ਸਿੱਖ ਸਰਦਾਰ ਬੱਚੇ ਨਾਲ ਧੱਕੇਸ਼ਾਹੀ ਕਰਨ ਤੇ ਬਾਲੀਵੁੱਡ ਦੇ ਮਸ਼ਹੂਰ ਅਭਿਨੇਤਾ ਸਲਮਾਨ ਖਾਨ ਨੇ ਆਪਣੇ ਹੀ ਬੌਡੀਗਾਰਡ ਨੂੰ ਥੱਪੜ ਜੜ ਦਿੱਤਾ ਕਿਉਂਕਿ ਉਹ ਸਿੱਖ ਸਰਦਾਰ ਬੱਚਾ ਸਲਮਾਨ ਖਾਨ ਦੇ ਕੋਲ ਆਉਣ ਦੀ ਕੋਸ਼ਿਸ ਕਰ ਰਿਹਾ ਸੀ ਤੇ ਸੁਰੱਖਿਆ ਕਰਮੀ ਨੇ ਉਸ ਛੋਟੇ ਸਿੱਖ ਸਰਦਾਰ ਪ੍ਰਸ਼ੰਸਕ ਨਾਲ ਸਖਤੀ ਵਰਤੀ।
ਇਹ ਘਟਨਾ ਉਸ ਵੇਲੇ ਵਰਤੀ ਜਦੋਂ ਸਲਮਾਨ ਖਾਨ ਆਪਣੀ ਨਵੀਂ ਫਿਲਮ ‘ਭਾਰਤ’ ਦੀ ਸਕਰੀਨਿੰਗ ਲਈ ਪੀਵੀਆਰ ਫੀਓਨਿਕਸ ਮਿਲਜ਼ ਵਿੱਚ ਪਹੁੰਚਿਆਂ ਸੀ। ਜਿਥੇ ਇੱਕ ਸਰਦਾਰ ਬੱਚਾ ਗੁਲਾਬੀ ਪਟਕਾ ਬੰਨ ਕੇ ਸਲਮਾਨ ਖਾਨ ਦੀ ਉਡੀਕ ਕਰ ਰਿਹਾ ਸੀ।
ਜਿਉਂ ਹੀ ਉਹ ਸਰਦਾਰ ਬੱਚਾ ਸਲਮਾਨ ਖਾਨ ਦੇ ਵੱਲ ਨੂੰ ਵਧਿਆ ਤਾਂ ਸਲਮਾਨ ਖਾਨ ਦੇ ਇਕ ਬੌਡੀਗਾਰਡ ਨੇ ਉਸ ਨੂੰ ਧੱਕਾ ਦੇ ਕੇ ਪਿੱਛੇ ਕਰ ਦਿੱਤਾ। ਇਹ ਸਭ ਦੇਖ ਕੇ ਸਲਮਾਨ ਖਾਨ ਨੂੰ ਗੁੱਸਾ ਆ ਗਿਆ ਤੇ ਉਸ ਨੇ ਆਪਣੇ ਹੀ ਬੌਡੀਗਾਰਡ ਦੇ ਥੱਪੜ ਜੜ ਦਿੱਤਾ। ਸਲਮਾਨ ਖਾਨ ਦਾ ਇੰਨਾ ਗੁੱਸੇ ਵਾਲਾ ਰੂਪ ਦੇਖ ਕੇ ਉੱਥੇ ਮੌਜੂਦ ਸਾਰੇ ਲੋਕ ਹੈਰਾਨ ਰਹਿ ਗਏ। ਇਸ ਘਟਨਾ ਦੀ ਪੁਸ਼ਟੀ ਸਲਮਾਨ ਖਾਨ ਦੇ ਬੌਡੀਗਾਰਡ ਗੁਰਮੀਤ ਸਿੰਘ ਉਰਫ਼ ਸ਼ੇਰਾ ਨੇ ਕੀਤੀ।