ ਦਾ ਆਯੋਜਨ ਕੰਪਨੀ ਵਲੋਂ ਕੀਤਾ ਗਿਆ ਹੈ।
20 ਕਰੋੜ ਰੁਪਏ ਵਿਚੋਂ 15 ਕਰੋੜ ਰੁਪਏ ਪ੍ਰਧਾਨ ਮੰਤਰੀ ਕੇਅਰਜ਼ ਵਿਚ ਦਿੱਤੇ ਗਏ ਹਨ, ਜਦਕਿ 5 ਕਰੋੜ ਰੁਪਏ ਉੱਤਰ ਪ੍ਰਦੇਸ਼ ਅਤੇ ਤਾਮਿਲਨਾਡੂ ਸਰਕਾਰ ਨੂੰ ਦਿੱਤੇ ਗਏ ਹਨ। ਸੈਮਸੰਗ ਦਾ ਸਭ ਤੋਂ ਵੱਡਾ ਮੋਬਾਈਲ ਪਲਾਂਟ ਨੋਇਡਾ ਵਿੱਚ ਹੈ ਅਤੇ ਫਿਲਹਾਲ ਕੋਰੋਨਾ ਵਾਇਰਸ ਲੌਕਡਾਉਨ ਕਾਰਨ ਉਤਪਾਦਨ ਬੰਦ ਹੈ।
ਸੈਮਸੰਗ ਨੇ ਕਿਹਾ ਹੈ ਕਿ ਹੁਣ ਤੱਕ ਕੰਪਨੀ ਹਸਪਤਾਲਾਂ ਲਈ ਹਜ਼ਾਰਾਂ ਪੀਪੀਈ ਕਿੱਟ ਅਤੇ ਮਾਸਕ ਪ੍ਰਦਾਨ ਕਰ ਚੁੱਕੀ ਹੈ। ਇਸ ਤੋਂ ਇਲਾਵਾ, ਕੰਪਨੀ ਸਥਾਨਕ ਅਧਿਕਾਰੀਆਂ ਨੂੰ ਇਨਫਰਾਰੈੱਡ ਥਰਮਾਮੀਟਰਾਂ ਅਤੇ ਜਨਤਕ ਪਤਾ ਪ੍ਰਣਾਲੀ ਪ੍ਰਦਾਨ ਕਰਨ ਲਈ ਕੰਮ ਕਰ ਰਹੀ ਹੈ।
ਸੈਮਸੰਗ ਨੇ ਕਿਹਾ ਹੈ ਕਿ ਮੈਡੀਕਲ ਸਹੂਲਤ ਨੂੰ ਬਿਹਤਰ ਬਣਾਉਣ ਲਈ ਹਵਾ ਦੀ ਬਿਹਤਰ ਗੁਣਵੱਤਾ ਦੀ ਜ਼ਰੂਰਤ ਹੈ, ਇਸ ਲਈ ਏਅਰ ਪਿਯੂਰੀਫਾਇਰ ਵੀ ਉਪਲਬਧ ਕਰਵਾਏ ਜਾ ਰਹੇ ਹਨ। ਸੈਮਸੰਗ ਦੇ ਅਨੁਸਾਰ ਪਿਛਲੇ ਕੁਝ ਹਫ਼ਤਿਆਂ ਵਿੱਚ ਸੈਮਸੰਗ ਨੇ ਡਿਜੀਟਲ ਐਕਸ-ਰੇ ਅਤੇ ਡਿਜੀਟਲ ਅਲਟਰਾਸਾਊਂਡ ਮਸ਼ੀਨਾਂ ਦੀ ਡਿਲੀਵਰੀ ਵਿੱਚ ਤੇਜ਼ੀ ਲਿਆਂਦੀ ਹੈ। ਕੰਪਨੀ ਨੇ ਕਿਹਾ ਹੈ ਕਿ ਇਹ ਸੈਮਸੰਗ ਸਮਾਰਟ ਹੈਲਥਕੇਅਰ ਸਿਟੀਜ਼ਨਸ਼ਿਪ ਪ੍ਰੋਗਰਾਮ ਤਹਿਤ ਕੀਤਾ ਗਿਆ ਹੈ। ਇਸ ਪ੍ਰੋਗਰਾਮ ਤਹਿਤ ਤਕਨੀਸ਼ੀਅਨ ਨੂੰ ਟਰੇਨਿੰਗ ਵੀ ਦਿੱਤੀ ਜਾਂਦੀ ਹੈ।
