ਹਿੰਦੁਸਤਾਨ ਯੂਨੀਲੀਵਰ ਨੇ ਆਪਣੇ ਮਸ਼ਹੂਰ ਸਕਿਨਕੇਅਰ ਬ੍ਰਾਂਡ ਫੇਅਰ ਐਂਡ ਲਵਲੀ ਦਾ ਨਾਮ ਬਦਲ ਕੇ ‘ਗਲੋ ਐਂਡ ਲਵਲੀ’ ਰੱਖਿਆ ਹੈ। ਕੁਝ ਦਿਨ ਪਹਿਲਾਂ, ਕੰਪਨੀ ਨੇ ਫੇਅਰ ਸ਼ਬਦ ਨੂੰ ਆਪਣੇ ਬ੍ਰਾਂਡ ਤੋਂ ਹਟਾਉਣ ਦਾ ਫੈਸਲਾ ਕੀਤਾ ਸੀ।
ਫਾਸਟ ਮੂਵਿੰਗ ਕੰਜਿਊਮਰ ਗੂਡਜ਼ (FMCG) ਕੰਪਨੀ ਹਿੰਦੁਸਤਾਨ ਯੂਨੀਲੀਵਰ ਨੇ ਹੁਣ ਇਸ ਕਰੀਮ ਦੀ ਨਵੇਂ ਸਿਰੇ ਤੋਂ ਬ੍ਰੈਂਡਿੰਗ ਕੀਤੀ ਹੈ। ਪਹਿਲਾਂ ਇਸ ਨੂੰ ਕਈ ਦਹਾਕਿਆਂ ਤੋਂ ਗੋਰੇਪਨ ਦੀ ਕਰੀਮ ਦੇ ਤੌਰ ਤੇ ਪ੍ਰਸਾਰਿਤ ਕੀਤਾ ਗਿਆ ਅਤੇ ਵੇਚਿਆ ਗਿਆ। ਪਰ ਹੁਣ ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਸਕਾਰਾਤਮਕ ਸੁੰਦਰਤਾ ਦੇ ਨਜ਼ਰੀਏ ਤੋਂ ਵਧੇਰੇ ਸੰਮਿਲਤ ਨਜ਼ਰੀਆ ਲੈ ਕੇ ਆਪਣਾ ਨਾਮ ਬਦਲ ਰਹੀ ਹੈ। ਕੰਪਨੀ ਪੁਰਸ਼ਾਂ ਲਈ ਕਰੀਮ ਦਾ ਜੋ ਬ੍ਰਾਂਡ ਨਾਮ ਲਿਆਏਗੀ ਉਹ ‘ਗਲੋ ਐਂਡ ਹੈਂਡਸੋਮ (Glow & Handsome)’ ਹੋਵੇਗਾ।
ਕਦੋਂ ਆਵੇਗੀ ਬਾਜ਼ਾਰ ਵਿੱਚ
ਨਿਊਜ਼ ਏਜੰਸੀ ਪੀਟੀਆਈ ਦੇ ਅਨੁਸਾਰ ਹਿੰਦੁਸਤਾਨ ਯੂਨੀਲੀਵਰ ਨੇ ਇਕ ਬਿਆਨ ਵਿਚ ਕਿਹਾ, “ਅਗਲੇ ਕੁਝ ਮਹੀਨਿਆਂ ਵਿੱਚ ਗਲੋ ਅਤੇ ਲਵਲੀ ਦੁਕਾਨਾਂ ‘ਤੇ ਪਹੁੰਚ ਜਾਵੇਗੀ ਅਤੇ ਅੱਗੇ ਆਉਣ ਵਾਲੀਆਂ ਸਾਰੀਆਂ ਇੰਨੋਵੇਸ਼ਨ ਇਸ ਨਵੇਂ ਬ੍ਰਾਂਡ ਦੇ ਅਧਾਰ’ ਤੇ ਕੀਤੀਆਂ ਜਾਣਗੀਆਂ।”
ਇਹ ਵੀ ਪੜ੍ਹੋ : ਬਿਨ੍ਹਾਂ ਇੰਟਰਨੈੱਟ ਕਰੋ ਪੈਸਿਆਂ ਦੀ ਲੈਣ ਦੇਣ, Yes Bank ਨੇ ਲਾਂਚ ਕੀਤਾ Yuva Pay ਵਾਲ਼ੇਟ
ਦੱਸ ਦਈਏ ਕਿ 25 ਜੂਨ ਨੂੰ ਹੀ ਹਿੰਦੁਸਤਾਨ ਯੂਨੀਲੀਵਰ ਨੇ ਘੋਸ਼ਣਾ ਕੀਤੀ ਸੀ ਕਿ ਉਹ ਸੁੰਦਰਤਾ ਪ੍ਰਤੀ ਸੰਪੂਰਨ ਨਜ਼ਰੀਆ ਅਪਣਾਉਂਦਿਆਂ, ਆਪਣੇ ਪ੍ਰਸਿੱਧ ਬ੍ਰਾਂਡ ਫੇਅਰ ਐਂਡ ਲਵਲੀ ਤੋਂ ‘ਫੇਯਰ’ ਸ਼ਬਦ ਹਟਾ ਰਿਹਾ ਹੈ। ਕੰਪਨੀ ਨੇ ਕਿਹਾ ਕਿ ਉਹ ਇਸ ਲਈ ਜ਼ਰੂਰੀ ਰੈਗੂਲੇਟਰੀ ਮਨਜ਼ੂਰੀ ਵੀ ਲਵੇਗੀ।
ਪੇਟੈਂਟ ਲਈ ਦਿੱਤੀ ਅਰਜ਼ੀ
ਹਿੰਦੁਸਤਾਨ ਯੂਨੀਲੀਵਰ ਯੂਕੇ ਦੀ ਮਲਟੀਨੈਸ਼ਨਲ ਕੰਪਨੀ ਯੂਨੀਲੀਵਰ ਪੀਐਲਸੀ ਦੀ ਸਹਾਇਕ ਕੰਪਨੀ ਹੈ। ਕੰਪਨੀ ਨੇ ਪੇਟੈਂਟ ਡਿਜ਼ਾਈਨ ਅਤੇ ਟ੍ਰੇਡਮਾਰਕ ਦੇ ਕੰਟਰੋਲਰ ਜਨਰਲ ਦੇ ਕੋਲ ‘ਗਲੋ ਐਂਡ ਲਵਲੀ’ ਦੇ ਪੇਟੈਂਟ ਡਿਜ਼ਾਈਨ ਅਤੇ ਟ੍ਰੇਡਮਾਰਕ ਲਈ ਵੀ ਦਰਖਾਸਤ ਦਿੱਤੀ ਹੈ।
ਸ੍ਕਿਨ ਦੇ ਰੰਗ ਦੇ ਅਧਾਰ ‘ਤੇ ਕਿਸੇ ਵੀ ਵਿਤਕਰੇ ਨੂੰ ਅਣਮਨੁੱਖੀ ਮੰਨਿਆ ਜਾਂਦਾ ਹੈ ਅਤੇ ਪੱਛਮੀ ਦੇਸ਼ਾਂ ਵਿਚ ਇਸ ਦੇ ਵਿਰੁੱਧ ਕਈ ਅੰਦੋਲਨ ਹੋਏ ਹਨ। ਅਜਿਹੀ ਹੀ ਇੱਕ ਲਹਿਰ ਪੱਛਮ ਵਿੱਚ ਚੱਲ ਰਹੀ ਹੈ, ‘ਬਲੈਕ ਲਿਵਜ਼ ਮੈਟਰ’। ਹਾਲ ਹੀ ਵਿੱਚ, ਇੱਕ ਗੋਰੇ ਪੁਲਿਸ ਮੁਲਾਜ਼ਮ ਦੀਆਂ ਵਧੀਕੀਆਂ ਕਾਰਨ ਅਮਰੀਕਾ ਵਿੱਚ ਇੱਕ ਕਾਲੇ ਆਦਮੀ ਦੀ ਮੌਤ ਤੋਂ ਬਾਅਦ ਵੀ, ਅਜਿਹੀ ਲਹਿਰ ਨੂੰ ਹੋਰ ਮਜ਼ਬੂਤੀ ਮਿਲ ਰਹੀ ਹੈ।
ਅਜਿਹਾ ਲਗਦਾ ਹੈ ਕਿ ਇਸ ਦੇ ਕਾਰਨ, ਯੂਨੀਲੀਵਰ ਸਮੇਂ ਤੋਂ ਪਹਿਲਾਂ ਹੀ ਸੁਚੇਤ ਹੋ ਗਿਆ ਹੈ ਅਤੇ ਨਵੇਂ ਸਿਰੇ ਤੋਂ ਬ੍ਰਾਂਡਿੰਗ ਕਰਨਾ ਸ਼ੁਰੂ ਕਰ ਦਿੱਤੀ ਹੈ। ਹਾਲ ਹੀ ਵਿੱਚ, ਅਮਰੀਕੀ ਦਿੱਗਜ ਜਾਨਸਨ ਅਤੇ ਜਾਨਸਨ ਨੇ ਵੀ ਦੁਨੀਆ ਭਰ ਵਿੱਚ ਗੋਰਾਪਨ ਵਧਾਉਣ ਵਾਲੇ ਉਤਪਾਦਾਂ ਦੀ ਵਿਕਰੀ ਬੰਦ ਕਰ ਦਿੱਤੀ ਹੈ। ਫ੍ਰੈਂਚ ਕੰਪਨੀ L’Oreal ਨੇ ਵੀ ਇਹ ਫੈਸਲਾ ਲਿਆ ਹੈ ਕਿ ਉਹ ਆਪਣੇ ਸਾਰੇ ਸਕਿਨਕੇਅਰ ਉਤਪਾਦਾਂ ਤੋਂ ਫੇਯਰ, ਫੇਯਰਨੇਸ, ਲਾਈਟ, ਲਾਈਟਨੇਸ ਵਰਗੇ ਸ਼ਬਦਾਂ ਨੂੰ ਹਟਾ ਦੇਵੇਗਾ।