ਕਿਨੌਰ ਦੇ ਪੁਲਿਸ ਸੁਪਰਡੈਂਟ ਸਰਜੂ ਰਾਮ ਰਾਣਾ ਨੇ ਦੱਸਿਆ ਕਿ 22 ਯਾਤਰੀਆਂ ਨੂੰ ਲੈ ਕੇ ਜਾ ਰਹੀ ਬੱਸ ਦਾ ਮਲਬਾ, ਜੋ ਕਿ ਸ਼ਿਮਲਾ ਤੋਂ 210 ਕਿਲੋਮੀਟਰ ਦੂਰ, ਕਿਨੌਰ ਜ਼ਿਲ੍ਹੇ ਦੇ ਨੇਗਲਸਾਰੀ ਵਿੱਚ ਢਿੱਗਾਂ ਹੇਠਾਂ ਦੱਬਿਆ ਗਿਆ ਸੀ, ਨੈਸ਼ਨਲ ਹਾਈਵੇ 5 ਤੋਂ 70 ਮੀਟਰ ਹੇਠਾਂ ਪਾਇਆ ਗਿਆ ਹੈ।
ਹਨੇਰਾ ਹੋਣ ਕਾਰਨ ਬੀਤੀ ਰਾਤ ਰੋਕਿਆ ਗਿਆ ਬਚਾਅ ਕਾਰਜ ਸਵੇਰ ਦੇ ਸਮੇਂ ਮੁੜ ਸ਼ੁਰੂ ਹੋ ਗਿਆ। ਰਾਣਾ ਨੇ ਕਿਹਾ, “ਬੱਸ ਮਲਬੇ ਨਾਲ ਪਹਾੜੀ ਤੋਂ ਹੇਠਾਂ ਖਿਸਕ ਗਈ ਸੀ। ਇੰਡੋ ਤਿੱਬਤੀ ਬਾਰਡਰ ਪੁਲਿਸ, ਹਿਮਾਚਲ ਪੁਲਿਸ, ਆਰਮੀ ਅਤੇ ਹਿਮਾਚਲ ਪੁਲਿਸ ਦੀਆਂ ਟੀਮਾਂ ਬਚਾਅ ਕਾਰਜ ਕਰ ਰਹੀਆਂ ਹਨ। ਰਾਜਮਾਰਗ ਦਾ ਲਗਭਗ 70 ਮੀਟਰ ਦਾ ਹਿੱਸਾ ਮਲਬੇ ਨਾਲ ਬੰਦ ਹੋ ਗਿਆ ਸੀ।
ਬੀਤੀ ਰਾਤ ਸੜਕ ਨੂੰ ਆਵਾਜਾਈ ਲਈ ਮੁੜ ਖੋਲ੍ਹ ਦਿੱਤਾ ਗਿਆ। ਸੜਕ ਦੇ ਦੋਵੇਂ ਪਾਸੇ 300 ਦੇ ਕਰੀਬ ਵਾਹਨ ਫਸੇ ਹੋਏ ਸਨ। “ਸਵੇਰੇ ਮਲਬੇ ਵਿੱਚੋਂ ਯਾਤਰੀਆਂ ਦੀਆਂ ਤਿੰਨ ਲਾਸ਼ਾਂ ਬਰਾਮਦ ਹੋਈਆਂ। ਕੱਲ੍ਹ ਰਾਤ ਤੱਕ, ਬਚਾਅ ਕਾਰਜਾਂ ਦੇ ਮੁਅੱਤਲ ਹੋਣ ਤੱਕ ਮਲਬੇ ਵਿੱਚੋਂ 10 ਲਾਸ਼ਾਂ ਕੱਢੀਆਂ ਗਈਆਂ ਸਨ। ”
ਹਿਮਾਚਲ ਰੋਡ ਟਰਾਂਸਪੋਰਟ ਕਾਰਪੋਰੇਸ਼ਨ (ਐਚਆਰਟੀਸੀ) ਦੀ ਇੱਕ ਬੱਸ ਜੋ ਕਿ ਰੇਕਾਂਗ ਪੀਓ ਤੋਂ ਹਰਿਦੁਆਰ ਜਾ ਰਹੀ ਸੀ, ਇੱਕ ਕਾਰ, ਇੱਕ ਟਾਟਾ ਸੂਮੋ ਅਤੇ ਇੱਕ ਟਰੱਕ ਮਲਬੇ ਹੇਠ ਦੱਬੇ ਹੋਏ ਮਿਲੇ। ਬਚਾਅ ਟੀਮਾਂ ਨੇ ਟਾਟਾ ਸੂਮੋ ਤੋਂ ਅੱਠ ਲਾਸ਼ਾਂ ਬਰਾਮਦ ਕੀਤੀਆਂ। ਇਕ ਬੋਲੈਰੋ ਗੱਡੀ ਅਤੇ ਉਸ ਦੇ ਯਾਤਰੀ ਅਜੇ ਵੀ ਲਾਪਤਾ ਹਨ।
ਐਚਆਰਟੀਸੀ ਦੇ ਮੈਨੇਜਿੰਗ ਡਾਇਰੈਕਟਰ ਸੰਦੀਪ ਕੁਮਾਰ ਨੇ ਕਿਹਾ, “ਜਦੋਂ ਬੱਸ ਵਿੱਚ ਢਿੱਗਾਂ ਹੇਠਾਂ ਆਈ ਤਾਂ ਬੱਸ ਵਿੱਚ ਲਗਭਗ 22 ਯਾਤਰੀ ਸਵਾਰ ਸਨ।
ਡਰਾਈਵਰ ਅਤੇ ਕੰਡਕਟਰ ਦੋਵਾਂ ਨੇ ਸੜਕ ਦੀ ਸਥਿਤੀ ਬਾਰੇ ਪੁੱਛਗਿੱਛ ਕਰਨ ਲਈ ਗੱਡੀ ਨੂੰ ਰੋਕਿਆ ਸੀ ਅਤੇ ਜਦੋਂ ਉਹ ਵਾਪਸ ਮੁੜੇ ਤਾਂ ਬੱਸ ਮਲਬੇ ਹੇਠ ਦੱਬ ਗਈ, ਦੋਵੇਂ ਸਦਮੇ ਦੀ ਸਥਿਤੀ ਵਿੱਚ ਹਨ,” ਉਸਨੇ ਕਿਹਾ।
ਪੱਥਰਾਂ ਨਾਲ ਟਕਰਾਇਆ ਟਰੱਕ ਨਦੀ ਦੇ ਕਿਨਾਰੇ ਖਿਸਕ ਗਿਆ ਸੀ ਅਤੇ ਡਰਾਈਵਰ ਦੀ ਲਾਸ਼ ਬੁੱਧਵਾਰ ਸ਼ਾਮ ਬਰਾਮਦ ਕੀਤੀ ਗਈ ਸੀ। ਵੀਰਵਾਰ ਸਵੇਰੇ 8.15 ਵਜੇ ਬੱਸ ਦੇ ਮਲਬੇ ਦਾ ਪਤਾ ਲਗਾਇਆ ਗਿਆ।
