BushFires in Australia: Australia ਦੇ ਸੂਬੇ New South Wales ‘ਚ 2019 ਦੇ ਸਤੰਬਰ ਮਹੀਨੇ ਤੋਂ ਜੰਗਲੀ ਅੱਗ ਲੱਗੀ ਹੋਈ ਸੀ, ਜਿਸ ‘ਤੇ ਹੁਣ ਪੂਰੀ ਤਰ੍ਹਾਂ ਕਾਬੂ ਪਾਉਣ ਵਿੱਚ ਸਫ਼ਲਤਾ ਮਿਲ ਚੁੱਕੀ ਹੈ। ਵੀਰਵਾਰ ਨੂੰ New South Wales ਦੇ ਫਾਇਰ ਫਾਈਟਰਜ਼ ਡਾਕਹਿਨਾ ਹੈ ਕਿ ਮਹੀਨਿਆਂ ਤੋਂ ਲੱਗੀ ਜੰਗਲੀ ਅੱਗ ਨਾਲ ਜੂਝ ਰਹੇ ਸੂਬੇ ਨੂੰ ਇਸ ਤੋਂ ਰਾਹਤ ਮਿਲ ਗਈ ਹੈ।
ਮਿਲੀ ਜਾਣਕਾਰੀ ਦੇ ਅਨੁਸਾਰ ਰੂਰਲ ਫਾਇਰ ਸਰਵਿਸ ਨੇ ਕਿਹਾ ਕਿ ਇਹ ਬਹੁਤ ਖੁਸ਼ੀ ਦੀ ਗੱਲ ਹੈ ਕਿ ਜੰਗਲੀ ਅੱਗ ਦੇ ਉੱਪਰ ਪੂਰੀ ਤਰ੍ਹਾਂ ਕਾਬੂ ਪਾ ਲਿਆ ਗਿਆ ਹੈ। ਦੇਸ਼ ਦੇ 10 ਮਿਲੀਅਨ ਹੈਕਟੇਅਰ ‘ਚ ਫੈਲੀ ਅੱਗ ਨੂੰ ਕਾਬੂ ਕਰ ਲਿਆ ਗਿਆ ਹੈ। ਇਸ ਕਾਰਨ 33 ਲੋਕਾਂ ਅਤੇ ਵੱਡੀ ਗਿਣਤੀ ‘ਚ ਜਾਨਵਰਾਂ ਦੀ ਮੌਤ ਹੋ ਗਈ ਹੈ। 2500 ਤੋਂ ਵਧੇਰੇ ਘਰ ਵੀ ਸੜ ਕੇ ਸਵਾਹ ਹੋ ਗਏ ਸਨ।
ਇਹ ਵੀ ਪੜੋ: Corona Virus News: Corona Virus ਨੇ ਮਚਾਈ ਤਬਾਹੀ, ਇਕ ਦਿਨ ਵਿੱਚ 242 ਮੌਤਾਂ
ਇਹ ਖ਼ਬਰ ਵੀ ਸਾਹਮਣੇ ਆਈ ਹੈ ਕਿ ਸਭ ਤੋਂ ਵੱਧ ਨੁਕਸਾਨ ਸਿਡਨੀ ਸ਼ਹਿਰ ਵਿੱਚ ਹੋਇਆ। ਸੋਕੇ ਕਾਰਨ ਇਸ ਖੇਤਰ ‘ਚ ਜੰਗਲੀ ਦਰੱਖਤ ਤੇ ਝਾੜੀਆਂ ਸੁੱਕ ਗਈਆਂ ਸਨ, ਜੋ ਤੇਜ਼ੀ ਨਾਲ ਅੱਗ ਫੜਦੀਆਂ ਗਈਆਂ। ਰਿਕਾਰਡ ਤੋੜ ਮੀਂਹ ਪੈਣ ਕਾਰਨ ਆਏ ਹੜ੍ਹ ਨੇ ਅੱਗ ਬੁਝਾਉਣ ‘ਚ ਕਾਫੀ ਮਦਦ ਮਿਲੀ। ਹਾਲਾਂਕਿ ਰਾਜਧਾਨੀ ਕੈਨਬਰਾ ‘ਚ ਲੱਗੀ ਅੱਗ ਨੂੰ ਬੁਝਾਉਣ ਲਈ ਅਜੇ ਵੀ ਫਾਇਰ ਫਾਈਟਰਜ਼ ਲੱਗੇ ਹੋਏ ਹਨ ਪਰ ਇਹ ਬਹੁਤੀ ਭਿਆਨਕ ਅੱਗ ਨਹੀਂ ਹੈ।
