ਦੁਨੀਆ ਭਰ ਵਿੱਚ ਇਸ ਸਮੇਂ ਕੋਰੋਨਾ ਟੈਸਟ ਕਿੱਟ ਦੀ ਮੰਗ ਤੇਜ਼ੀ ਨਾਲ ਵੱਧ ਰਹੀ ਹੈ। ਅਜਿਹੀ ਸਥਿਤੀ ਵਿਚ Practo ਨੇ ਘੋਸ਼ਣਾ ਕੀਤੀ ਹੈ ਕਿ Covid-19 ਟੈਸਟ ਕਰਵਾਉਣ ਲਈ ਤੁਸੀਂ ਆਨਲਾਈਨ ਟੈਸਟ ਬੁੱਕ ਕਰਵਾ ਸਕਦੇ ਹੋ। ਕੰਪਨੀ ਨੇ ਇਸ ਲਈ ਥਾਇਰੋਕੇਅਰ ਨਾਲ ਪਾਰਟਨਰਸ਼ਿਪ ਕੀਤੀ ਹੈ।
ਬੰਗਲੌਰ ਦੀ ਇਸ ਕੰਪਨੀ ਨੇ ਕਿਹਾ ਹੈ ਕਿ ਥਾਇਰੋਕੇਅਰ ਦੇ ਨਾਲ ਮਿਲ ਕੇ Covid-19 ਡਿਟੇਕ੍ਸ਼ਣ ਟੇਸਟ ਕੀਤੇ ਜਾ ਰਹੇ ਹਨ ਅਤੇ ਇਸ ਨੂੰ ਭਾਰਤ ਸਰਕਾਰ ਨੇ ਮਨਜ਼ੂਰੀ ਦੇ ਦਿੱਤੀ ਹੈ। ਇਸਦੇ ਨਾਲ ਹੀ ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ ਯਾਨੀ ICMR ਨੇ ਵੀ ਇਸ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
Practo ਨੇ ਕਿਹਾ ਹੈ, ‘ਫਿਲਹਾਲ ਮੁੰਬਈ ਦੇ ਲੋਕਾਂ ਲਈ ਟੇਸਟ ਆਨਲਾਈਨ ਉਪਲਬਧ ਹੈ ਅਤੇ ਜਲਦੀ ਹੀ ਇਸ ਨੂੰ ਪੂਰੇ ਦੇਸ਼ ਲਈ ਉਪਲਬਧ ਕਰ ਦਿੱਤਾ ਜਾਵੇਗਾ। ਇਸਦੇ ਲਈ ਡਾਕਟਰ ਦੇ ਪ੍ਰੇਸਕ੍ਰਿਪਸ਼ਣ ਦੀ ਜ਼ਰੂਰਤ ਹੋਏਗੀ ਅਤੇ ਟੇਸਟ ਰਿਕਵਿਜਿਸ਼ਨ ਫਾਰਮ ਨੂੰ ਭਰਨਾ ਪਏਗਾ ਜਿਸ ਤੇ ਫਿਸ਼ੀਅਨ ਦਸਤਖਤ ਕਰਨਗੇ। ਟੈਸਟ ਦੌਰਾਨ ਫੋਟੋ ਆਈਡੀ ਕਾਰਡ ਦੀ ਵੀ ਜ਼ਰੂਰਤ ਹੋਏਗੀ।
ਇਹ ਵੀ ਪੜ੍ਹੋ : Corona ਦੇ ਖਤਰੇ ਤੋਂ ਇਸ ਤਰ੍ਹਾਂ ਠੀਕ ਹੋ ਰਹੇ ਮਰੀਜ਼, ਇਹ 7 ਦਵਾਈਆਂ ਦੇ ਰਹੀਆਂ ਕੋਰੋਨਾ ਨੂੰ ਮਾਤ
Covid-19 ਟੇਸਟ ਨੂੰ Practo ਦੀ ਵੈਬਸਾਈਟ ਤੋਂ 4,500 ਰੁਪਏ ਵਿੱਚ ਬੁੱਕ ਕੀਤਾ ਜਾ ਸਕਦਾ ਹੈ। ਬੁਕਿੰਗ ਤੋਂ ਬਾਅਦ ਮਰੀਜ਼ ਦੇ ਸੈਂਪਲ ਲਈ ਪ੍ਰਤੀਨਧੀਆਂ ਨੂੰ ਘਰ ਭੇਜਿਆ ਜਾਵੇਗਾ, ਜਿਹੜੇ ਸੈਂਪਲ ਲੈਕੇ ਜਾਣਗੇ।
ਕੰਪਨੀ ਨੇ ਕਿਹਾ ਹੈ ਕਿ ਸੈਂਪਲ ਲੈਣ ਲਈ ਭੇਜੇ ਗਏ ਪ੍ਰਤੀਨਧੀਆਈਸੀਐਮਆਰ ਦੁਆਰਾ ਜਾਰੀ ਸਾਰੇ ਦਿਸ਼ਾ ਨਿਰਦੇਸ਼ਾਂ ਦੀ ਪਾਲਣਾ ਕਰਨਗੇ। ਟੈਸਟਿੰਗ ਲਈ ਸਵੈਬ ਵਾਇਰਲ ਟ੍ਰਾਂਸਪੋਰਟ ਮਾਧਿਅਮ ਦੁਆਰਾ ਇਕੱਤਰ ਕੀਤੇ ਜਾਣਗੇ। ਇਸ ਨੂੰ ਕੋਲਡ ਚੇਨ ਵਿਚ ਥਾਇਰੋਕੇਅਰ ਲੈਬਾਰਟਰੀ ਵਿਚ ਭੇਜਿਆ ਜਾਵੇਗਾ ਜਿਸ ਨੂੰ Covid-19 ਟੈਸਟਿੰਗ ਲਈ ਚੁਣਿਆ ਗਿਆ ਹੈ।
ਕੰਪਨੀ ਨੇ ਕਿਹਾ ਹੈ ਕਿ Covid-19 ਦਾ ਟੈਸਟ ਨਤੀਜਾ ਵੈਬਸਾਈਟ ‘ਤੇ ਸੈਂਪਲ ਇਕੱਠਾ ਕਰਨ ਦੇ 24-48 ਘੰਟਿਆਂ ਦੇ ਅੰਦਰ ਜਾਰੀ ਕਰ ਦਿੱਤਾ ਜਾਵੇਗਾ। Practo ਦੇ ਚੀਫ ਸਿਹਤ ਕਾਰਜਨੀਤੀ ਅਧਿਕਾਰੀ ਡਾ. ਅਲੈਗਜ਼ੈਨਡਰ ਕੁਰੁਵਿਲਾ ਨੇ ਕਿਹਾ ਹੈ, ‘COVID-19 ਦੀ ਰੋਕਥਾਮ ਲਈ ਵਿਆਪਕ ਫੈਲਣ ਦੀ ਜਾਂਚ ਮਹੱਤਵਪੂਰਣ ਹੈ। ਜਿਸ ਕਿਸੇ ਨੂੰ ਵੀ ਕੋਰੋਨਾ ਦੇ ਲੱਛਣ ਦਿਖ ਰਹੇ ਹਨ ਉਹ ਇਸ ਦੀ ਜਾਂਚ ਕਰਵਾ ਸਕਦਾ ਹੈ।’
ਇਹ ਵੀ ਪੜ੍ਹੋ : Corona Virus ਨੇ ਫੜੀ ਰਫਤਾਰ, 1 ਹੀ ਦਿਨ ਵਿੱਚ ਆਏ ਇੱਕ ਲੱਖ ਨਵੇਂ ਕੇਸ
ਡਾ. ਅਲੈਗਜ਼ੈਨਡਰ ਨੇ ਇਹ ਵੀ ਕਿਹਾ ਹੈ ਕਿ ਸਰਕਾਰ ਨਿਰੰਤਰ ਲੈਬ ਕੇਂਦਰ ਨੂੰ ਵਧਾਉਣ ਲਈ ਕੰਮ ਕਰ ਰਹੀ ਹੈ। ਪ੍ਰੈਕਟੋ ਨੇ ਇਸ ਲਈ ਥਾਇਰੋਕੇਅਰ ਨਾਲ ਭਾਈਵਾਲੀ ਕੀਤੀ ਹੈ ਤਾਂ ਜੋ ਇਸ ਟੈਸਟ ਤਕ ਪਹੁੰਚਣ ਵਿਚ ਕੋਈ ਮੁਸ਼ਕਲ ਨਾ ਆਵੇ।
ਤੁਸੀਂ Practo ਦੀ ਵੈਬਸਾਈਟ ਤੇ Covid-19 ਟੈਸਟ ਪੈਕੇਜ ਬੁੱਕ ਕਰ ਸਕਦੇ ਹੋ ਅਤੇ ਤੁਸੀਂ ਇਸ ਬਾਰੇ ਵਧੇਰੇ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ। ਤੁਹਾਨੂੰ ਥਾਇਰੋਕੇਅਰ ਦੀ ਵੈਬਸਾਈਟ ‘ਤੇ ਵੀ ਇਹ ਜਾਣਕਾਰੀ ਮਿਲੇਗੀ।
