ਚੀਨ ਦੇ ਵੁਹਾਨ ਸ਼ਹਿਰ ਨੂੰ ਕੋਰੋਨਾ ਵਾਇਰਸ ਦੇ ਕੇਂਦਰ ਵਜੋਂ ਜਾਣਿਆ ਜਾਂਦਾ ਹੈ ਜਿਸ ਕਾਰਨ ਪੂਰੀ ਦੁਨੀਆ ਵਿਚ ਤਬਾਹੀ ਮਚ ਗਈ ਹੈ। ਇਸ ਜਾਨਲੇਵਾ ਵਾਇਰਸ ਨੇ ਚੀਨ ਦੀ ਆਰਥਿਕਤਾ ਨੂੰ ਵੀ ਭਾਰੀ ਨੁਕਸਾਨ ਪਹੁੰਚਾਇਆ ਹੈ।
ਜਾਂਚ ਦੇ ਦੌਰਾਨ ਇਹ ਖੁਲਾਸਾ ਹੋਇਆ ਕਿ ਕੈਸ਼ ਵਿੱਚ ਵਰਤਿਆ ਗਿਆ ਨੋਟ ਵੀ ਕੋਰੋਨਾ ਵਾਇਰਸ ਦਾ ਵਾਹਕ ਬਣ ਸਕਦਾ ਹੈ। ਇਸ ਲਈ ਹੁਣ ਚੀਨ ਨੇ ਭਵਿੱਖ ਵਿਚ ਅਜਿਹੀ ਸਥਿਤੀ ਨਾਲ ਨਜਿੱਠਣ ਲਈ ਵਰਚੁਅਲ (ਕਾਲਪਨਿਕ) ਮਨੀ ਸਿਸਟਮ ਨੂੰ ਅਪਨਾਉਣ ‘ਤੇ ਜ਼ੋਰ ਦਿੱਤਾ ਹੈ ਅਤੇ ਇਸ ਦੀ ਟੈਸਟਿੰਗ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ : ਪਲਾਜ਼ਮਾ ਥੈਰੇਪੀ ਦਾ ਟੈਸਟ ਰਿਹਾ ਕਾਮਯਾਬ, ਦਿੱਲੀ ਚ’ ਇਸ ਥੈਰੇਪੀ ਨਾਲ ਪਹਿਲਾ ਕੋਰੋਨਾ ਮਰੀਜ਼ ਹੋਇਆ ਠੀਕ
ਚੀਨ ਨੇ ਇਹ ਕਦਮ ਕਰੰਸੀ ਜਾਂ ਨੋਟ ਰਾਹੀਂ ਭਵਿੱਖ ਵਿੱਚ ਕਿਸੇ ਵੀ ਤਰ੍ਹਾਂ ਦੇ ਵਾਇਰਸ ਫੈਲਣ ਤੋਂ ਰੋਕਣ ਲਈ ਚੁੱਕਿਆ ਹੈ। ਅਜਿਹੀਆਂ ਡਿਜੀਟਲ ਮੁਦਰਾ ਖ਼ਤਰੇ ਨੂੰ ਰੋਕਣ ਵਿੱਚ ਸਹਾਇਤਾ ਕਰੇਗੀ। ਫਰਵਰੀ ਵਿਚ ਚੀਨ ਨੇ ਕੋਰੋਨਾ ਵਾਇਰਸ ਪ੍ਰਭਾਵਿਤ ਹੌਟਸਪੌਟ ਖੇਤਰ ਵਿਚ ਵੱਡੀ ਮਾਤਰਾ ਵਿਚ ਬੈੰਕਾਂ ਨੇ ਨੋਟਾਂ ਦੀ ਵਰਤੋਂ ਨੂੰ ਛੱਡ ਦਿੱਤਾ ਸੀ। ਸਿਰਫ ਇਹ ਹੀ ਨਹੀਂ, ਕੁਝ ਮੁਦਰਾਵਾਂ ਅਸਥਾਈ ਤੌਰ ‘ਤੇ ਗੋਦਾਮਾਂ ਵਿਚ ਰੱਖੀਆਂ ਗਈਆਂ ਸਨ। ਇਹ ਕਦਮ ਬਿਮਾਰੀ ਦੇ ਫੈਲਣ ਤੋਂ ਰੋਕਣ ਲਈ ਲਿਆ ਗਿਆ ਸੀ।
ਕੋਰੋਨਾ ਵਾਇਰਸ ਦੇ ਤਬਾਹੀ ਦੇ ਵਿਚਕਾਰ ਚੀਨ ਆਪਣੇ ਚਾਰ ਸ਼ਹਿਰਾਂ ਵਿੱਚ ਡਿਜੀਟਲ ਕਰੰਸੀ ਦਾ ਟੈਸਟ ਕਰ ਰਿਹਾ ਹੈ। ਇਸ ਦੇ ਜ਼ਰੀਏ ਲੋਕਾਂ ਨੂੰ ਕਿਸੇ ਕੈਸ਼ ਦੀ ਜ਼ਰੂਰਤ ਨਹੀਂ ਪਵੇਗੀ।
ਇਹ ਪਾਇਲਟ ਪ੍ਰਾਜੈਕਟ ਚੀਨ ਦੇ ਡਿਜੀਟਲ ਕਰੰਸੀ ਰਿਸਰਚ ਇੰਸਟੀਟਿਊਟ ਆਫ ਪੀਪਲਜ਼ ਐਂਡ ਬੈਂਕ ਆਫ ਚਾਈਨਾ (PBC) ਦੁਆਰਾ ਚਲਾਇਆ ਜਾ ਰਿਹਾ ਹੈ। ਇਹ ਚੀਨ ਦੀ ਅਧਿਕਾਰਤ ਡਿਜੀਟਲ ਮੁਦਰਾ ‘ਤੇ ਕੀਤੀ ਜਾ ਰਹੀ ਖੋਜ ਅਤੇ ਵਿਕਾਸ ਦਾ ਇਕ ਹਿੱਸਾ ਹੈ। ਅਧਿਕਾਰਤ ਡਿਜੀਟਲ ਮੁਦਰਾ ਦੀ ਵਰਤੋਂ ਬੀਜਿੰਗ ਵਿਚ 2022 ਦੀਆਂ ਓਲੰਪਿਕ ਖੇਡਾਂ ਦੌਰਾਨ ਵੀ ਕੀਤੀ ਜਾਏਗੀ।