ਸ਼ਰਧਾ ਕਪੂਰ ਦੀਪਿਕਾ ਪਾਦੁਕੋਣ ਦੀ ਥਾਂ ਇੰਸਟਾਗ੍ਰਾਮ ਤੇ ਸਭ ਤੋਂ ਵੱਧ ਫਾਲੋ ਕੀਤੀ ਜਾਣ ਵਾਲੀ ਬਾਲੀਵੁੱਡ ਅਦਾਕਾਰਾ ਬਣ ਗਈ ਹੈ। 5 ਕਰੋੜ 56 ਲੱਖ ਫਾਲੋਅਰਜ਼ ਨਾਲ ਸ਼ਰਧਾ ਕਪੂਰ ਹੁਣ ਪ੍ਰਿਯੰਕਾ ਚੋਪੜਾ ਤੋਂ ਥੋੜ੍ਹਾ ਪਿੱਛੇ ਹੈ। ਦੱਸ ਦਈਏ ਕਿ ਦੁਨੀਆ ਭਰ ਵਿੱਚ 58 ਮਿਲੀਅਨ ਤੋਂ ਵੱਧ ਲੋਕ ਪ੍ਰਿਯੰਕਾ ਚੋਪੜਾ ਨੂੰ ਫਾਲੋ ਕਰਦੇ ਹਨ।
ਦੀਪਿਕਾ ਪਾਦੁਕੋਣ ਦੇ ਫਾਲੋਅਰਜ਼ ਦੀ ਗੱਲ ਕਰੀਏ ਤਾਂ ਇਸ ਫੋਟੋ ਸ਼ੇਅਰਿੰਗ ਐਪਲੀਕੇਸ਼ਨ ਤੇ ਉਸ ਦੇ 52 ਮਿਲੀਅਨ ਫਾਲੋਅਰਜ਼ ਹਨ। ਹਾਲਾਂਕਿ ਦੀਪਿਕਾ ਅਤੇ ਪ੍ਰਿਯੰਕਾ ਹਮੇਸ਼ਾ ਦੂਜੇ ਸਥਾਨ ਤੇ ਰਹੇ ਹਨ, ਪਰ ਇੰਸਟਾਗ੍ਰਾਮ ‘ਤੇ ਸਭ ਤੋਂ ਵੱਧ ਫਾਲੋ ਕੀਤਾ ਜਾਣ ਵਾਲਾ ਵਿਅਕਤੀ ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਹੈ।
ਵਿਰਾਟ ਕੋਹਲੀ ਦੇ ਇੰਸਟਾਗ੍ਰਾਮ ਤੇ 82 ਮਿਲੀਅਨ ਤੋਂ ਵੱਧ ਫਾਲੋਅਰਜ਼ ਹਨ। ਦੀਪਿਕਾ ਅਤੇ ਪ੍ਰਿਯੰਕਾ ਦੇ ਫਾਲੋਅਰਜ਼ ਦੀ ਗੱਲ ਕਰੀਏ ਤਾਂ ਪਿਛਲੇ ਸਾਲ ਦੋਹਾਂ ਦਾ ਨਾਂ ਫੇਕ ਫਾਲੋਅਰਜ਼ ਰੱਖਣ ਵਾਲੇ ਯੂਜ਼ਰਸ ਵਿੱਚ ਆਇਆ ਸੀ। ਇੰਸਟੀਚਿਊਟ ਆਫ ਕੰਟੈਂਪਰੇਰੀ ਮਿਊਜ਼ਿਕ ਪਰਫਾਰਮੈਂਸ (ICMP) ਦੁਆਰਾ ਕੀਤੀ ਗਈ ਇੱਕ ਖੋਜ ਅਨੁਸਾਰ, ਦੀਪਿਕਾ ਦੇ ਜ਼ਿਆਦਾਤਰ ਫਾਲੋਅਰਸ ਔਟੋਮੈਟੇਡ ਹਨ।
ਜਿੱਥੋਂ ਤੱਕ ਸ਼ਰਧਾ ਕਪੂਰ ਦੇ ਫਾਲੋਅਰਜ਼ ਦੀ ਗੱਲ ਹੈ, ਪਿਛਲੇ ਇੱਕ ਸਾਲ ਵਿੱਚ ਉਸਦੇ ਫਾਲੋਅਰਜ਼ ਦੀ ਗਿਣਤੀ ਵਿੱਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ। ਉਸਦਾ ਇੰਸਟਾਗਰਾਮ ਪੇਜ ਸ਼ਰਧਾ ਦੀਆਂ ਅਣਗਿਣਤ ਗਲੈਮਰਸ ਤਸਵੀਰਾਂ, ਉਸਦੇ ਕੰਮ ਅਤੇ ਬਰਾਂਡ ਤਸਦੀਕਾਂ ਅਤੇ ਮੂਵੀ ਪ੍ਰਚਾਰ ਦੇ ਵੀਡੀਓ ਨਾਲ ਭਰਿਆ ਹੋਇਆ ਹੈ।
